អគ្គនាយក Propertyarea​ ប្រាប់​វិធី​សាស្ត្រចំនួន៤​ ដើម្បី​វិ​ភា​គព័ត៌មាន ​មុន​សម្រេចចិត្ត​វិនិយោគ​លើ​វិស័យ​អចលនទ្រព្យ​

1

ដោយ​គង់ សូ​រិយា​

ភ្នំ​ពេញៈ​ ការ​វិនិយោគ​អចលនទ្រព្យ​ដើម្បី​ទទួល​បានផល​ចំណេញ​ ជា​ការប៉ងប្រាថ្នា​របស់​មនុស្ស​គ្រប់រូប​ ប៉ុន្តែ​អ្នក​វិនិយោគ​មិន​សុទ្ធ​តែ​ទទួល​បានផល​ចំណេញ​នោះ​ទេ​ បើសិនជា​គ្មាន​ការ​វិ​ភា​គព័ត៌មាន​ និង​សិក្សា​ទិដ្ឋភាព​ផ្លូវច្បាប់​ ឲ្យបាន​គ្រប់ជ្រុង​ជ្រោយ​មុន​សម្រេចចិត្ត​វិនិយោគ​។

ស្ថាបនិក​ និង​ជា​អគ្គនាយក​គេហទំព័រ​ Propertyarea.asia​ និង​ជា​អនុប្រធាន​ក្រុមប្រឹក្សា​ភិបាល​នៃ​សមាគម​អ្នកជំនាញ​អចលនទ្រព្យ​កម្ពុជា​ លោ​កយិន​ លាង​គង់ ​បាន​មានប្រសាសន៍​ឲ្យដឹង​នា​ព្រឹក​ថ្ងៃទី១១​ កក្កដា​នេះ​ថា​ មនុស្ស​មួយចំនួន​បាន​ភ្លេច​ឬមិន​ឲ្យ​តម្លៃ​លើ​សារ​ព័ត៌មាន​ ប៉ុន្តែ​អ្នក​ជោគជ័យ​លើ​មុខ​ជំនួញ​ និង​វិស័យ​អចលនទ្រព្យ​ពួកគេ​មិនដែល​ភ្លេច​អាន​ និង​តាម​ដា​នព័ត៌មាន​ប្រចាំថ្ងៃ​នោះ​ទេ​ ព្រោះ​ព័ត៌មាន​ជា​មូលដ្ឋាន​ដ៏​សំខាន់​ក្នុង​ការសម្រេច​ចិត្ត​វិនិយោគ​លើ​វិស័យ​អចលនទ្រព្យ​ ក៏ដូចជា​វិស័យ​ដទៃទៀត​។

ហេតុនេះ​អ្នក​ត្រៀមខ្លួន​ក្លាយជា​អ្នក​វិនិយោគ​ អ្នក​វិនិយោគ​ និង​ភ្នាក់ងារ​អចលនវត្ថុ​នានា​គួរ​សិក្សា​លើ​មូលដ្ឋាន​ទាំងបួន​នេះ​ ដើម្បី​ប្រើប្រាស់​ក្នុង​ការវិភាគ​ មុន​សម្រេចចិត្ត​វិនិយោគ​ ឬពង្រីក​ការ​វិនិយោគ​របស់​ខ្លួន​។

ដំណឹង​

ដំណឹង​ជា​ប្រភេទព័ត៌មាន ដែល​មាន​លក្ខណៈ​មិន​គ្រប់ជ្រុងជ្រោយ​ និង​មិន​អាច​ យក​មក​ប្រើប្រាស់​ ធ្វើជា​មូលដ្ឋាន​ក្នុង​ការសម្រេច​ចិត្តបាន​នោះ​ទេ​ ព្រោះ​ដំណឹង​ជា​ការ​លេច​លឺ​តគ្នា​ពី​មាត់​មួយ​ទៅ​មាត់​មួយ ​(ប៉ុន្តែ​វា​ក៏អាច​ពិត​)។

ឧទាហរណ៍​គំរោង​សាង​សង់​ព្រលា​នយន្តហោះ​ គំរោង​សាងសង់​ផ្លូវ​ល្បឿន​លឿន​ និង​គំរោង​វិនិយោគ​ទីក្រុង​រណប​ជាដើម​ ដែល​វា​ជា​ដំណឹង​ ប៉ុន្តែ​នៅពេល​យើង​យក​វា​មក​ប្រើប្រាស់​ វា​អាច​ធ្វើឲ្យ​យើង​បា​ត់់​បង់​នូវ​មូលដ្ឋាន​វិភាគ​ជាច្រើន​។ ប្រសិនជា​វា​ជា​ដំណឹង​ពិត​ ហេតុ​អី​យើង​ត្រូវ​វិនិយោគ​នៅ​កៀក​ព្រលា​នយន្តហោះ​ តើ​ដី​នៅ​ជិត​ឬកៀក​ព្រលា​នយន្តហោះ​ មានតម្លៃ​ខ្ពស់​ និង​អាច​អភិវឌ្ឍន៍​អ្វី​បាន​ឬទេ​?។

ហេតុនេះ​ការពឹងផ្អែក​លើ​ដំណឹង​ ដោយ​គ្មាន​មូល​ដ្ឋាន​ព័ត៌មាន​វិភាគ​ដទៃទៀត​ វា​អាច​ធ្វើឲ្យ​ការ​វិនិយោគ​របស់​យើង​ប្រឈម​ហានិភ័យ​។

ព័ត៌មាន

ព័ត៌មាន​ វា​ជា​ប្រភេទ​ដំណឹង​ ដែល​មាន​លក្ខណៈ​គ្រប់ជ្រុងជ្រោយ​ជាង​ដំណឹង​ និង​មាន​មូលដ្ឋាន​វិទ្យាសាស្ត្រត​ត្រឹមត្រូវ​ជាង​ ដោយ​សា​រសារព័ត៌មាន​ឈរ​លើ​មូលដ្ឋាន​ 5W​&​H ដែល​សំដៅ​ទៅលើ​ What​, Where​, When​, Why​, Who​ and​ How​។

ហេតុនេះ​ការ​អា​នព័ត៌មាន​ឲ្យបាន​ច្រើន​ ដែល​ជាព័ត៌មាន​មាន​លក្ខណៈ​គ្រប់ជ្រុងជ្រោយ​ដូច​ការ​លើកឡើង​ខាងលើ​ ពិតជា​មាន​សារៈសំខាន់​ណាស់​ ដើម្បី​ធ្វើជា​មូលដ្ឋាន​ក្នុង​ការសម្រេច​ចិត្ត​វិនិយោគ​នៅ​ទីតាំង​ណាមួយ​ តំបន់​ណាមួយ​ ឬរាជធានី​ ខេត្ត​ណាមួយ​។

ជា​ច្រក​ព័ត៌មាន​មុនគេ​

ការ​អា​នព័ត៌មានពី​កាសែត​ វេ​បសាយ​នានា​ ដូចជា​ Propertyarea.asia ​ជាដើម​ គឺ​ជា​ប្រភពព័ត៌មាន ដែល​ផ្តល់​ឲ្យ​សាធារណៈ​ជន​បានដឹង​មុនគេ​ ដើម្បី​ប្រើប្រាស់​ជា​ទុន​ចំណេះដឹង​ ជា​ទុន​សំរាប់​វិភាគ​ ពិចារណា​ ដើម្បី​ប្រើប្រាស់​ធ្វើជា​មួល​ដ្ឋាន​ក្នុង​ការសម្រេច​ចិត្ត​បោះទុន​វិនិយោគ​ ឬមិន​វិនិយោគ​។

អ្នក​វិនិយោគ​ឬអ្នកជំនួញ​ដែល​ជោគជ័យ​ តែងតែ​អា​នព័ត៌មាន​ជាប្រចាំ​ ដើម្បី​ទទួល​បាន​ចំណេះដឹង​ និង​ព័ត៌មានសំរាប់​វិភាគ​ ព្រោះ​ការ​ទទួល​បា​នព័ត៌មាន​មុនគេ​ ការ​ដឹង​ពីព័ត៌មាន​អភិវឌ្ឍន៍​នៅ​តំបន់​ណា​មុនគេ​ អ្នក​វិនិយោគ​នោះ​មាន​ឱកាស​ជោគជ័យ ៥០ភាគរយ​រួច​ទៅ​ហើយ​។

ឧទាហរណ៍​កាលពី​ពេល​ថ្មី​ៗនេះ​ រដ្ឋាភិបាល​បាន​ប្រកាស​ពី​គំរោង​សាង​សង់​ព្រលា​នយន្តហោះ​នៅ​ខេត្តមណ្ឌលគិរី​ ដែល​គេហទំព័រ​ Propertyarea.asia​ ទទួល​បាន​ និង​ចុះ​ផ្សាយ​ព័ត៌មាន​មុនគេ​។ ព័ត៌មាននេះ​បាន​ធ្វើឲ្យ​អ្នក​វិនិយោគ​ឆ្លាតវៃ​ បាន​ចាកចេញ​ពី​ក្រុងភ្នំពេញ​ ជាល​ទ្ឋ​ផល​ពួកគេ​បាន​ទិញ​ដី​ ខណៈ​តម្លៃ​ដី​បាន​កើន​ឡើង​ភ្លាម​ៗបន្ទាប់​ពីព័ត៌មាននេះ​ចេញ​ផ្សាយ​។

លើស​ពីនេះ​ ប្រសិនជា​អ្នក​វិនិយោគ​មាន​ទំនាក់ទំនង​ជិ​តស្និ​ទ្ឋ​ ជាមួយ​មន្រ្តី​រដ្ឋាភិបាល​ ពួកគេ​អាច​ទទួល​បា​នព័ត៌មានមុន​ និង​មាន​ឳកាស​ចំណេញ​បាន​ច្រើនជាង​គេ​ បើសិនជា​ពួកគេ​ទិញ​ដី​បាន​មុនគេ​ ប៉ុន្តែ​សួរ​ថា​តើ​មនុស្ស​ប៉ុន្មាន​នាក់​មាន​ទំនាក់ទំនង​ ឬបា​នដឹងព័ត៌មាន​មុនគេ​។

ការ​វិនិយោគ​មិន​ផ្អែកលើ​ការផ្សងព្រេង​ តែ​ផ្អែក​លើ​ប្រភព​ព័ត៌មាន​ជា​ក់លាក់​

ការ​វិនិយោគ​អចលនទ្រព្យ​ ឬវិនិយោគ​លើ​វិស័យ​ដទៃ​ឡើយ​។ ការ​វិនិយោគ​បែប​ផ្សងព្រេង​ នឹង​មិន​ទទួល​បាន​ជោគជ័យ​ច្រើន​នោះ​ទេ​ ប៉ុន្តែ​ការ​វិនិយោគ​ដោយ​ប្រើប្រាស់​មូល​ដ្ឋាន​ព័ត៌មានជាក់លាក់​ ការពិចារណា​យ៉ាង​លំអិត​ និង​គ្រប់ជ្រុងជ្រោយ​ ឱកាស​ជោគជ័យ​មាន​ខ្ពស់​ ព្រោះ​អ្នក​វិនិយោគ​ដែល​ទទួល​បាន​ជោគជ័យ​ តែងតែ​ពឹងផ្អែក​លើ​មូល​ដ្ឋាន​ព័ត៌មាន​ មូលដ្ឋាន​ចំណេះដឹង​ និង​មូលដ្ឋាន​វិភាគ​បាន​ច្បាស់លាស់​ជាមុន​ មុន​ពួក​គេច​ម្រេច​ចិត្ត​ទម្លាក់​លុយ​ចូល​ទៅលើ​គំរោង​របស់​ពួកគេ​។

ហេតុនេះ​ការ​អា​នព័ត៌មាន​ប្រចាំថ្ងៃ​ពី​ការ​វិ​វត្ត​ថ្មី​ៗនៃ​សេដ្ឋកិច្ច​ សង្គម​ អចលនទ្រព្យ​ និង​ព្រឹត្តិ​ការណ៍​សង្គមជាតិ​ និង​ពិភពលោក​ ពិតជា​ធ្វើឲ្យ​អ្នក​ឆ្លាត​ជាង​មុន​ មាន​មូលដ្ឋាន​ពិចារណា​ច្រើនជាង​មុន​ មាន​មូលដ្ឋាន​វិភាគ​កាន់តែ​ស៊ីជម្រៅ​ ហើយ​ការ​វិនិយោគ​របស់​ពួកគេ​តែងតែ​ទទួលជោគជ័យ​ និង​ប្រាសចាក​ហានិភ័យ​ខ្ពស់​។

លោ​កយិន​ លាង​គង់​នឹង​ចែក​រំ​លែ​កព័ត៌មាន​ និង​ការវិភាគ​លំអិត​ជាង​នេះ​ នៅក្នុង​សិក្ខាសាលា​ស្តី​ពី​ “វិធី​សាស្រ្ត​ត្រៀមខ្លួន​ក្លាយជា​អ្នកលក់​ដី​ឡូត៍​អាជីព​ជោគជ័យ​” នៅ​មជ្ឈមណ្ឌល​កិច្ច​សហប្រតិបត្តិ​ការ​កម្ពុជា​ ជប៉ុន​នា​ព្រឹក​ថ្ងៃទី៣១​ កក្កដា​ខាងមុខនេះ​។

កម្មវិធី​នេះ​រៀបចំ​សហការ​ដោយសា​លា​អចលនទ្រព្យ​កម្ពុជា​ (Real​ Estate School​ of​ ​Cambodia​) ក្លឹប​អ្នកលក់​ដី​ឡូត៍​កម្ពុជា​ និង​សហការ​ផ្សព្វផ្សាយ​ពី​បណ្តាញ​គេហទំព័រ​ Propertyarea.asia​៕

1 COMMENT

LEAVE A REPLY

Please enter your comment!
Please enter your name here