អភិបាលខេត្ត​ព្រះសីហនុ​ស្នើ​ទូត​ចិន​បើក​ស្ថាន​កុងស៊ុល​នៅក្នុង​ខេត្ត​ព្រះសីហនុ​

0

ដោយ ​វុត្ថា​

ព្រះ​សី​ហនុៈ​ អភិបាលខេត្ត​ព្រះសីហនុ​ លោក​ គួច​ ចំរើន​បាន​ស្នើ​ដល់​ឯកអគ្គ​រដ្ឋទូត​ចិន​ប្រចាំ​នៅ​កម្ពុជា​ជួយ​គាំទ្រ​ ដល់​ការ​បើក​ទីតាំង​សមាគម​សារព័ត៌មាន​ចិន​ និង​បើក​ស្ថាន​កុងស៊ុល​នៅ​ខេត្ត​ព្រះសីហនុ​ ដើម្បី​ធ្វើការ​ផ្សព្វផ្សាយ​ និង​សហការ​ជាមួយ​រដ្ឋបាល​ខេត្ត​ ដល់​ប្រជាជន​ចិន​ ដែល​នឹង​មក​វិនិយោគ​ និង​កំពុង​វិនិយោគ​នៅ​ខេត្ត​ព្រះសីហនុ​ ។

លោក​គួច​ ចំរើន​ នៅក្នុង​ជំនួប​ពិភាក្សា​ជាមួយ​លោក​ Wang​ Wentian​ ឯកអគ្គ​រដ្ឋទូត​ចិន​ប្រចាំ​ប្រទេស​កម្ពុជា​ កាលពី​ថ្ងៃទី១០​ ខែកក្កដា​ ឆ្នាំ​ ២០១៩​ ម្សិលមិញ​នេះ​ថា​ ការ​អភិវឌ្ឍ​នៅ​ខេត្ត​ព្រះសីហនុ​ មានសន្ទុះ​យ៉ាង​ខ្លាំង​ក្នុងរយៈពេល២ឆ្នាំ​ចុងក្រោយ​ ដែល​ធ្វើអោយ​ខេត្ត​ ដែល​ធ្លាប់​ជា​តំបន់​ទេសចរណ៍​តែមួយមុខ​គត់​ ប្រែក្លាយ​ជា​តំបន់​ភូមិសាស្ត្រ​ ប្រជាសាស្ត្រ​ និង​ការ​អភិវឌ្ឍ​កើនឡើង​លើ​គ្រប់​វិស័យ​។

លោក​បន្ត​ថា​ “ទន្ទឹម​នឹង​នោះ​ ក៏​មាន​បញ្ហា​ប្រឈម​កើតឡើង​ស្រប​ពេល​សំណង់​អគារ​ខ្ពស់​ៗជាច្រើន​ បាន​កើនឡើង​មិនធ្លាប់​មាននៅ​ក្នុង​ខេត្ត​ ផ្លូវថ្នល់​ជា​ច្រើ​នន​កន្លែង​បាន​ខូចខាត​ ប្រ​លាយ​ លូ​ ប្រព័ន្ធ​ទឹក​ស្អាត​បម្រើ​មិនបាន​គ្រប់គ្រាន់​ ទាន់​សភាពការណ៍​អភិវឌ្ឍន៍​យ៉ាង​គំ​ហុ​គនេះ​”។លោក​បន្ត​ថា​ “រដ្ឋបាល​ខេត្ត​ព្រះសីហនុ​មាន​យន្តការ​ អនុវត្ត​វិធានការ​អប់រំ​ ផ្សព្វផ្សាយ​ ចែករំលែក​ការអនុវត្ត​នីតិវិធី​ច្បាប់​ចំពោះ​វិនិយោគិន​ អោយ​យល់ដឹង​ពី​ វប្បធម៌​ ច្បាប់​ សង្គម​ និង​ការ​ផ្សព្វផ្សាយ​អប់រំ​នៅ​កម្ពុជា​”។

លោក​ Wang​ Wentian​ ឯកអគ្គ​រដ្ឋទូត​ចិន​ប្រចាំ​ប្រទេស​កម្ពុជា​ បាន​មានប្រសាសន៍​ថា​ លោក​នឹង​គាំទ្រ​ជួយ​ដោះស្រាយ​បញ្ហា​ប្រឈម​ កើតមាន​នៅ​ខេត្ត​ព្រះសីហនុ​តប​តាម​ការ​ស្នើ​របស់​អភិបាលខេត្ត​រូប​នេះ​។ លោក​បន្ត​ថា​ ស្ថានទូត​ចិន​នឹង​មាន​ជា​គំរោង​ “កម្មវិធី​ខេត្ត​ព្រះសីហនុ​ មាន​សុវត្ថិភាព​”ដោយ​មា​នប​ញ្ជូល​ទាំង​ការ​ បណ្តុះបណ្តាល​ ការប្រើ​ប្រាស់​សំភារៈ​ បច្ចេកទេស​ និង​សណ្តាប់​ធ្នាប់​ជាដើម​។

ខេត្ត​ព្រះសីហនុ​មាន​លំហូ​ជជនជាតិ​ចិន​យ៉ាង​យ៉ាងច្រើន​ ចាប់តាំងពី​ឆ្នាំ២០១៧​ បន្ទាប់ពី​ទំនាក់ទំនង​កម្ពុជា​-ចិន​កាន់តែ​មាន​មាន​ភាព​ស្អិតល្មួត​។ ប្រទេស​ចិន​បាន​ផ្ដល់​ជំនួយឥតសំណង​ និង​កម្ចី​មក​កម្ពុជា​ជាបន្តបន្ទាប់​ ហើយ​កម្ពុជា​បាន​ចុះ​កិច្ច​ព្រមព្រៀង​ជាមួយ​រដ្ឋាភិបាល​ចិន​ ក្នុង​ការ​អភិវឌ្ឍ​ខេត្ត​ព្រះសីហនុ​ ឲ្យ​ក្លាយជា​តំបន់​ទេសចរណ៍​អន្ដរ​ជាតិ​ និង​ក្លាយជា​តំបន់​សេដ្ឋកិច្ច​ពិសេស​៕

LEAVE A REPLY

Please enter your comment!
Please enter your name here