អស្ចារ្យ! រយៈពេល៤ខែ ខេត្តព្រះសីហនុទទួលបានភ្ញៀវទេសចរណ៍ជិត១លាននាក់

0

ដោយ វុត្ថា

ភ្នំពេញ កំនើនទេសចរណ៍ និងការអភិវឌ្ឍន៍បានធ្វើឲ្យខេត្តនេះរីកចម្រើនយ៉ាងលឿន ដោយរយៈពេលត្រឹមតែ៤ខែ មានអាកាសចរណ៍ជាតិ និងអន្តរជាតិចុះចតរហូតដល់២១៣៤លើក។

ប្រធានមន្ទីរទេសចរណ៍ខេត្តព្រះសីហនុលោក តាំង សុចិត្រគ្រឹស្នា បានថ្លែងឲ្យដឹងនៅព្រឹកថ្ងៃទី៨ ឧសភានេះថា ក្នុងរយៈពេល៤ខែ ដើមឆ្នាំ២០១៨ ទេសចរដែលមកទស្សនាខេត្តព្រះសីហនុមានប្រមាណ ៩៥៣,១៧១ម៉ឺននាក់ កើនឡើង១៨,៤ភាគរយ ក្នុងនោះមានទេសចរចិនប្រមាណ៥ម៉ឺននាក់ កើនឡើង៣៧ភាគរយ រួមជាមួយទេសចរច្រើនជាតិសាសន៍ដែលកំពុងមាការកើនឡើងផងដែរ ដូចជា រុស្សី បារាំង អាល្លឺម៉ង់ អង់គ្លេស អូស្ត្រាលី ថៃ វៀតណាម ម៉ាឡេស៊ី។ល។

លោកថា ភ្ញៀវទេសចរដែលទៅទស្សនាតាមបណ្ដាកោះ ក្នុងខេត្តព្រះសីហនុ ពិសេ​​សកោះរ៉ុង កោះរ៉ុងសន្លឹមជាដើម មានជាង១១ម៉ឺននាក់ កើនឡើងជាង១០ភាគរយ ផងដែរ ក្នុងត្រីមាសទី១ឆ្នាំនេះធៀបនឹងរយៈពេលដូចគ្នាកាលពីឆ្នាំមុន។

លោកគ្រឹះស្នាបានបន្តថា បើគិតត្រឹមរយៈពេល៣ខែ ដើមឆ្នាំ២០១៨ មានជើងហោះហើរមកខេត្តព្រះសីហនុចំនួន២,១៣៥ជើង កើនឡើង៦៦ភាគរយ ធៀបរយៈពេ​លដូចគ្នាកាលពីឆ្នាំមុន ក្នុងនោះមានជើងហោះហើរប្រមាណ២០២ជើង មកពីក្រៅប្រទេស និងក្នុងស្រុកមានចំនួន៣៤៨ជើងក្នុងមួយសប្ដាហ៍។

Advertisement

ខេត្តព្រះសីហនុបច្ចុប្បន្នមានសណ្ឋាគារ៦៩កន្លែង ស្មើនឹង៣,៥២១បន្ទប់ ផ្ទះភ្ញៀវមាន៣១៩កន្លែង ស្មើនឹង៤,០២៩បន្ទប់ ភោជនីយដ្ឋាន-អាហារដ្ឋានមាន ២៥១កន្លែង ស្មើនឹង៩,៧៧៣កៅអី។ហាងម៉ាស្សាមាន៤២កន្លែងស្មើនឹង៣០០គ្រែ សេវាកម្សាន្តទេស​​ចរណ៍សម្រាប់មនុស្សពេញវ័យមាន១៧កន្លែង ទីភ្នាក់ងារទេសចរណ៍៣១កន្លែង និងកីឡាទេសចរណ៍១៧កន្លែង។

លោកតាំង សុចិត្រគ្រឹះស្នាបានបន្តថា នៅ២ឆ្នាំខាងមុខនឹងមានសណ្ឋាគារថ្មីៗប្រណីតប្រមាណ២០០០-២៥០០បន្ទប់បន្ថែមទៀតនឹងដាក់ដំណើរការ ដើម្បីស្វាគមន៍ភ្ញៀវទេសចរណ៍ជាតិ អន្តរជាតិ និងអ្នកវិនិយោគនានា៕

- Advertisement -

Leave a Reply