អាកាសចរណ៍​អូស្ត្រាលី​នឹង​សាកល្បង​យន្តហោះ​ដែល​បំពាក់​បច្ចេកវិទ្យា​ចុងក្រោយ​ហោះ​ត្រង់​ទៅ​អាមេរិក​

0

ដោយ​ Donald​ Lee​

ស៊ីដនី​: ក្រុមហ៊ុន​អាកាសចរណ៍​ Qantas​ ដែល​ជា​ក្រុមហ៊ុន​អាកាសចរណ៍​ធំជាង​គេ​នៅ​អូស្ត្រាលី​ គ្រោង​នឹង​សាកល្បង​ដែន​កំណត់​ការ​ធ្វើដំណើរ​របស់​មនុស្ស​ ដោយ​ហោះហើរ​ផ្ទាល់​ពីទី​ក្រុង​ញូ​វយ៉​ក និង​ឡុងដុង​ទៅ​ស៊ីដនី​ ដែល​ជា​ជើង​ហោះហើរ​នឹង​ប្រវែង​វែង​ជាងគេ​បំផុត​នៅ​លើ​ពិភពលោក​។

មុន​ពេល​គ្រោង​ចាប់ផ្តើម​សេវាកម្ម​ហោះហើរ​ ក្រុមហ៊ុន​ Qantas​ នឹង​ធ្វើការ​ហោះហើរ​ចំងាយ​ឆ្ងាយ​ចំនួន៣ជើង​ ដើម្បី​សង្កេតមើល​សុខុមាលភាព​របស់​បើកបរ​យន្តហោះ​ និង​អ្នកដំណើរ​។

ជើងហោះហើរ​នេះ​ នឹង​ប្រើប្រាស់​យន្តហោះ​ប្រភេទ​ប៊ូ​អ៊ី​ង 787​-9s ថ្មី​ នៅក្នុង​ការស្រាវជ្រាវ​ ដែល​មានឈ្មោះ​ថា​ “Project​ Sunrise​ “។ ការស្រាវជ្រាវ​នឹង​ត្រូវ​ធ្វើឡើង​នៅ​ខែ​ តុលា​ វិច្ឆិកា​ និង​ ធ្នូ​ឆ្នាំនេះ​។

អ្នកចូលរួម​គម្រោង​នេះ​ នឹង​ត្រូវ​បាន​បំពាក់​បច្ចេកវិទ្យា​ត្រួតពិនិត្យ​សុខភាព​ ដើម្បី​មើល​ថា​តើ​ការហោះហើរ​ដ៏​វែង​នេះ​ នឹង​ប៉ះពាល់​ដល់​រាងកាយ​មនុស្ស​យ៉ាងដូច​ម្តេច​។ ការ​ធ្វើតេស្ត​នេះ​ នឹង​ត្រូវ​ធ្វើឡើង​ស្រប​ជាមួយនឹង​សាកល​វិទ្យាល័យ​ស៊ីដនី​ និង​សាកល​វិទ្យាល័យ​ Monash​។

ក្រុមហ៊ុន​ Qantas​ បាន​ឲ្យដឹង​ថា​ “អ្នកដំណើរ​នៅ​កាប៊ីន​ភាគច្រើន​ជា​បុគ្គលិក​របស់​ក្រុមហ៊ុន​ Qantas​ នឹង​ត្រូវ​បាន​បំពាក់​ជាមួយ​ឧបករណ៍​បច្ចេកវិទ្យា​ និង​ចូលរួម​នៅក្នុង​បទពិសោធន៍​ជាក់លាក់​ នៅ​ដំណាក់​កាល​ផ្សេង​ៗគ្នា​ នៃ​ការហោះហើរ​ប្រមាណ១៩ម៉ោង​”។

អ្នក​វិទ្យាសាស្ត្រ​ និង​អ្នកជំនាញ​ផ្នែក​វេជ្ជសាស្ត្រ​ នឹង​តាមដានមើល​ដំណេក​របស់​អ្នកដំណើរ​ ការ​ទទួលទាន​ចំណីអាហារ​ និង​ភេសជ្ជៈ​ ពន្លឺ​ ចលនា​រាងកាយ​ និង​ការកម្សាន្ត​ដើម្បី​វាយតម្លៃ​ផល​ប៉ះពាល់​ដល់​សុខភាព​ សុខុមាលភាព​ និង​ពេលវេលា​រាងកាយ​។

នាយក​ប្រតិបត្តិ​របស់​ក្រុមហ៊ុន​ Qantas​ Group​ លោក ​Alan​ Joyce​ បាន​មានប្រសាសន៍​ថា​ “ការហោះហើរ​មិនឈប់​ពី​ឆ្នេរ​ខាងកើត​នៃ​អូស្រ្តាលី​ ទៅកាន់​ទី​ក្រុង​ឡុងដ៍​ និង​ញូ​វយ៉​ក ពិតជា​ឈានមុខ​គេ​ក្នុង​វិស័យ​អាកាសចរណ៍​ ដូច្នេះ​យើង​បាន​ប្តេជ្ញា​ថា​នឹង​ធ្វើការងារ​ងារ​ទាំងអស់​ដើម្បី​ធ្វើ​វា​ឲ្យបាន​”៕

LEAVE A REPLY

Please enter your comment!
Please enter your name here