អាកាសយាន​ដ្ឋាន​អន្តរជាតិ​ភ្នំពេញថ្មី​​នឹង​ចាប់ផ្តើម​​សាងសង់​​នៅដើម​ឆ្នាំ​២០២៤​

0

​ដោយ​ ​ស៊ីវ ម៉េង

​ភ្នំពេញ​៖​ ​អគ្គនាយក​ក្រុមហ៊ុន​ ​OCIC​ ​លោក​ឧកញ៉ា​ ​ពុង​ ​ឃា​វ​សែ​ ​បានឱ្យ​ដឹង​ថា​ ​បើ​មិន​មានការ​ជួប​បញ្ហា​វិវាទ​ដីធ្លី​នោះ​ទេ​ ​ចំណតអាកាសយាន​ដ្ឋាន​អន្តរជាតិ​ភ្នំពេញថ្មី​ ​ដែល​គ្រោង​នឹង​សាងសង់​នៅក្នុង​ទឹកដី​រវាង​ស្រុក​កណ្តាល​ស្ទឹង​ ​ខេត្តកណ្តាល​ ​និង​ទន្លេបាទី​ ​ខេត្តតាកែវ​នោះ​ ​នឹង​ចាប់ផ្តើម​សាងសង់​នៅដើម​ឆ្នាំ២០២៤​។​


​លោក​ឧកញ៉ា​ ​ពុង​ ​ឃា​វ​សែ​ ​អគ្គនាយក​ក្រុមហ៊ុន​ ​OCIC​ ​បានបញ្ជាក់ឱ្យដឹងនៅព្រឹកថ្ងៃទី ១៥មីនានេះថា​ ​យ៉ាង​យូរ​នៅដើម​ឆ្នាំ២០២៤​ ​ខាងមុខនេះ​ ​ក្រុមហ៊ុន​ដ៏​ធំ​មួយ​របស់​ប្រទេស​អង់គ្លេស​ ​និង​ក្រុមហ៊ុន​ពាក់ព័ន្ធ​នានា​ទៀត​ ​នឹង​ចាប់ផ្តើម​ដំណើរការ​សាង​សង់​ព្រលា​នយន្​ត​ហោះ​អន្តរជាតិ​ភ្នំពេញថ្មី​ ​ប្រសិនបើ​មិន​មាន​វិវាទ​ ​ឬ​បញ្ហា​ដីធ្លី​ពាក់ព័ន្ធ​ក្នុង​បរិវេណ​គម្រោង​ត្រូវ​បាន​ដោះស្រាយ​។​ ​

លោក​ឧកញ៉ា​ ​ពុង​ ​ឃា​វ​សែ​ ​បាន​បញ្ជាក់ទៀត​ថា​ ​៖​ ​«​នៅពេល​បច្ចុប្បន្ន​នេះ​ ​តំបន់​ដែល​នឹង​ត្រូវ​បាន​សាង​សង់​ព្រលា​នយន្ត​ហោះ​នោះ​ ​គឺ​កំពុង​បាន​ដំណើរការ​រ៉ាវ​រក​គ្រប់​មីន​ ​និង​គ្រាប់​អា​វុធ​យុទ្ធ​ភ័​ណ្ឌ​នានា​ទៀត​ ​ដែល​ក្នុង​មួយថ្ងៃ​គឺ​គេ​អាច​រ៉ាវ​រក​គ្រាប់មីន​បាន​ក្នុង​ទំហំដី​ពី៥ទៅ៦ហិច​តា​ ​ហើយ​ក្នុង​ទំហំដី​ដែល​គ្រោង​សាង​សង់​ព្រលា​ន​គឺ​មាន​ប្រមាណ​ជាង២៦០០ហិ​ក​តា​ ​គឺ​ត្រូវ​រ៉ាវ​មីន​រយៈពេល៨ខែ​ទើប​រួចរាល់​។​



​ឧកញ៉ា​ ​ពុង​ ​ឃាវ​ ​សែ​ ​បាន​បន្ត​ថា​ ​ដី​សាង​សង់​ព្រលា​នយន្​ត​ហោះ​អន្តរជាតិ​លំដាប់​ ​4F​ ​នេះ​ ​បច្ចុប្បន្ន​ ​ប្រមូល​ដី​បាន​ប្រមាណ​ជាង១,០០០ហិច​តា​ហើយ​ ​ពោល​គឺ​ប្រមូល​បាន៤០​%​ ​នៅសល់៦០​%​ទៀត​ ​កំពុង​រៀបចំ​ដោះស្រាយ​។​ ​សម្រាប់​ការ​សង់​ព្រលា​នយន្តហោះ​នៅក្នុង​ទឹកដី​ស្រុក​កណ្តាល​ស្ទឹង​ ​និង​ស្រុក​បាទី​នោះ​ ​កន្លងមក​ ​មាន​ក្រុម​ហ៊ុន​ធំៗ​បី​នៅក្នុង​ពិភពលោក​ ​បាន​ដេញថ្លៃ​សាងសង់​ ​ប៉ុន្តែ​ចុងក្រោយ​ ​កម្ពុជា​ ​សម្រេច​អោយ​ក្រុមហ៊ុន​ដ៏​ធំ​មួយ​របស់​ប្រទេស​អង់គ្លេស​ជា​អ្នកទទួល​សាងសង់​៕

LEAVE A REPLY

Please enter your comment!
Please enter your name here