អាស៊ាន​ និង​ប្រទេស៦ផ្សេងទៀត​ នឹង​ក្លាយជា​ប្លុក​ពាណិជ្ជកម្ម​ធំជាង​គេ​ទី១​ លើ​ពិភពលោក​

0

ដោយ​ ម៉ា​ណេត​

ភ្នំ​ពេញៈ​ ភាពជា​ដៃគូ​សេដ្ឋកិច្ច​គ្រប់ជ្រុងជ្រោយ​ក្នុង​តំបន់​ (RCEP​) ដែល​មាន​សមាជិក​ចំនួន១៦ប្រទេស​ នឹង​ធ្វើឲ្យ​បណ្តា​ប្រទេស​ទាំងនេះ​ ក្លាយជា​ប្លុក​ពាណិជ្ជកម្ម​មួយ​ដ៏​ធំ​បំផុត​លើ​ពិភពលោក​។

សេដ្ឋកិច្ច​នៃ​បណា្ត​ប្រទេស​ក្នុង​កិច្ច​ព្រមព្រៀង​ ភាពជា​ដៃគូ​សេដ្ឋកិច្ច​គ្រប់ជ្រុងជ្រោយ​ក្នុង​តំបន់​ (RCEP​) មាន​ទំហំ​ប្រមាណ ៣០​ ភាគរយ​នៃ​ផលិតផល​ក្នុង​ស្រុក​សរុប​របស់​ពិភពលោក​ និង​មាន​ចំនួន​ប្រជា​ជន​មស្ទើរតែ​ពាក់កណ្តាល​ នៃ​ចំនួន​ប្រជា ជន​សកលលោក​។ ប្លុក​នេះ​មាន៣១​,៦ ភាគរយ​ នៃ​ផលិតកម្ម​សរុប​លើ​ពិភពលោក​ និង​មាន២៨​,៥ ភាគរយ​នៃ​ពាណិជ្ជកម្ម​ពិភពលោក​ និង​តំណាង​ឲ្យ១ភាគ៥​ នៃ​លំហូរ​វិនិយោគ​ផ្ទាល់​ពី​បរទេស​សកល​កាលពី​ឆ្នាំ២០១៦​។

ការពិភាក្សា​ស្តី​ពី​ការបង្កើត​កិច្ច​ព្រមព្រៀង​ពាណិជ្ជកម្ម​សេរី​ ដែល​ពាក់ព័ន្ធ​នឹង​ចិន​ អាស៊ាន​ អូស្រ្តាលី​ ឥណ្ឌា​ ជប៉ុន​ ញ៉ូវហ្សេ​ឡែន​ និង​កូរ៉េ​ខាងត្បូង​ បាន​និង​កំពុង​បន្ត​ចាប់តាំងពី​ឆ្នាំ២០១២​ ហើយ​ខណៈ​ពេល​ការ​ដំណើរ​ចរចា​មាន​ភាពយឺត​យ៉ាវ​ ដោយ​បាន​ប្រជុំ​ជាង​ ២៦ជុំ​នៃ​ការចរចា​ប្រមុខ​នៃ​រដ្ឋ​ ជាស​មា​ជិ​កបាន​សន្យា​កាលពី​ខែវិច្ឆិកា​ ដើម្បី​បញ្ចប់​កិច្ច​ព្រមព្រៀង​នេះ​នៅ​ឆ្នាំនេះ​។

ប្រសិនបើ​បាន​បញ្ចប់​ការ​ពន្លឿន​ចរចា​ ភាពជា​ដៃគូ​សេដ្ឋកិច្ច​គ្រប់ជ្រុងជ្រោយ​ក្នុង​តំបន់​ (RCEP​) ភាពជា​ដៃគូ​សេដ្ឋកិច្ច​គ្រប់ជ្រុងជ្រោយ​ក្នុង​តំបន់​ នឹង​ធ្វើឲ្យ​តំបន់​នេះ​នឹង​ក្លាយជា​ប្លុក​ពាណិជ្ជកម្ម​ដ៏​ធំ​បំផុត​របស់​ពិភពលោក​។

លោក​ Tong​ Jiadong​ សាស្រ្តា​ចារ្យ​ពាណិជ្ជកម្ម​អន្តរជាតិ​នៅ​សាកល​វិទ្យាល័យ​ Nankai​ University​ នៅ​ភាគ​ខាងជើង​ប្រទេស​ចិន​បាន​និយាយ​ថា​ ក្រុង​ប៉េកាំង​ចង់​បង្កើន​សមាហរណកម្ម​ក្នុង​តំបន់​ តាមរយៈ​ភាពជា​ដៃគូ​សេដ្ឋកិច្ច​គ្រប់ជ្រុងជ្រោយ​ ក្នុង​តំបន់​ (RCEP​) និង​មធ្យោបាយ​ផ្សេងទៀត​ជា​ ពិសេស​ដើម្បី​ផ្លើ​យត​បនឹង​ភាព​តានតឹង​រវាង​អាមេរិក​ និង​ចិន​។

លោក​បាន​មានប្រសាសន៍​ថា​ “វិធានការ​ទាំងនេះ​ បាន​ជួយ​កាត់បន្ថយ​ផល​ប៉ះពាល់​ នៃ​សង្គ្រាម​ពាណិជ្ជកម្ម​”។

យោង​តាម​តួលេខ​ដែល​បាន​ចេញផ្សាយ​ ដោយ​ទីក្រុង​ប៉េកាំង​កាលពីដើម​ខែ​នេះ​ ទំហំ​ពាណិជ្ជកម្ម​រវាង​ចិន​ និង​បណ្តា​ប្រទេស​អាស៊ាន​ មាន​ទំហំ​ទឹកប្រាក់២៩១​,៨ពាន់​លាន​ដុល្លារ​ក្នុងរយៈពេល៦ខែ​ដំបូង​ នៃ​ឆ្នាំ២០១៩​ កើនឡើង៤ភាគរយ​ធៀប​រយៈពេល​ដូចគ្នា​កាលពី​ឆ្នាំមុន​។

ប្លុក​អាស៊ាន​ដែល​មាន​សមាជិក១០ប្រទេស​ គឺជា​ដៃគូ​ពាណិជ្ជកម្ម​ដ៏​ធំ​បំផុត​ទី២​ របស់​ចិន​នៅក្នុង​រយៈពេល​នេះ​ បន្ទាប់ពី​សហភាព​អឺរ៉ុប​។ ទិន្នន័យ​នេះ​ត្រូវ​បាន​ចេញផ្សាយ​ ស្រប​ពេល​រដ្ឋាភិបាល​ក្រុង​ប៉េកាំង​ រៀបចំ​ធ្វើ​កិច្ចចរចា​ជុំ​ចុងក្រោយ​បំផុត​ នៃ​កិច្ចចរចា​ភាពជា​ដៃគូ​សេដ្ឋកិច្ច​គ្រប់ជ្រុងជ្រោយ​ក្នុង​តំបន់​ (RCEP​) នៅក្នុង​ទីក្រុង​ Zhengzhou​ ដែល​ជារ​ដ្ឋ​ធានី​នៃ​ខេត្ត​ Henan​ ប្រទេស​ចិន​៕

LEAVE A REPLY

Please enter your comment!
Please enter your name here