អ្នកជំនាញ​និយាយ​ពី​ប្រភេទ​ប្លង់​កម្មសិទ្ធិ​ និង​វិធី​បញ្ចៀស​បញ្ហា​វិវាទ​ដែល​អាច​កើតមាន​

0

ដោយៈ​ រ៉ា​ណេត​

ភ្នំ​ពេញៈ​ នៅក្នុង​វិស័យ​អចន​ទ្រព្យ​ត្រូវ​បាន​បែងចែក​ ចេញ​ជា​ផ្នែក​ផ្សេង​ៗគ្នា​ជាច្រើន​ ហើយ​ការ​វិនិយោគ​ក៏​ត្រូវ​បាន​បែងចែក​ ទៅតាម​ទំហំ​សាច់ប្រាក់​ផង​ដែរ​។ ប៉ុន្តែ​ដើម្បី​បញ្ចៀស​ហា​នី​ភ័យ​នៃ​ការ​វិនិយោគ​នៅក្នុង​វិស័យ​មួយ​នេះ​ អ្នក​វិនិយោគ​ត្រូវ​មានការ​ពិនិត្យ​ទៅលើ​ឯកសារ​ពាក់ព័ន្ធ​ជាច្រើន​ ជាពិសេស​គឺ​ឯកសារ​សម្គាល់​កម្មសិទ្ធិ​ ដែលគេ​ហៅថា​ «ប្លង់​»។

អគ្គនាយក​ក្រុមហ៊ុន​អចលនទ្រព្យ​អន្តរជាតិ​ Century​ 21​ Mekong​ និង​ជា​ប្រធាន​សមាគម​អ្នក​វាយតម្លៃ​ និង​ភ្នាក់ងារ​អចលនវត្ថុ​កម្ពុជា​ លោក​ច្រឹក​ សុ​ខនីម​ បាន​មាន​ប្រសាសន​ឲ្យដឹង​ថា​ ប័ណ្ណ​សម្គាល់​កម្មសិទ្ធិ​ ឬប្លង់​មាន​ច្រើន​ប្រភេទ​ ហើយ​សុពលភាព​នៃ​ការ​ប្រើ​បក្រាស់​ក៏​ត្រូវ​បាន​បែងចែក​ទៅ​តា​មតំ​ណា​ក់​កាល​ និង​ពេលវេលា​ផង​ដែរ​ ។ លោក​បាន​បន្ត​ទៀត​ថា​ បច្ចុប្បន្ន​នេះ​នៅក្នុង​ប្រទេស​កម្ពុជា​ មានការ​ប្រើប្រាស់​ប្លង់​ជាច្រើន​ប្រភេទ​ ដែល​មិន​តិច​ជាង៧នោះ​ឡើយ​។

លោក​បាន​បន្ត​ទៀត​ថា​ “កាលពី​សម័យ​សង្គម​រាស្ត្រនិយម​ មាន​ប័ណ្ណ​អចលនទ្រព្យ​ចំនួន​ពីរ​ប្រភេទ​ដែល​ត្រូវ​បាន​គេ​ហៅថា​ «ប័ណ្ណ​ស្លាបមាន់​» លុះ​នៅក្នុង​សម័យកាល​រដ្ឋកម្ពុជា​ គេ​ហៅថា​ «ប្លង់​កាត់​ដោយ​ដុំ​ ឬបំណែក​នៃ​អចលនទ្រព្យ​»។ នៅមុន​ឆ្នាំ១៩៩០​ ត្រូវ​បាន​ប្រើ​ប័ណ្ណ​សម្គាល់​កម្មសិទ្ធិ​មួយ​ប្រភេទ​ទៀត​ ដែលគេ​ហៅថា​ «ប្លង់​ទន់​» ដែល​ទទួលស្គាល់​ដោយ​អជ្ញា​ធរ​ដែនដី​ ឬត្រឹម​ ឃុំ​ / សង្កាត់​ (បច្ចុប្បន្ន​ទទួលស្គាល់​ដល់​ថ្នាក់​ស្រុក​ / ខណ្ឌ​) ។ ចំណែក​ប្លង់​មួយ​ប្រភេទ​ទៀត​ ដែល​ចុះ​ជា​ប្រព័ន្ធ​ «ប្លង់​អិ​លម៉ាប​» ហើយ​ប្លង់​ ឬប័ណ្ណ​សម្គាល់​កម្មសិទ្ធិ​ទាំងអស់​ ដូច​បាន​រៀបរាប់​ខាងលើ​នេះ​ កំពុងតែ​ប្រើប្រាស់​រួមគ្នា​រហូតមកដល់​សព្វថ្ងៃ​”។

លោក​ ច្រឹក​ សុ​ខនីម​ បាន​មានប្រសាសន៍​បន្ត​ទៀត​ថា​ “ អ្នក​ដែល​វិនិយោគ​ ឬអ្នកទិញ​អចលនទ្រព្យ​ ត្រូវ​មានការ​ប្រុងប្រយ័ត្ន​ឱ្យ​បាន​ខ្ពស់​ ទៅលើ​ការ​កាត់​ប្លង់​រឹង​ដែល​ជា​ប្លង់​ទទួលស្គាល់​ដោយ​ក្រសួង​”។

​លោក​បញ្ជាក់​ថា​ ភាគច្រើន​បញ្ហា​វិវាទ​តែង​កើតមានឡើង​ ក្រោយពេល​ការ​កាត់​ប្លង់​មិន​ត្រូវ​បាន​ធ្វើឡើង​ដោយ​ត្រឹមត្រូវ​។ ឧទាហរណ៍​ ឪពុក​ ម្តាយ​ ដែល​បែងចែក​ចំណែក​ដី​រួម​ដែល​ស្ថិតនៅ​ក្នុង​ប្លង់​រឹង​ ទៅ​ឱ្យ​កូន​ដោយ​ត្រឹមតែ​ធ្វើការ​បញ្ជាក់​ត្រឹម​ ឃុំ​ / សង្កាត់​ ឬសាលាស្រុក​ / ខណ្ឌ​ ដោយ​មិនបាន​បំបែង​ក្បាលដី​ចេញពី​ប្លង់​រឹង​”។

​លោក​ច្រឹក​ សុ​ខនី​មបាន​បញ្ជាក់​ទៀត​ថា​ បញ្ហា​ភាគច្រើន​នៅពេល​បច្ចុប្បន្ន​នេះ​ កើតមាន​ទៅលើ​អ្នក​ដែល​ទិញ​ដី​ឡូ​តិ៍​ ដោយ​សារតែ​អ្នកទិញ​មិនបាន​យល់​ច្បាស់​ពី​កាត់​ប្លង់​ និង​ការ​បំបែក​ក្បាលដី​ ដែល​ទទួលស្គាល់​ដោយ​ស្ថាប័ន​ក្រសួង​។ ដូច្នេះ​ចំពោះ​អ្នកទិញ​ ដើម្បី​បញ្ចៀស​ហា​នី​ភ័យ​ ឬបញ្ហា​វិវាទ​ណាមួយ​កើតឡើង​ គឺ​ត្រូវតែ​សិក្សា​ឱ្យ​បាន​ច្បាស់​ពី​ប្រវត្តិ​ដី​ ដឹងពី​ប្រភេទ​ប័ណ្ណ​កម្មសិទ្ធិ​ និង​ការ​កាត់​ប្លង់​បំបែក​ក្បាលដី​ឱ្យ​បាន​ច្បាស់​។

លោក​បាន​សង្កត់ធ្ងន់​ថា​ វិធីសាស្ត្រ​មួយទៀត​ ដើម្បី​អាច​ចៀស​ផុត​ពី​ហានិភ័យ​ អ្នកទិញ​ត្រូវតែ​ប្រឹក្សា​ជាមួយ​អ្នកជំនាញ​ច្បាប់​អចលនទ្រព្យ​ ដើម្បី​សិក្សា​ទៅលើ​ប្រភេទ​ប័ណ្ណ​សម្គាល់​កម្មសិទ្ធិ​ ឬប្លង់​ មុន​ពេល​សម្រេចចិត្ត​ទិញ​ ដើម្បី​កុំ​ជួយ​ជាមួយ​រឿង​វិវាទ​កើតឡើង​ដែល​នាំ​ឱ្យ​ខាតបង់​ផលប្រយោជន៍​៕

LEAVE A REPLY

Please enter your comment!
Please enter your name here