អ្នកជំនាញ​អះអាង​ថា​ ខេត្តកំពត​នឹង​មានការ​រីកចម្រើន​បន្ទាប់ពី​ក្រុង​ព្រះសីហនុ​

0

ដោយ​គង់​ សូ​រិយា​

ភ្នំ​ពេញៈ​ ក្រុម​អ្នកជំនាញ​អចលនទ្រព្យ​ជាតិ​ និង​អន្តរជាតិ​បាន​អះអាង​ស្រដៀងគ្នា​ថា​ ខេត្តកំពត​នឹង​មាន​សក្តា​នុ​ពល​រូ​កចម្រើន​លឿន​ បន្ទាប់ពី​ក្រុង​ព្រះសីហនុ​ ដោយសារ​លក្ខខ័ណ្ឌ​ជាច្រើន​។

លោក ​Saraj​ Sutton​ នាយកចាត់ការ​ទូទៅ​នៃ​ក្រុមហ៊ុន​ Century21​ Cambodia​ (COO​) បាន​មានប្រសាសន៍​ឲ្យដឹង​កាលពី​ចុង​សប្តាហ៍​មុន​ថា​ ខេត្តកំពត​កំពុង​មាន​សក្តា​នុ​ពល​ ដែល​ជំរុញ​ឲ្យ​ខេត្ត​នេះ​ មានការ​រីកចម្រើន​លឿន​ បន្ទាប់ពី​ខេត្ត​ព្រះសីហនុ​ ដោយសារ​កត្តា​សំ​ខាន់​ៗជាច្រើន​ ដូចជា​ ទី១​ មាន​ហេ​ដ្ឋា​រចនាសម្ព័ន្ឋ​ល្អ​ប្រសើរ​ ក្នុង​ការ​តភ្ជាប់​ជាមួយ​ខេត្ត​ព្រះសីហនុ​ ខេត្ត​កែប​ ទី២​ មាន​ទីតាំង​មិន​ឆ្ងាយ​ពី​ក្រុងភ្នំពេញ​ ហើយ​ហេ​ដ្ឋា​រចនាសម្ព័ន្ឋ​នានា​កំពុង​ស្ថាបនា​ ទី៣​ វិស័យ​ដឹកជញ្ជូន​ ខេត្តកំពត​ជា​ខេត្ត​ធំ​មួយ​ ដែល​មាន​កំពង់ផែ​ទឹកជ្រៅ​បន្ទាប់ពី​ក្រុង​ព្រះសីហនុ​។

ទី៤​ ខេត្ត​មាន​សក្តា​នុ​ពល​លើ​វិស័យ​ទេសចរណ៍​ ដោយមាន​រមណីយដ្ឋាន​ធម្មជាតិ​ជាច្រើន​ ដែល​ទាក់ទាញ​ភ្ញៀវ​ជាតិ​ អន្តរជាតិ​មក​កំសាន្ត​ និង​ទី៥​ ខេត្ត​មាន​សក្តា​នុ​ពល​លើ​វិស័យ​កសិកម្ម​ និង​កសិ​ឧស្សាហកម្ម​ដូចជា​ ដំ​ណាំាំ​ម្រេច​ ធូ​រ៉េ​នជាដើម​។

លោក ​Saraj​ Sutton​ បាន​បន្ត​ថា​ “ យើង​ជឿជាក់​ថា​ខេត្តកំពត​នឹង​រីកចម្រើន​កាន់តែ​លឿន​ និង​មាន​សក្តា​នុ​ពល​វិនិយោគ​ខ្ពស់​នា​ពេល​អនាគត​”។

ប្រធាន​សមាគម​អ្នក​វាយតម្លៃ​ និង​ភ្នាក់ងារ​អចលនវត្ថុ​កម្ពុជា​ លោក​ច្រឹក​ សុ​ខនី​មបាន​មានប្រសាសន៍​ឲ្យដឹង​ផង​ដែរ​ថា​ ផ្អែក​លើ​លក្ខខ័ណ្ឌ​ភូមិ​សាស្រ្ត​ អាកាសធាតុ​ និង​ធនធាន​ធម្មជាតិ​ដ៏​សម្បូរ​បែប​ ខេត្តកំពត​ពិតជា​មានការ​រីកចម្រើន​លឿន​ នា​ពេល​អនាគត​ ហេតុនេះ​ ទើប​បច្ចុប្បន្ន​មាន​ក្រុមហ៊ុន​ជាតិ​ និង​អន្តរជាតិ​ជាច្រើន​ ចូល​មក​វិនិយោគ​នៅក្នុងខេត្តកំពត​ ដែល​ជា​ខេត្ត​មាន​ភាព​អំណោយផល​លើ​ធនធាន​ធម្មជាតិ​ រមណីយដ្ឋាន​ទេសចរណ៍​ និង​វិស័យ​អចលនទ្រព្យ​។

បច្ចុប្បន្ន​នេះ​ក្រុមហ៊ុន​ថៃ​ ប៊ុ​នរ៉ុង​បាន​និង​កំពុង​សាងសង់​ អាគារ​ពាណិជ្ជកម្ម​ភ្លោះ​កប់​ពពក​ជាលើកដំបូង​នៅក្នុង​ក្រុង​កំពត​ ដែល​គំរោង​នេះ​នឹង​ជំរុញ​ការ​ផ្លាស់​ប្តូរ​មុខ​មាត់់​របស់​ខេត្ត​ក៏ដូចជា​ ផ្តល់​ទំនុកចិត្ត​ដល់​អ្នក​វិនិយោគ​ លើ​វិស័យ​អចលនទ្រព្យ​កាន់តែ​ច្រើន​ថែមទៀត​៕

LEAVE A REPLY

Please enter your comment!
Please enter your name here