អ្នកឧកញ៉ា​គិត​ ម៉េ​ងជំ​រុញ​ពង្រីកា​រធ្វើ​ពាណិជ្ជកម្ម​ទ្វេរ​ភាគី​ជាមួយ​សមាគម​បារាំង​ដែល​មាន​សមាជិក​ជាង៧ពាន់​ក្រុមហ៊ុន​

0

ដោយ​ ម៉ា​ណេត​

ភ្នំ​ពេញៈ​ សភា​ពាណិជ្ជកម្ម​កម្ពុជា​បាន​ជំរុញ​ MEDEF​ ដែល​ជា​សម​គម​ធុរកិច្ច​ធំ​មួយ​របស់​ប្រទេស​បារាំង​ដើម្បី​បង្កើន​ការ​ធ្វើ​ពាណិជ្ជកម្ម​ និង​ធុរកិច្ច​រវាង​ប្រទេស​ទាំង​រវាង​កម្ពុជា​-បារាំង​ ​ខណៈ​ MEDEF​ មាន​គោល​សហប្រតិបត្តិ​ការ​ជាមួយ​សភា​ពាណិជ្ជកម្ម​កម្ពុជា​ដើម្បី​បង្កើន​ទំនាក់ទំនង​ធុរកិច្ច​រវាង​ប្រទេស​ទាំងពីរ​។

គោលដៅ​នៃ​ការ​បង្កើន​ពាណិជ្ជកម្ម​រវាង​ប្រទេស​ទាំងពីរ​ ត្រូវ​បាន​ធ្វើឡើង​ក្នុង​ជំនួប​ពិភាក្សា​រវាង​ អ្នកឧកញ៉ា​គិត​ ម៉េ​ង ប្រធាន​សភា​ពាណិជ្ជកម្ម​កម្ពុជា​ ជាមួយ​និង​លោក​ Fran​çois​ CORBIN​ ប្រធាន​គណៈកម្មាធិការ​អាស៊ាន​នៃ​ស្ថាប័ន​ MEDEF​ អន្តរជាតិ​ ថ្ងៃទី១១​ ខែមិថុនា​ ឆ្នាំ២០១៩កន្លងមក​នេះ​។

លោក​ឧកញ៉ា​ លឹម​ ហេង​ អនុប្រធាន​សភា​ពាណិជ្ជកម្ម​កម្ពុជា​ បាន​ប្រាប់​គេហទំព័រ​ Propertyarea.asia​ នា​រសៀល​ថ្ងៃទី១១​ មិថុនា​កន្លងមក​ថា​ ក្នុង​ជំនួប​ប្រជុំ​ជាមួយនឹង​ MEDEF​ ក្នុង​គោលបំណង​ដើម្បី​ជំរុញ​ពាណិជ្ជកម្ម​រវាង​ប្រទេស​ទាំងពីរ​ ព្រោះ​MEDEF​ ជាមួយ​សមាគម​ធុរ​កុ​ច្ច​មួយ​ នៅ​បារាំង​ដែល​មាន​ក្រុមហ៊ុន​ទាំង​តូច​ និង​ធំ​ចំនួន​ជាង៧ពាន់​ក្រុមហ៊ុន​។

លោក​បាន​បន្ត​ថា​ “គាត់​ (MEDEF​) មក​ក្នុង​គោលបំណង​ ដើម្បី​ជំរុញ​ពាណិជ្ជកម្ម​ និង​ធុរកិច្ច​រវាង​សភា​ពាណិជ្ជកម្ម​ និង​បារាំង​ឲ្យ​កាន់តែ​ធំ​ និង​ច្រើនជាង​មុន​”។

ជាមួយគ្នា​នេះ​ផង​ដែរ​ MEDEF​ បាន​សើ្ន​សុំ​ឲ្យ​សភា​ពាណិជ្ជកម្ម​រៀបចំ​គណៈប្រតិភូ​ដើម្បី​ធ្វើទស្សនកិច្ច​ទៅ​ប្រទេស​បារាំង​។

លោក​ឧកញ៉ា​លឹម​ ហេង​បាន​បន្ថែម​ថា​ “យើង​នឹង​ស្វែងរក​ពេលវេលា​សមរម្យ​ក្នុង​ការរៀបចំ​គណៈប្រតិភូ​ ដើម្បី​ធ្វើការ​ពិភាក្សា​អំពី​ការជំរុញ​ពាណិជ្ជកម្ម​ និង​ធុរកិច្ច​រវាង​ប្រទេស​ទាំងពីរ​”។

ក្នុង​ជំនួប​ពិភាក្សា​នេះ​ លោក​ Fran​çois​ CORBIN​ មានប្រសាសន៍​ចាប់​អាម្មរណ៍​ចំ​ពោះ​សក្តា​នុ​ពល​សេដ្ឋកិច្ច​កម្ពុជា​ ដែល​មាន​កំណើន​រឹងមាំ​ក្នុងរយៈពេល​ពីរ​ទស្ស​វត្ស​ចុងក្រោយ​នេះ​។ លោក​បង្ហាញ​ពី​ឆន្ទៈ​ក្នុង​ការ​ធ្វើ​សហប្រតិបត្តិ​ការ​ ជាមួយ​សភា​ពាណិជ្ជកម្ម​កម្ពុជា​ ដើម្បី​បង្កើន​ទំនាក់ទំនង​ធុរកិច្ច​រវាង​កម្ពុជា​-បារាំង​ និង​បាន​ស្នើសុំ​យោបល់​ពី​អ្នកឧកញ៉ា​ គិត​ ម៉េ​ង ទាក់ទិន​និង​វិ​ស័យ​សក្តា​នុ​ពល​ ដែល​វិនិយោគិន​បារាំង​គួរ​ផ្តោត​ការ​យកចិត្ត​ទុកដាក់​។

អ្នកឧកញ៉ា​ គិត​ ម៉េ​ង បាន​សម្តែង​ការ​ស្វាគមន៍​ចំពោះ​ចំណាប់​អារម្មណ៍​របស់​លោក​ Fran​çois​ CORBIN​ ចំពោះ​សេដ្ឋកិច្ច​របស់​ប្រទេស​កម្ពុជា​ ហើយ​អ្នកឧកញ៉ា​បាន​លើកទឹកចិត្ត​ឲ្យ​ធុរជន​បារាំង​វិនិយោគ​លើ​វិស័យ​នានា​ ដែល​បារាំង​មាន​លក្ខណៈ​ពិសេស​ រួមមាន​ដូចជា​វិស័យ​ម្ហូបអាហារ​ និង​អាកាសចរណ៍​ជាដើម​។

ដោយឡែក​អ្នកឧកញ៉ា​ បាន​ស្នើ​ដល់​ លោក​ Fran​çois​ CORBIN​ ក្នុងនាម​ជា​ប្រធាន​គណៈកម្មាធិការ​អាស៊ាន​ MEDEF​ អន្តរជាតិ​ ជួយ​ជំរុញ​ឲ្យ​មានការ​ហោះហើរ​កាន់តែ​ច្រើនឡើង​ថែមទៀត​ពី​កម្ពុជា​ទៅ​បារាំង​ ដើម្បី​ជួយ​សម្រួល​ដល់​វិស័យ​ទេសចរណ៍​ វិនិយោគ​ និង​ពាណិជ្ជកម្ម​។

សភា​ពាណិជ្ជកម្ម​កម្ពុជា​ និង​ MEDEF​ នឹង​សហការ​រៀបចំ​វេទិកា​ធុរកិច្ច​រួមគ្នា​ ព្រមទាំង​រៀបចំ​ឲ្យ​មាន​ទស្សនកិច្ច​ធុរកិច្ច​ទៅ​វិញ​ញទៅមក​រវាង​កម្ពុជា​ និង​បា​រំាង​ផង​ដែរ​។

តាមរយៈ​គោលនយោបាយ​គាំទ្រ​ធុរកិច្ច​ និង​ពាណិជ្ជកម្ម​របស់​កម្ពុជា​ ទំហំ​ពាណិជ្ជកម្ម​សរុប​រវាង​កម្ពុជា​ និង​បារាំង​បាន​ឈាន​ទៅដល់​ជាង១ពាន់​លាន​ដុល្លារ​អាមេរិក​ នៅ​ឆ្នាំ២០១៨​ កើនឡើង​ ៩,២%ធៀប​រយៈពេល​ដូចគ្នានឹង​ឆ្នាំ២០១៧​៕

LEAVE A REPLY

Please enter your comment!
Please enter your name here