អ្នក​អភិវឌ្ឍន៍​ខុន​ដូ​ចាប់​យក​ទីផ្សារ​អ្នកទិញ​ក្នុង​ស្រុក​ស្រប​ពេល​ទីផ្សារ​ខុន​ដូ​កំពុង​រីក​ចំរើន​

0

ដោយ​ Donald​ Lee​

ភ្នំ​ពេញៈ​ អ្នក​អភិវឌ្ឍន៍​ខុន​ដូ​ក្នុង​ស្រុកលើ​គម្រោង​ ដែល​មានតម្លៃ​សមរម្យ​កំពុង​កំណត់​ការ​ចាប់​យក​ទីផ្សារ​អ្នកទិញ​ក្នុង​ស្រុក​។ នេះ​បើ​យោង​តាម​ក្រុមហ៊ុន​ CBRE​ Cambodia​។

នៅ​ពាក់កណ្តាល​ឆ្នាំ២០១៩​ គម្រោង​ខុន​ដូ​ចំនួន១៣ត្រូវ​បាន​ដាក់​លក់​ក្នុង​ទីផ្សារ​ ដោយ​ក្នុង​នោះ​មាន៦៧ភាគរយ​ជា​ខុន​ដូ​ដែល​មាន​តំលៃ​សមរម្យ​។

ខុន​ដូ​ដែល​តម្លៃ​សមរម្យ​ជាមធ្យម​បាន​កើនឡើង២ភាគរយ​ ពី​មួយ​ត្រីមាស​ទៅ​មួយ​ត្រីមាស​ ដោយ​តម្លៃ​បច្ចុប្បន្ន​មាន​ប្រមាណ ១​,៥០១ដុល្លារ​ ក្នុង​មួយ​ម៉ែត្រការ៉េ​ក្នុង​ឆ្នាំនេះ​ ខណៈ​អ្នកទិញ​ក្នុង​ស្រុក​ កាន់តែ​ច្រើន​កំពុង​វិនិយោគ​លើ​ខុន​ដូ​នៅ​កណ្តាល​ទីក្រុង​។

កញ្ញា​ ឃិន​ លីដា​ តំណាង​ផ្នែក​លក់​គម្រោង​ HCN​ Mall​ and​ Residence​ ដែល​មាន​ ៧២០​ យូនី​តស្ថិតនៅ​ផ្លូវ​ ៣៤៧​ សង្កាត់​បឹងកក់១ខណ្ឌទួលគោក​បាន​ឲ្យដឹង​ថា​ ក្នុង​ពេល​ឆាប់​ៗខាងមុខនេះ​ ការរស់នៅ​ខុន​ដូ​នឹង​កាន់តែ​មាន​ប្រជាប្រិយ​ភាព​ ពីព្រោះ​ដី​ទីក្រុង​ពិបាក​រក​ដី​ដើម្បី​អភិវឌ្ឍ​។ ប្រជាជន​នឹង​ផ្លាស់​ប្តូរ​ទៅ​រស់នៅ​ក្នុង​ខុន​ដូ​ ហើយ​វា​អាច​កាត់បន្ថយ​ពេលវេលា​សម្រាប់​ការ​ធ្វើដំណើរ​ទៅ​ធ្វើការ​”។

កញ្ញា​បាន​បន្ថែម​ថា​ “យើង​ទើបតែ​ចាប់ផ្តើម​លក់​នៅ​ខែមេសា​ ឆ្នាំ២០១៩​។ អ្នកទិញ​ភាគច្រើន​ជា​ប្រជាជន​កម្ពុជា​ ព្រោះ​យើង​កំពុង​កំណត់​គោលដៅ​អតិថិជន​ស្រុក​”។

ទីផ្សារ​ខុន​ដូ​ត្រូវ​បាន​រំពឹង​ថា​ នឹង​កើន​ដល់​ចំនួន ៣១​,១០០យូនី​ត នឹង​សាងសង់​បញ្ចប់​នៅ​ចុងឆ្នាំ​នេះ​។ បច្ចុប្បន្ន​ចំនួន​នៃ​ខុន​ដូ​យូនី​ត ដែល​បញ្ចប់​ការសាងសង់​មាន​ចំនួន​ ១៦​,៦៥៨យូនី​ត។

វិស័យ​ខុន​ដូ​មានការ​រីក​ចំរើន​ ក្នុងរយៈពេល​ប៉ុន្មាន​ឆ្នាំ​កន្លងមក​នេះ​ ដែល​ការ​ផ្គត់ផ្គង់​ខុន​ដូ​មានការ​កើនឡើង​ចំនួន១០ដង​ បើ​ធៀប​នឹង​ឆ្នាំ​ ២០១៦​។

ប៉ុន្តែ​ទីផ្សារ​អចលនទ្រព្យ​ អាច​ប្រឈម​នឹង​ភាព​ចលាចល​មួយចំនួន​ ដោយសារ​សង្គ្រាម​ពាណិជ្ជកម្ម​រវាង​ អាមេរិក​ និង​ចិន​អាច​ពន្យឺតការ​វិនិយោគ​ផ្ទាល់​ពី​បរទេស​ពី​ចិនដីគោក​។

​ធនាគារជាតិនៃកម្ពុជា​បាន​ព្រមាន​ថា​ “វិស័យ​អចលនទ្រព្យ​ និង​វិស័យ​ហិរញ្ញវត្ថុ​អាច​នឹង​ត្រូវ​ប្រឈម​នឹង​ហានិភ័យ​ ប្រសិនបើ​ការ​វិនិយោគ​លើ​វិស័យ​អចលនទ្រព្យ​នៅ​កម្ពុជា​បាន​ស្ងប់ស្ងាត់​ ដោយសារ​ការប្រែប្រួល​នៃ​សេដ្ឋកិច្ច​ពិភពលោក​”។ ធនាគារ​នេះ​បាន​បន្ថែម​ថា​ “ល្បឿន​នៃ​ការពង្រីក​ និង​ការ​វិនិយោគ​របស់​ខ្លួន​ទីផ្សារ​អចលនវត្ថុ​មើលទៅ​រឹងមាំ​ និង​មាន​ស្ថានភាព​ល្អ​”។

ធនាគារជាតិនៃកម្ពុជា​បាន​ឲ្យដឹង​ ក្នុង​របាយការណ៍​សេដ្ឋកិច្ច​មួយ​ ដែល​ចេញផ្សាយ​នៅ​ឆ្នាំនេះ​ថា​ “នៅ​ចុងឆ្នាំ២០១៩​ ការ​ផ្គត់ផ្គង់​ខុន​ដូ​នៅ​គ្រប់​ផ្នែក​ទាំងអស់​ កន្លែង​លក់រាយ​ និង​ការិយាល័យ​ជួល​ត្រូវ​បាន​រំពឹង​ថា​នឹង​កើនឡើង​”៕

LEAVE A REPLY

Please enter your comment!
Please enter your name here