- ដោយវុត្ថា
ភ្នំពេញៈ ក្រុមហ៊ុនយក្សរបស់ចិន Alibaba Group Holding Ltd របស់មហាសេដ្ឋីពិភពលោក Jack Ma បានបំបែកកំណត់ត្រាពិភពលោកដែលរកចំណូលបាន ២១៣,៥ ពាន់លានយ័ន ដែលស្មើរ និង ៣០.៧ ពាន់លានដុល្លារក្នុងការលក់រាយតាមអនឡាញរយៈពេលមួយថ្ងៃកាលពីថ្ងៃអាទិត្យអំឡុងពេល ២៤ ម៉ោងប៉ុណ្ណោះ ប៉ុន្តែការលក់ប្រចាំឆ្នាំធ្លាក់ចុះក្នុងអត្រាទាបបំផុត។
អ្នកទិញនៅក្នុងប្រទេសចិន និងនៅទូទាំងពិភពលោក បានសម្រុកទិញវត្ថុជាច្រើនប្រភេទ មានដូចជា ទូរស័ព្ទ IPhones គ្រឿងសង្ហារឹម និង ម្សៅទឹកដោះគោជាដើមចាប់តាំងពីក្បាលព្រលឹម ដោយខាងក្រុមហ៊ុនបានកត់ត្រាទុកទទូលបានចំណូលរហូតដល់ ១០ ពាន់លានដុល្លារក្នុងការលក់ត្រឹមតែ មួយម៉ោង មុនឈានចូលកណ្តាលអាទ្រាត។
កម្មវិធីលក់របស់ក្រុមហ៊ុន មានឈ្មោះថា Single’ Day ឬ ហៅថា Double 11 គឺជាព្រឹត្តិការណ៍លក់តាមអនឡានដ៏ធំបំផុតក្នុងពិភពលោក ដែលលើសពីការលក់នៅក្នុងថ្ងៃឈប់សម្រាប់របស់សហរដ្ឋអាមេរិក មានឈ្មោះថា Black Friday និងCyber Monday ជាដើម។
ព្រឹត្តការណ៍លក់របស់ប្រទសចិននេះ មានដើមកំណើតមកពីថ្ងៃឈប់សម្រាប់របស់និស្សិតដែលប្រារព្វពិធីថ្ងៃចូលវ័យជំទង់របស់ខ្លួន ឬ ថ្ងៃនៃក្តីស្រឡាញ់ (Valentines Day) ប៉ុន្តែ វាក៏បានក្លាយទៅជាការលក់តាមអនឡាញក្នុងខែ វិច្ឆិកា ២៤ ម៉ោង លើ ២៤ ម៉ោងដែលមានប្រជាប្រិយភាពបំផុតរបស់ប្រទេសចិន។
យ៉ាងណាក៏ដោយបើតាមរបាយការណ៍របស់ក្រុមហ៊ុន បានបញ្ជាក់ថា ការលក់តាមអនឡាញនេះ ត្រូវបានធ្លាក់ចុះ១៦ភាគរយកាលពីឆ្នាំ ២០១៧៕
