ដោយ វុត្ថា
ភ្នំពេញ៖ ក្រុមហ៊ុន Novatek នៃសហព័ន្ធរុស្ស៊ី បានបង្ហាញអំពីចំណាប់អារម្មណ៍របស់ខ្លួនក្នុងការវិនិយោគលើឧស្ម័ន Liquified Natural Gas (LNG) នៅកម្ពុជា ជាពិសេសលើការផ្គត់ផ្គង់ និងការសាងសង់ស្ថានីយ៍ទទួល ផ្ទុក និងបំលែងឧស្ម័ន LNG។
អ្នកវិនិយោគរុស្ស៊ីគ្រោងវិនិយោគលើការផ្គត់ផ្គង់ និងការសាងសង់ស្ថានីយ៍ទទួល ផ្ទុក និងបំលែងឧស្ម័ន LNG នៅកម្ពុជា។
លោកឌិត ទីណា រដ្ឋលេខាធិការក្រសួងរ៉ែនិងថាមពល នៅក្នុងជំនួបពិភាក្សាការងារជាមួយតំណាងក្រុមហ៊ុន Novatek ដែលជាក្រុមហ៊ុនធំមួយរបស់ប្រទេសរុស្សីកាលពីថ្ងៃទី២៣ ខែមករា ឆ្នាំ២០១៩ម្សិលមិញនេះថា បានស្វាគមន៍ និងណែនាំឱ្យក្រុមហ៊ុនពិនិត្យលទ្ធភាពធ្វើការសិក្សាសមិទ្ធិលទ្ធភាព (Feasibility Study) ទាំងផ្នែកសង្គម សេដ្ឋកិច្ច និងបច្ចេកទេស ព្រមទាំងទីផ្សារកម្ពុជា និងក្នុងតំបន់។
លោកបន្តថា “ភាគីទាំងពីរនឹងបន្តស្វែងយល់ និងពិភាក្សាគ្នានាឱកាសខាងមុខបន្តទៀតដើម្បីធ្វើឲ្យគម្រោងនេះលេចជារូបរាងឡើង”៕
