ដោយ គង់ សូរិយា
ភ្នំពេញ៖ ប្រទេសកម្ពុជា វៀតណាមបានចុះកិច្ចព្រមព្រៀងលើឯកសារចំនួន៥ ដើម្បីជំរុញការតភ្ជាប់ក្នុងការជំរុញការអភិវឌ្ឍន៍សេដ្ឋកិច្ច និងសង្គមរវាងប្រទេសទាំងពីរ ហើយវៀតណាមក៏បានផ្តល់ជំនួយឥតសំណង ២៥ លានដុល្លាសម្រាប់សាងសង់អគាររដ្ឋបាលរដ្ឋសភាកម្ពុជាផងដែរ។
សម្តេចតេជោហ៊ុន សែននាយករដ្ឋមន្រ្តីកម្ពុជា និងង្វៀន ហ្វូជុងប្រធានាធិបតីនៃសាធារណៈរដ្ឋសង្គមនិយមវៀតណាម បានអញ្ជើញជាអធិតបីក្នុងពិធីចុះហត្ថលេខាលើឯកសារទាំង៥នេះ នាព្រឹកថ្ងៃទី២៦ កុម្ភៈនៅវិមានសន្តិភាព។
ឯកសារដែលត្រូវចុះហត្ថលេខានោះរួមមាន ទី១ សេចក្តីបន្ថែមស្តីពីការកែប្រែមាត្រា ៦ និងមាត្រា១៧ នៃកិច្ចព្រមព្រៀងរវាងរដ្ឋាភិបាលនៃព្រះរាជាណាចក្រកម្ពុជា និង រដ្ឋាភិបាលនៃសាធារណរដ្ឋ សង្គមនិយមវៀតណាមស្តីពីការដឹកជញ្ជូនផ្លូវទឹក ។ ទី២.ពិធីសារស្តីពីវិសោធនកម្មលើពិធីសារសម្រាប់អនុវត្ត កិច្ចព្រមព្រៀងរវាងរដ្ឋាភិបាលនៃព្រះរាជាណាចក្រកម្ពុជា និង រដ្ឋាភិបាលនៃសាធារណរដ្ឋ សង្គមនិយមវៀតណាមស្តីពីការដឹកជញ្ជូនផ្លូវគោក ។
ទី៣.អនុសារណៈនៃការយោគយល់គ្នារវាងអគ្គលេខាធិការដ្ឋានរដ្ឋ សភាជាតិនៃព្រះរាជា ណាចក្រកម្ពុជានិងក្រសួងហិរញ្ញវត្ថុវៀតណាម ស្តីពីការផ្តល់ ហិរញ្ញប្បទានឥតសំណងចំនួន ២៥ លានដុល្លារសម្រាប់ការអនុវត្តគម្រោងសាងសង់អគាររដ្ឋបានសម្រាប់ អគ្គលេខាធិការដ្ឋានរដ្ឋសភាកម្ពុជា ។
ទី៤.កិច្ចសម្របសម្រួលជំរុញពាណិជ្ជកម្មទ្វេរភាគីរវាងរដ្ឋាភិបាល នៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាមសម្រាប់ឆ្នាំ ២០១៩-២០២០ និងទី៥.អនុសារណៈនៃការយោគយល់គ្នាស្តីពីកិច្ចសហប្រតិបត្តិការទេស ចរណ៍សម្រាប់ឆ្នាំ ២០១៩-២០២០ រវាងក្រសួងទេសចរណ៍កម្ពុជា និង ក្រុមហ៊ុនអាកាសចរណ៍អ៊ែរឡាញវៀតណាម៕
