ដោយៈ គង់ សូរិយា
ភ្នំពេញៈ ស្របពេលយូនីតខុនដូ បានកើនឡើងកាន់តែច្រើននៅក្នុងទីផ្សារ អត្រាជួលខុនដូ និងអាផាតម៉ិន កំពុងមានភាពប្រកួតប្រជែងគ្នានៅក្នុងរាជធានីភ្នំពេញ។
បន្ទាប់ពីការកើនឡើងយ៉ាងឆាប់រហ័ស ជាមួយអត្រា20% ប្រចាំឆ្នាំ) ស្តុកខុនដូក្នុងទីក្រុង បានកើនឡើងប្រហែលចន្លោះពី6ម៉ឺនទៅ៧២,០០០យូនីតកាលពីចុងឆ្នាំ 2024។
ប៉ុន្តែឥឡូវនេះស្ថានភាពនៃការផ្គត់ផ្គង់ បានកើនលើសពីតម្រូវការបន្តិច ដែលជំរុញឱ្យអត្រាទំនេរធ្លាក់ចុះដល់មកដល់15% ក្នុងឆ្នាំ 2025។
- ការកែតម្រូវតម្លៃ
យូនីតខុនដូតម្លៃមធ្យមនាពេលបច្ចុប្បន្ន មានតម្លៃប្រហែល$1,500–2,200 ក្នុងមួយម៉ែត្រការ៉េ ថយចុះចន្លោះពី15–20% ធៀបនឹង កម្រិតកំពូលឆ្នាំ2019។
- អ្នកអភិវឌ្ឍន៍មានការប្រុងប្រយ័ត្នជាងមុន
ស្របពេលការផ្គត់ផ្គង់ និងតម្រូវការមិនមានតុល្យភាពនឹងគ្នា
បានធ្វើឲ្យការបើកដំណើរការខុនដូថ្មីៗ មានចំនួនតិចជាងមុននៅឆ្នាំ 2025 ខណៈយូនីតខុនដូចំនួន២០,០០០ នឹងត្រូវដាក់ចូលទីផ្សារបន្ថែមនៅឆ្នាំ2026 ដែលធ្វើឲ្យការផ្គត់ផ្គង់កើន ដល់ជាង៨០,០០០យូនីតនៅឆ្នាំ2027។
តម្លៃជួល និងផលចំណេញពីការវិនិយោគ
ទោះបីជាទីផ្សារមានសភាពប្រកួតប្រជែងកាន់តែខ្លាំង តែផលចំណេញពីការវិនិយោគនៅតែរឹងមាំ ជាមួយអត្រា6.5ទៅ7.5% ក្នុងមួយឆ្នាំ សម្រាប់ទីក្រុងភ្នំពេញ និងឈានរហូតដល់8.5% នៅក្នុងគម្រោងសំខាន់ៗ។
លើសពីនេះ ខុនដូលំដាប់ខ្ពស់នៅតំបន់កណ្តាលក្រុងភ្នំពេញ អាចទទួលបានផលចំណេញពីការវិនិយោគចន្លោះពី8ទៅ11ភាគរយក្នុងមួយឆ្នាំ។
- ភាពងាយស្រួលធៀបនឹងការចំណាយ
ការរស់នៅតាមអាគារខុនដូ “វាជាជីវិតដ៏ងាយស្រួលណាស់… ប៉ុន្តែការជួលផ្ទះ តែងតែមាននិន្នាការថ្លៃ ព្រោះពួកគេតែងតែមានការគិតថ្លៃបន្ថែម”៕
