ដោយៈ គង់ សូរិយា
ភ្នំពេញៈ មន្រ្តីទូតកម្ពុជាប្រចាំប្រទេសសឹង្ហបុរី លោកសុខ ខឿន ព្រមទាំងអនុព័ន្ធពាណិជ្ជកម្ម បានជួបជាមួយអគ្គនាយកប្រតិបិត្តផែ្នកជំនួញ អាហារដ្ឋាន និងជាអ្នកបង្កើតសមាជិកជំនួញពិសេស លើសេវាកម្មផ្តត់ផ្គង់ទីផ្សារ។
លោកអគ្គនាយក MoHan MoLani គឺជាដៃគូពាណិជ្ជកម្មដ៏សំខាន់មួយ របស់កម្ពុជាទៅថ្ងៃមុខ ក្នុងការទំនាក់ទំនងផ្នែកទីផ្សារ សិង្ហបុរី-កម្ពុជា ដើម្បីជួយជម្រុញទីផ្សារពាណិជ្ជកម្មកម្ពុជាចាប់យកឱកាសទីផ្សារដ៏ធំសំរាប់កម្ពុជា-សិង្ហបុរី។
ការសន្ទារវាង សេដ្ឋកិច្ចការទូតកម្ពុជា និងសិង្ហបុរី ក្នុងការពង្រឹងទំនាក់ទំនងសេដ្ឋកិច្ចរបស់យើងនិងធ្វើឱ្យសេដ្ឋកិច្ច ពាណិជ្ជកម្មកម្ពុជាបានចូលទីផ្សារសិង្ហបុរី ដោយមានការគាំទ្រផ្នែកទីផ្សារដ៏សំខាន់ និងការចុះកិច្ចព្រមព្រៀង លើការនាំចូលផលិតផលរបស់កម្ពុជា ក្នុងការប្រកួតប្រជែងដ៏ស្មោះត្រង់ លើទីផ្សារអន្តរជាតិផងដែរ។
លោកសុខ ខឿនបានបន្តថា “យើងខ្ញុំទន្ទឹងរង់ចាំធ្វើការសហការជាមួយលោក អគ្គនាយកអាហារដ្ឋាននិងផ្គត់ផ្តង់ទីផ្សារ ជាមួយ ឯកឧត្តមអគ្គរដ្ឋទូត និង តំណាងពាណិជ្ជកម្មកម្ពុជា ដើម្បីផ្សារភ្ជាប់ទំនាក់ទំនងសេដ្ឋកិច្ចរវាងកម្ពុជា និងសឹង្ហបុរី”។លោកបន្តថា “យើងសង្ឃឹមថាក្រុមហ៊ុនរបស់អគ្គនាយប្រតិបត្តិ និងជួយបន្ថែមផ្នែកសេដ្ឋកិច្ច ពាណិជ្ជកម្ម ជាច្រើនជាមួយទីផ្សារសិង្ហបុរីផងដែរ”៕
