កូរ៉េអនុវត្តន៍ “គម្រោងសាកល្បងប្រព័ន្ធដឹកជញ្ជូនឆ្លាតវៃផ្អែកលើទិន្នន័យចម្រុះនៅកម្ពុជា”

ដោយៈ ចំណាន

ភ្នំពេញៈ មន្រ្តីនិងភាគីកូរ៉េបានធ្វើពិធីប្រគល់-ទទួល “គម្រោងសាកល្បងប្រព័ន្ធដឹកជញ្ជូនឆ្លាតវៃ (ITS) ផ្អែកលើទិន្នន័យចម្រុះ (BIG DATA) នៅកម្ពុជា ក្រោមជំនួយឥតសំណងរបស់រដ្ឋាភិបាលសាធារណរដ្ឋកូរ៉េ។

ពិធីនេះធ្វើឡើងក្រោមអធិបតីភាព លោកនឹម សុធា អនុរដ្ឋលេខាធិការ តំណាងលោកប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន។

ពិធីនេះក៏មានការ អញ្ជើញចូលរួមពីថ្នាក់ដឹកនាំក្រសួង តំណាងក្រសួងដែនដី ហេដ្ឋារចនាសម្ព័ន្ធ និងដឹកជញ្ជូនសាធារណរដ្ឋកូរ៉េ តំណាងឯកអគ្គរដ្ឋទូតសាធារណរដ្ឋកូរ៉េប្រចាំកម្ពុជា និងក្រុមហ៊ុន សមាគម ព្រមទាំងមន្ត្រីបច្ចេកទេសពាក់ព័ន្ធប្រមាណជា៥០រូបផងដែរ។

ពិធីនេះរៀបចំឡើងក្នុងគោលបំណង ដើម្បីអបអរសាទរក្នុងកម្រិតបច្ចេកទេស ក្នុងការប្រគល់ទទួលសម្ភារៈ និងដាក់ឱ្យប្រើប្រាស់សាកល្បងប្រព័ន្ធដឹកជញ្ជូនឆ្លាតវៃ (ITS) ផ្អែកលើទិន្នន័យចម្រុះ (BIG DATA)នៅកម្ពុជា។

ថ្លែងចំណាប់អារម្មណ៍ក្នុងឱកាសនោះ លោកអនុរដ្ឋលេខាធិការ បានថ្លែងអំណរគុណ ដល់សាធារណរដ្ឋកូរ៉េ ដែលជានិច្ចជាកាលតែងតែផ្ដល់ជាជំនួយហិរញ្ញវត្ថុ និងបច្ចេកទេស សម្រាប់អនុវត្តគម្រោងហេដ្ឋារចនាសម្ព័ន្ធនៅកម្ពុជា ក្រោមកិច្ចសហប្រតិបត្តិការដ៏ល្អរវាងក្រសួងដែនដី ហេដ្ឋារចនាសម្ព័ន្ធ និងដឹកជញ្ជូនសាធារណរដ្ឋកូរ៉េ និងក្រសួងសាធារណការ និងដឹកជញ្ជូន ប្រទេសកម្ពុជា។

បន្ថែមពីនេះ គម្រោងITS បានបង្កើតមជ្ឈមណ្ឌលទិន្នន័យ សម្រាប់ប្រតិបត្តិការ និងបានអនុវត្តសាកល្បង បំពាក់ឧបករណ៍តាមដានចរាចរណ៍១៩ទីតាំង ប្រកបដោយជោគជ័យ នៅតាមខ្សែផ្លូវមេសំខាន់ៗមួយចំនួន ក្នុងតំបន់ភូមិសាស្ត្រ រាជធានីភ្នំពេញ ក្នុងការលើកកម្ពស់ប្រសិទ្ធភាពនៃការគ្រប់គ្រងចរាចរណ៍ បង្កើនចល័តភាព និងសុវត្ថិភាពក្នុងទីក្រុង ព្រមទាំងបង្កើតប្រព័ន្ធផ្តល់ព័ត៌មានចរាចរណ៍ឆ្លាតវៃ ដែលអាចផ្តល់ទិន្នន័យបានត្រឹមត្រូវ និងទាន់ពេលវេលា ជូនអ្នកប្រើប្រាស់ផ្លូវ និងដើម្បីសម្រួលដល់ការធ្វើដំណើរ កាត់បន្ថយការកកស្ទះ និងរួមចំណែកកាត់បន្ថយគ្រោះថ្នាក់ចរាចរណ៍ផងដែរ៕

ក្រុមហ៊ុន បុរី វិមានសំណាង ម.ក សហការរៀបចំសិក្ខាសាលាណែនាំអំពី «ផ្សារមូលបត្រកម្ពុជា» ជូនដល់និស្សិតសាកលវិទ្យាល័យ អាស៊ី អឺរ៉ុប ជាង ២០០នាក់

[រាជធានីភ្នំពេញ, ថ្ងៃទី១៥ ខែកក្កដា ឆ្នាំ២០២៦] — ក្នុងគោលបំណងពង្រឹង និងពង្រីកចំណេះដឹងផ្នែកហិរញ្ញវត្ថុ ក៏ដូចជាការវិនិយោគលើទីផ្សារភាគហ៊ុននៅកម្ពុជា ក្រុមហ៊ុន បុរី វិមានសំណាង ម.ក បានសហការរៀបចំកម្មវិធីបទបង្ហាញ និងសិក្ខាសាលាដ៏មានសារៈសំខាន់មួយ ក្រោមប្រធានបទស្តីពី «ការស្វែងយល់ពីផ្សារមូលបត្រកម្ពុជា» ជូនដល់និស្សិតនៃសាកលវិទ្យាល័យ អាស៊ី អឺរ៉ុប (AEU) ប្រមាណជាង ២០០នាក់។

កម្មវិធីដ៏មានអត្ថន័យនេះ ត្រូវបានប្រារព្ធឡើងក្រោមអធិបតីភាពដ៏ខ្ពង់ខ្ពស់របស់ថ្នាក់ដឹកនាំ និងអ្នកជំនាញឆ្នើមៗក្នុងវិស័យអចលនទ្រព្យ និងហិរញ្ញវត្ថុ រួមមាន៖
-លោកឧកញ៉ាបណ្ឌិត គីម ហ៊ាង ប្រធានក្រុមប្រឹក្សាភិបាលប្រតិបត្តិនៃក្រុមហ៊ុន បុរី វិមានសំណាង ម.ក
-លោកជំទាវឧកញ៉ា គង់ សំណាង អគ្គនាយិកានៃក្រុមហ៊ុន បុរី វិមានសំណាង ម.ក
– កញ្ញា គីម សំណាងជូលី សមាជិកក្រុមប្រឹក្សាភិបាលមិនប្រតិបត្តិ នៃក្រុមហ៊ុន បុរី វិមានសំណាង ម.ក
-លោក ពៅ សូវណ្ណារិទ្ធ អគ្គនាយកនៃក្រុមហ៊ុនមូលបត្រ កម្ពុ ម.ក (ក្នុងនាមជាក្រុមហ៊ុនធានាទិញបង្គោល)
-លោក ស៊ាង បុត្រ អ្នកប្រឹក្សាផ្សារហ៊ុនកម្ពុជា

គោលបំណងចម្បងនៃសិក្ខាសាលានេះ គឺដើម្បីផ្ដល់នូវចំណេះដឹងជាមូលដ្ឋានគ្រឹះ យន្តការនៃការជួញដូរភាគហ៊ុន និងអត្ថប្រយោជន៍នៃការចូលរួមក្នុងទីផ្សារទុននៅកម្ពុជា ដល់យុវជនជំនាន់ក្រោយដែលជាទំពាំងស្នងឫស្សី និងជាកម្លាំងចលករសេដ្ឋកិច្ចនាពេលអនាគត។

លោកឧកញ៉ាបណ្ឌិត គីម ហ៊ាង បានមានប្រសាសន៍ចែករំលែកទៅកាន់និស្សិតថា៖ «ការស្វែងយល់ពីទីផ្សារមូលបត្រ មិនមែនជាជំនាញដាច់ដោយឡែកសម្រាប់តែអ្នករៀនសេដ្ឋកិច្ចនោះទេ ប៉ុន្តែវាជាឧបករណ៍ហិរញ្ញវត្ថុដ៏សំខាន់សម្រាប់គ្រប់គ្នា ក្នុងការបង្កើតឱកាសវិនិយោគ និងការបង្កើនទ្រព្យសម្បត្តិដោយឆ្លាតវៃ ស្របពេលដែលសេដ្ឋកិច្ចកម្ពុជាកំពុងមានការអភិវឌ្ឍយ៉ាងលឿន។»

ទន្ទឹមនឹងនោះ ក្នុងនាមជាក្រុមហ៊ុនធានាទិញមូលបត្រ លោក ពៅ សូវណ្ណារិទ្ធ អគ្គនាយកនៃក្រុមហ៊ុនមូលបត្រ កម្ពុ ម.ក និងលោក ស៊ាង បុត្រ អ្នកប្រឹក្សាផ្សារហ៊ុនកម្ពុជា ក៏បានធ្វើការបង្ហាញយ៉ាងលម្អិតអំពី៖

-របៀបនៃការវិនិយោគ៖ ដំណាក់កាល និងនីតិវិធីនៃការបើកគណនីជួញដូរភាគហ៊ុន។
-អត្ថប្រយោជន៍៖ ឱកាសទទួលបានផលចំណេញពីភាគលាភ និងការកើនឡើងតម្លៃភាគហ៊ុន។
-តួនាទីក្រុមហ៊ុនធានាទិញ៖ របៀបដែលក្រុមហ៊ុនមូលបត្រជួយគាំទ្រដល់អាជីវកម្មក្នុងការកៀរគរទុនពីសាធារណជន។

វត្តមានរបស់និស្សិតសាកលវិទ្យាល័យ អាស៊ី អឺរ៉ុប ជាង ២០០នាក់ ក្នុងកម្មវិធីនេះ បានបង្ហាញពីការយកចិត្តទុកដាក់ និងការចង់ចេះចង់ដឹងយ៉ាងខ្លាំងលើវិស័យផ្សារហ៊ុន។ តាមរយៈបទបង្ហាញ និងការឆ្លើយសំណួរដោយផ្ទាល់ពីវាគ្មិនកិត្តិយស និស្សិតទាំងអស់ទទួលបាននូវការយល់ដឹងកាន់តែច្បាស់ ដែលជាទុនដ៏មានតម្លៃសម្រាប់យកទៅអនុវត្តផ្ទាល់ ឬត្រៀមខ្លួនចូលក្នុងទីផ្សារការងារ និងការវិនិយោគ។

ក្រុមហ៊ុន បុរី វិមានសំណាង ម.ក នៅតែបន្តប្តេជ្ញាចិត្តយ៉ាងមុតមាំ មិនត្រឹមតែក្នុងការអភិវឌ្ឍគម្រោងអចលនទ្រព្យប្រណីតៗ និងមានគុណភាពប៉ុណ្ណោះទេ ប៉ុន្តែថែមទាំងចូលរួមចំណែកយ៉ាងសកម្មក្នុងការលើកកម្ពស់ចំណេះដឹងផ្នែកហិរញ្ញវត្ថុ និងសង្គម ដើម្បីគាំទ្រដល់ការរីកចម្រើនប្រកបដោយចីរភាពនៅព្រះរាជាណាចក្រកម្ពុជា។

**សម្រាប់ព័ត៌មានបន្ថែម សូមទំនាក់ទំនង៖
លេខទូរស័ព្ទ៖ 011 62 6789 / 061 96 2000
អ៊ីមែល៖ [email protected]
គេហទំព័រ៖ www.bvs.com.kh

លោកបណ្ឌិតតេង រិទ្ធីៈ កម្ពុជាទឹកដីនៃការវិនិយោគ និងឱកាសអាជីវកម្មសម្រាប់អនាគត

ដោយៈ គង់ សូរិយា

ភ្នំពេញៈ ប្រទេសកម្ពុជា កំពុងឈានចូលដំណាក់កាលថ្មីនៃការអភិវឌ្ឍសេដ្ឋកិច្ច។ ទោះបីសេដ្ឋកិច្ចពិភពលោក នៅតែប្រឈមនឹងភាពមិនច្បាស់លាស់ក៏ដោយ កម្ពុជានៅតែបន្តបង្ហាញពីភាពរឹងមាំ និងសក្ដានុពលនៃការរីកចម្រើន ដោយមានស្ថិរភាពនយោបាយ ទីតាំងភូមិសាស្ត្រយុទ្ធសាស្ត្រ គោលនយោបាយលើកទឹកចិត្តការវិនិយោគ និងការអភិវឌ្ឍហេដ្ឋារចនាសម្ព័ន្ធជាបន្តបន្ទាប់។

លោកបណ្ឌិតតេង រិទ្ធីអគ្គនាយកក្រុមហ៊ុន R-Investment Groupបានមានប្រសាសន៍ថា ក្នុងរយៈពេលប៉ុន្មានឆ្នាំចុងក្រោយនេះ កម្ពុជាបានទាក់ទាញ ការវិនិយោគផ្ទាល់ពីបរទេស (FDI) កាន់តែច្រើន ជាពិសេសលើវិស័យផលិតកម្ម ភស្តុភារកម្ម ហេដ្ឋារចនាសម្ព័ន្ធ និងឧស្សាហកម្មនាំចេញ។ នេះបានបង្ហាញពីទំនុកចិត្តរបស់វិនិយោគិនទាំងក្នុងតំបន់ និងអន្តរជាតិ ចំពោះអនាគតសេដ្ឋកិច្ចរបស់កម្ពុជា។

លោកបញ្ជាក់ថា “ខ្ញុំជឿជាក់ថា កម្ពុជាកំពុងផ្តល់ឱកាសវិនិយោគដ៏ទាក់ទាញលើវិស័យសំខាន់ៗជាច្រើន”។

លោកបាមសម្លឹងទៅមុខ និងមើលឃើញនូវសក្តានុពលលើវិស័យចំនួយដូចជា៖

១. អចលនទ្រព្យ និងការអភិវឌ្ឍទីក្រុង

ការរីកចម្រើននៃទីក្រុងថ្មី បុរី គម្រោងប្រើប្រាស់ចម្រុះ (Mixed-use Development) និងសហគមន៍ប្រកបដោយនិរន្តរភាព កំពុងបង្កើតតម្លៃវិនិយោគរយៈពេលវែង។

២. ទេសចរណ៍ និងបដិសណ្ឋារកិច្ច

កម្ពុជាមានសក្តានុពលខ្ពស់ ក្នុងការទាក់ទាញភ្ញៀវទេសចរអន្តរជាតិ តាមរយៈប្រាសាទអង្គរវត្ត តំបន់ឆ្នេរសមុទ្រ និងទេសចរណ៍ធម្មជាតិ ដែលអាចជំរុញកំណើនសេដ្ឋកិច្ចបានយ៉ាងខ្លាំង។

៣. ផលិតកម្ម និងឧស្សាហកម្មនាំចេញ

កម្ពុជាកំពុងក្លាយជាមជ្ឈមណ្ឌលផលិតកម្មថ្មីក្នុងតំបន់ ដោយទទួលបានអត្ថប្រយោជន៍ ពីកិច្ចព្រមព្រៀងពាណិជ្ជកម្មសេរី និងទីផ្សារនាំចេញដ៏ទូលំទូលាយ។

៤. កសិកម្ម និងកែច្នៃផលិតផលកសិកម្ម

ការបន្ថែមតម្លៃលើផលិតផលកសិកម្ម តាមរយៈការកែច្នៃ និងបច្ចេកវិទ្យា នឹងបង្កើតឱកាសវិនិយោគថ្មីៗ និងបង្កើនការប្រកួតប្រជែងលើទីផ្សារអន្តរជាតិ។

៥. ភស្តុភារកម្ម និងហេដ្ឋារចនាសម្ព័ន្ធ

ការវិនិយោគលើផ្លូវល្បឿនលឿន អាកាសយានដ្ឋាន កំពង់ផែ តំបន់សេដ្ឋកិច្ចពិសេស និងមជ្ឈមណ្ឌលភស្តុភារកម្ម កំពុងពង្រឹងសមត្ថភាពប្រកួតប្រជែងរបស់ប្រទេស។

៦. បច្ចេកវិទ្យា និងសេដ្ឋកិច្ចឌីជីថល

បច្ចេកវិទ្យាហិរញ្ញវត្ថុ (FinTech) ការទូទាត់តាមប្រព័ន្ធឌីជីថល ពាណិជ្ជកម្មអេឡិចត្រូនិក (E-Commerce) និងនវានុវត្តន៍ កំពុងបង្កើតកាលានុវត្តភាពថ្មីសម្រាប់អាជីវកម្ម។

លើសពីនេះ កម្ពុជាមានកម្លាំងពលកម្មវ័យក្មេង ស្ថិតនៅចំកណ្ដាលតំបន់អាស៊ាន មានគោលនយោបាយគាំទ្រវិនិយោគ និងកិច្ចព្រមព្រៀងពាណិជ្ជកម្មជាច្រើន ដែលជាកត្តាសំខាន់ក្នុងការពង្រឹងសមត្ថភាពប្រកួតប្រជែង និងទាក់ទាញវិនិយោគិនពីជុំវិញពិភពលោក។

លោកបណ្ឌិតតេង រិទ្ធីបានបញ្ជាក់ថា “ការវិនិយោគមិនមែនគ្រាន់តែស្វែងរកប្រាក់ចំណេញក្នុងរយៈពេលខ្លីនោះទេ ប៉ុន្តែជាការបង្កើតតម្លៃរយៈពេលវែង ការកសាងភាពជាដៃគូយុទ្ធសាស្ត្រ និងការរួមចំណែកអភិវឌ្ឍសង្គម និងសេដ្ឋកិច្ចជាតិប្រកបដោយចីរភាព”។

លោកបន្តថា ក្នុងនាមជាវិនិយោគិន និងអ្នកអភិវឌ្ឍន៍ “ខ្ញុំជឿជាក់ថា កម្ពុជា មិនមែនគ្រាន់តែជាគោលដៅវិនិយោគប៉ុណ្ណោះទេ ប៉ុន្តែជាទឹកដីនៃឱកាស ដែលអាចបង្កើតគម្រោងមានចក្ខុវិស័យ បង្កើតការងារ លើកកម្ពស់គុណភាពជីវិតប្រជាពលរដ្ឋ និងជំរុញការអភិវឌ្ឍសេដ្ឋកិច្ចជាតិឱ្យកាន់តែរឹងមាំ”។

លោកបន្តថា “អនាគតជាកម្មសិទ្ធិរបស់អ្នក ដែលមានចក្ខុវិស័យក្នុងការវិនិយោគ មានវិន័យក្នុងការអនុវត្ត និងបង្កើតតម្លៃសម្រាប់មនុស្សជំនាន់ក្រោយ”៕

ទីក្រុងអាប៊ុយដាប៊ី ជាទីតាំងស័ក្តិសមតែមួយគត់នៅអេមីរ៉ាតអារ៉ាប់រួម សម្រាប់គម្រោងរមណីយដ្ឋានឋានព្រះច័ន្ទ តម្លៃ ៥ ពាន់លានដុល្លារ

ដោយ: សហសេវិក
អន្តរជាតិ: ទីក្រុងអាប៊ុយដាប៊ី អាចជាទីតាំងស័ក្តិសមតែមួយគត់នៅក្នុងប្រទេសអេមីរ៉ាតអារ៉ាប់រួម សម្រាប់សាងសង់គម្រោងរមណីយដ្ឋានឋានព្រះច័ន្ទ ដែលមានទំហំទឹកប្រាក់ចំនួន ៥ ពាន់លានដុល្លារអាមេរិក។

លោក Michael R. Henderson និងលោកស្រី Sandra G. Matthews សហស្ថាបនិកក្រុមហ៊ុន Moon World Resorts Inc. បានប្រាប់សារព័ត៌មាន Gulf News ថា អេមីរ៉ាតអារ៉ាប់រួមនៅតែជាទីផ្សារ ដែលពួកគេពេញចិត្តនៅតំបន់មជ្ឈិមបូព៌ា។

ទោះបីជាយ៉ាងណាក្តី គម្រោងសាងសង់រមណីយដ្ឋានឋានព្រះច័ន្ទ ដ៏ធំមួយនេះត្រូវការដីសម្រាប់អភិវឌ្ឍន៍ទំហំ២,២៥លានម៉ែត្រការ៉េ។

លោក Michael R. Henderson និងលោកស្រី Sandra G. Matthews បានលើកឡើងថា ទីក្រុងអាប៊ុយដាប៊ី (Abu Dhabi) មានដីសមស្របបំផុត ដែលធ្វើឱ្យទីក្រុងនេះក្លាយជាជម្រើសជាក់ស្តែងតែមួយគត់នៅក្នុងប្រទេសអេមីរ៉ាតអារ៉ាប់រួម។

ក្រុមហ៊ុន Moon World Resorts បានអះអាងថា ខ្លួនបានទាក់ទងក្រុមហ៊ុនអភិវឌ្ឍន៍អចលនទ្រព្យ Aldar របស់រដ្ឋាភិបាលអេមីរ៉ារអារ៉ាប់រួម និងអ្នកអភិវឌ្ឍន៍ធំៗផ្សេងទៀត ប៉ុន្តែមិនទាន់ទទួលបានដៃគូក្នុងស្រុក ឬការគាំទ្រពីរដ្ឋាភិបាលនៅឡើយទេ៕ប្រភព: Gulf News៕

Minister Supports the Organization of a Motor Sports Tourism Event in Cambodia

By MoT

Phnom Penh, H.E. HUOT Hak, Minister of Tourism, received a courtesy call from the CPG Overland team, led by Mr. Huor Chandvotthanak, Head of the Caravan Trip Team, and his colleagues, to discuss and brief him on the proposed organization of the 3rd Overland Event, which is scheduled to take place in the near future.

During the meeting, H.E. the Minister expressed his full support for the initiative, recognizing it as a high-potential activity to promote motor sports tourism and adventure tourism, while contributing to the diversification of Cambodia’s tourism products and enhancing the country’s appeal as a travel destination.

The event is expected to promote emerging tourist destinations, natural attractions, and community-based tourism sites to a wider audience. It will also stimulate domestic tourism by encouraging greater demand for accommodation, food and beverage services, transportation, and other tourism-related businesses, thereby generating income and improving the livelihoods of local communities.

At the same time, H.E. the Minister encouraged the organizing team to ensure that the event is conducted with high standards of quality, safety, and responsibility. He emphasized the importance of environmental protection, respect for local culture, traditions, and customs, as well as strengthening cooperation with local authorities, Provincial Departments of Tourism, the private sector, and local communities.

It is worth noting that the CPG Overland (Car Club) has previously organized the 1st and 2nd Northeastern Overland Events in Mondulkiri and Ratanakiri provinces, the International Off-Road Racing Event in Preah Sihanouk Province, and the Off-Road Show 2026 in Kandal Province.

ដំណឹងល្អៈ បណ្តាញផ្លូវសាធារណៈនឹងមានការបំពាក់ភ្លើងបំភ្លឺនាពេលរាត្រី

ដោយៈ ម៉ាណា

ភ្នំពេញៈ ក្រសួងចំនួន២ បានធ្វើពិធីចុះអនុស្សរណៈ នៃការយោគយល់គ្នា ស្តីពីកិច្ចសហប្រតិបត្តិការ ក្នុងការដំឡើងអំពូលភ្លើងបំភ្លឺប្រើថាមពលពន្លឺព្រះអាទិត្យ តាមបណ្តាញផ្លូវសាធារណៈ នៃព្រះរាជាណាចក្រកម្ពុជា។

ពិធីចុះហត្ថលេខានេះធ្វើឡើងរវាង លោកប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និងលោកកែវ រតនៈ រដ្ឋមន្រ្តីក្រសួងរ៉ែ និងថាមពល។

ពិធីចុះអនុស្សរណៈនាពេលនេះមានគោលបំណង ដើម្បីធ្វើកិច្ចសហប្រតិបត្តិការ ក្នុងការដំឡើងភ្លើងបំភ្លឺ ដោយប្រើថាមពលពន្លឺព្រះអាទិត្យតាមបណ្តាញផ្លូវសាធារណៈ និងផ្លូវថ្នល់នានា ដើម្បីជួយលើកកម្ពស់សុវត្ថិភាពចរាចរណ៍ និងសន្តិសុខតាមបណ្តាញផ្លូវសាធារណៈ ជាពិសេសរួមចំណែក កាត់បន្ថយគ្រោះថា្នក់ពេលយប់ តាមបណ្តាញផ្លូវថ្នល់។

ទោះជាយ៉ាងណាក្រសួងទាំងពីរ មិនបានបញ្ជាក់ពីទំហំនៃការចំំណាយ និងបណ្តាញផ្លូវជាតិទាំងអស់ នឹងមានការបំពាក់ឬធ្វើលើបណ្តាផ្លូវសំខាន់ៗមួយចំនួននោះទេ៕

ក្រុមហ៊ុនមួយត្រៀមរៀបចំព្រឹត្តិការណ៍ទេសចរណ៍កីឡាយានយន្តនៅកម្ពុជា

ដោយៈ ម៉ាណា

ភ្នំពេញៈ រដ្ឋមន្ត្រីក្រសួងទេសចរណ៍ លោកហួត ហាក់បានអនុញ្ញាតក្រុមការងារ CPG Overland ដឹកនាំលោក ហួរ ច័ន្ទវឌ្ឍនៈ ដែលជាប្រធានក្រុមការងារ Caravan Trip និងសហការី ចូលជួបសម្តែងការគួរសម ពិភាក្សាការងារ និងរាយការណ៍ជូនអំពីគម្រោងរៀបចំព្រឹត្តិការណ៍ Overland លើកទី៣ ដែលគ្រោងនឹងប្រព្រឹត្តទៅនាពេលខាងមុខ។

ក្នុងឱកាសនោះ លោករដ្ឋមន្ត្រី បានសម្តែងការគាំទ្រចំពោះគម្រោងរៀបចំព្រឹត្តិការណ៍នេះ ដោយចាត់ទុកថា ជាសកម្មភាពដ៏មានសក្តានុពលក្នុងការជំរុញទេសចរណ៍កីឡាយានយន្ត និងទេសចរណ៍ផ្សងព្រេង ព្រមទាំងរួមចំណែកធ្វើពិពិធកម្មផលិតផល ទេសចរណ៍កម្ពុជាឱ្យកាន់តែសម្បូរបែប និងទាក់ទាញ។

ព្រឹត្តិការណ៍នេះ នឹងរួមចំណែកផ្សព្វផ្សាយគោលដៅទេសចរណ៍ថ្មីៗ តំបន់ធម្មជាតិ និងសហគមន៍ទេសចរណ៍ទៅកាន់សាធារណជនឱ្យបានកាន់តែទូលំទូលាយ ព្រមទាំងបង្កើតចរន្តភ្ញៀវទេសចរក្នុងស្រុក ជំរុញការប្រើប្រាស់សេវាកម្មស្នាក់នៅ ម្ហូបអាហារ ការដឹកជញ្ជូន និងសេវាកម្មទេសចរណ៍ផ្សេងៗ ដែលនឹងជួយបង្កើនប្រាក់ចំណូល និងលើកកម្ពស់ជីវភាពប្រជាពលរដ្ឋនៅតាមមូលដ្ឋាន។

ជាមួយគ្នានេះ លោករដ្ឋមន្ត្រី បានលើកទឹកចិត្តឱ្យក្រុមការងារយកចិត្តទុកដាក់រៀបចំព្រឹត្តិការណ៍ ប្រកបដោយគុណភាព សុវត្ថិភាព និងការទទួលខុសត្រូវខ្ពស់ ដោយផ្តោតសំខាន់លើការការពារបរិស្ថាន ការគោរពវប្បធម៌ ប្រពៃណី និងទំនៀមទម្លាប់របស់សហគមន៍មូលដ្ឋាន ព្រមទាំងពង្រឹងកិច្ចសហការជាមួយអាជ្ញាធរ មន្ទីរទេសចរណ៍ វិស័យឯកជន និងសហគមន៍ពាក់ព័ន្ធ។

ក្រុម CPG Overland (Car Club) ធ្លាប់បានរៀបចំព្រឹត្តិការណ៍ឦសាន Overland លើកទី១ និងលើកទី២ នៅខេត្តមណ្ឌលគិរី និងខេត្តរតនគិរី ព្រឹត្តិការណ៍ប្រណាំងរថយន្ត Off-Road អន្តរជាតិ នៅខេត្តព្រះសីហនុ ព្រមទាំងពិព័រណ៍រថយន្ត Off-Road Show 2026 កាលពីពេលថ្មីៗនេះ នៅខេត្តកណ្ដាល។

ព្រឹត្តិការណ៍ Overland លើកទី៣ ត្រូវបានរំពឹងថា នឹងក្លាយជាផលិតផលទេសចរណ៍ ដ៏ទាក់ទាញមួយទៀតសម្រាប់យុវជន អ្នកស្រឡាញ់ធម្មជាតិ និងអ្នកចូលចិត្តដំណើរផ្សងព្រេង ព្រមទាំងរួមចំណែកលើកកម្ពស់កិត្តិនាម និងបង្ហាញពីភាពសម្បូរបែប នៃសក្តានុពលទេសចរណ៍កម្ពុជា៕

ក្រុមហ៊ុនចិនលំដាប់យក្សមួយស្វែងយល់ពីឱកាសវិនិយោគផ្នែកបច្ចេកវិទ្យានៅកម្ពុជា

ដោយៈ ចំណាន

ភ្នំពេញៈ លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) បានអនុញ្ញាតជូនគណៈប្រតិភូក្រុមហ៊ុន Bangsheng Space-Time (Guangxi) Technology Co., Ltd. ដឹកនាំដោយលោក Peng Wenbin ប្រធានក្រុមហ៊ុន ចូមជួបសម្តែងការគួរសម និងពិភាក្សាការងារ ដើម្បីស្វែងយល់បន្ថែមអំពីកាលានុវត្តភាព នៃការវិនិយោគលើវិស័យបច្ចេកវិទ្យានៅកម្ពុជា។

នៅក្នុងជំនួបនារសៀលនេះ លោកប្រធានក្រុមហ៊ុន បានសម្តែងនូវការគោរព និងអំណរគុណយ៉ាងជ្រាលជ្រៅជូនចំពោះ លោកឧបនាយករដ្ឋមន្ត្រី ដែលបានឆ្លៀតពេលវេលាដ៏មមាញឹក និងមានតម្លៃ ផ្តល់ឱកាសឱ្យគណៈប្រតិភូបានចូលជួបសម្តែងការគួរសម និងពិភាក្សាការងារដោយផ្ទាល់នាពេលនេះ។

ជាមួយគ្នានេះ តំណាងក្រុមហ៊ុនបានធ្វើបទបង្ហាញជម្រាបជូន ឯកឧត្តមឧបនាយករដ្ឋមន្ត្រី ក៏ដូចជាអង្គជំនួបទាំងមូលអំពីប្រវត្តិ និងសាវតាក្រុមហ៊ុន ជំនាញឯកទេស បទពិសោធន៍ សមិទ្ធផលការងារធំៗ និងទិសដៅវិនិយោគនៅកម្ពុជា លើវិស័យឯកទេសរបស់ខ្លួន។

ជាការឆ្លើយតប លោកឧបនាយករដ្ឋមន្ត្រី បានសម្តែងនូវការស្វាគមន៍ចំពោះវត្តមានរបស់គណៈប្រតិភូ និងបានថ្លែងអំណរគុណចំពោះថ្នាក់ដឹកនាំក្រុមហ៊ុន ដែលបានសម្លឹងឃើញកម្ពុជាជាគោលដៅវិនិយោគដ៏មានសក្តានុពល និងមានភាពទាក់ទាញខ្ពស់។

ទន្ទឹមនេះ លោកឧបនាយករដ្ឋមន្ត្រី បានចែករំលែកនូវគោលគំនិត និងអនុសាសន៍ចង្អុលបង្ហាញមួយចំនួន ដើម្បីក្រុមហ៊ុនអាចយកជាមូលដ្ឋានក្នុងការបន្តជំហានបន្ទាប់របស់ខ្លួន ក្នុងការវិនិយោគនៅកម្ពុជាឱ្យបានត្រឹមត្រូវ និងមានប្រសិទ្ធភាពខ្ពស់បំផុត៕

ខេត្តព្រះសីហនុស្វាគមន៍គំរោងវិនិយោគថ្មីចំនូន២បន្ថែមទៀត

ដោយៈ ចំណាន

ព្រះសីហនុៈ អភិបាលរងខេត្តព្រះសីហនុ លោក ឡុង ឌីម៉ង់ ដឹកនាំមន្ត្រីជំនាញពាក់ព័ន្ធ ចុះពិនិត្យទីតាំង ដើម្បីចុះបញ្ជីជាគម្រោងQIP ចំនួន២នៅស្រុកព្រៃនប់ ខេត្តព្រះសីហនុ។

លោកបានដឹកនាំមន្ត្រីជំនាញពាក់ព័ន្ធ ចុះពិនិត្យទីតាំងស្នើសុំចុះបញ្ជីគម្រោងវិនិយោគ បង្កើតរោងចក្រផលិតក្តារបន្ទះ និងរោងចក្រផលិតចំណីសត្វ ដែលមានទីតាំងនៅក្នុងឃុំសាមគ្គី និងឃុំជើងគោ ស្រុកព្រៃនប់ ខេត្តព្រះសីហនុ។

ក្នុងនាមជាអនុប្រធានអនុគណៈកម្មាធិការវិនិយោគខេត្ត លោកអភិបាលរងបានស្វែងយល់លម្អិត និងដោះស្រាយបញ្ហាប្រឈមដែលវិនិយោគិនបានជួបប្រទះ និងបានណែនាំឱ្យអាជ្ញាធរមូលដ្ឋាន និងមន្ទីរអង្គភាពពាក់ព័ន្ធខិតខំធ្វើយ៉ាងណា បង្កលក្ខណៈងាយស្រួលដល់អ្នកវិនិយោគ ដោយរក្សាទំនាក់ទំនងល្អ សម្របសម្រួលនីតិវិធី និងផ្តល់ការប្រឹក្សាជាប្រចាំ។

ជាមួយគ្នានឹងការជំរុញឱ្យក្រុមហ៊ុនទាំង២ ព្យាយាមអូសទាញអ្នកវិនិយោគិនដទៃ ឱ្យងាកមកបណ្តាក់ទុននៅខេត្តព្រះសីហនុ លោកអភិបាលរងក៏បានសំណូមពរឱ្យក្រុមហ៊ុនទាំង២ ផ្តល់អាទិភាពការងារដល់ប្រជាពលរដ្ឋមូលដ្ឋាន និងត្រូវភ្ជាប់សេវាប.ស.ស.ជូនបុគ្គលិក និងកម្មករឱ្យបានត្រឹមត្រូវ។ គិតគួរឱ្យបានគត់មត់ចំពោះបញ្ហាបរិស្ថាន និងសង្គមដែលអាចមានកើតឡើង។

ត្រូវមានផែនការការពារក្នុងករណីមានឧបទ្ទវហេតុណាមួយ រៀបចំអគារឱ្យមានខ្យល់ចេញចូលល្អ មានច្រកចេញចូលសុវត្ថិភាព និងបំពាក់ឧបករណ៍ បង្ការអគ្គិភ័យឱ្យបានគ្រប់គ្រាន់ និងចូលរួមដាំដើមឈើឱ្យបានច្រើន ដើម្បីផ្តល់ផាសុកភាពដល់បុគ្គលិក និងកម្មករនៅទីតាំងផងដែរ៕

តម្លៃអាផាតមុិននៅទីក្រុងហាណូយធ្លាក់ចុះ ខណៈតម្លៃអាផាតមុិននៅទីក្រុងហូជីមិញបានស្ថិតនៅទ្រឹង

ដោយ: សហសេវិក
អន្តរជាតិ: តម្លៃអាផាតមុិននៅទីក្រុងហាណូយបានធ្លាក់ចុះនៅក្នុងគម្រោងជាច្រើននៅត្រីមាសទី២ ឆ្នាំ២០២៦។ទន្ទឹមនឹងនេះ តម្លៃអាផាតមុិននៅទីក្រុងហូជីមិញបានស្ថិតនៅទ្រឹង ខណៈតំបន់មួយចំនួននៅតែបន្តសម្រេចបានកំណើន។

យោងតាមគេហទំព័រ Batdongsan.com.vn តម្លៃអាផាតមុិនជាមធ្យមនៅទីក្រុងហាណូយក្នុងត្រីមាសទីពីរបានកើនឡើងដល់ទំហំទឹកប្រាក់ប្រហែល ៨៥ លានដុងក្នុងមួយម៉ែត្រការ៉េ ធ្លាក់ចុះ ២ភាគរយបើប្រៀបធៀបទៅនឹងត្រីមាសទីមួយ។

ទន្ទឹមនឹងនេះ តម្លៃអាផាតមិនជាមធ្យមនៅក្នុងទីក្រុងហូជីមិញ ក្នុងត្រីមាសទីពីរបានកើនឡើងដល់ទំហំទឹកប្រាក់ប្រហែល៦៩លានដុងក្នុងមួយម៉ែត្រការ៉េ ស្ថិតនៅទ្រឹងបើប្រៀបធៀបទៅនឹងត្រីមាសទីមួយ។

ក្នុងរយៈពេល៥ខែដំបូងនៃឆ្នាំ២០២៦ តម្លៃអាផាតមុិនជាមធ្យមនៅទីក្រុងហូជីមិញមានទំហំទឹកប្រាក់ចាប់ពី ៦៩ទៅ៧០ លានដុងក្នុងមួយម៉ែត្រការ៉េ។ ជាពិសេស នៅខែមករា តម្លៃអាផាតមុិនបានឈានដល់៦៩ លានដុងក្នុងមួយម៉ែត្រការ៉េ។

នៅខែកុម្ភៈ តម្លៃអាផាតមុិនជាមធ្យមនៅទីក្រុងហូជីមិញមានទំហំទឹកប្រាក់ប្រហែល ៧០ លានដុងក្នុងមួយម៉ែត្រការ៉េ នៅខែមីនា ( ៦៩លានដុង/ម៉ែត្រការ៉េ) នៅខែមេសា ( ៦៩ លានដុង/ម៉ែត្រការ៉េ) និងនៅខែឧសភា (៧០ លានដុង/ម៉ែត្រការ៉េ)។

នៅទីក្រុងដាណាង (Da Nang) តម្លៃអាផាតមុិនជាមធ្យមក្នុងត្រីមាសទីពីរបានកើនឡើង១ភាគរយបើប្រៀបធៀបទៅនឹងត្រីមាសទី១ ដោយឈានដល់ប្រហែល៦៩លានដុងក្នុងមួយម៉ែត្រការ៉េ៕ប្រភព: Laodong.vn៕