ANZ Royal លក់ភាគហ៊ុន ៥៥% ដល់ធនាគារ JTrustជប៉ុន

0

ដោយ វុត្ថា

ភ្នំពេញ៖ ធនាគារដ៏ធំមួយរបស់ជប៉ុន JTrust បានឈានដល់កិច្ចព្រមព្រៀងជាផ្លូវការទិញភាកហ៊ុនចំនួន៥៥ភាគរយ របស់ធនាគារ ANZ Royal ពីធនាគារ ANZ Group របស់អូស្ត្រាលី។

យោងតាមសេចក្តីប្រកាសព័ត៌មាន ដែលចេញផ្សាយនៅថ្ងៃទី១៧ ខែឧសភា ឆ្នាំ ២០១៨នេះបានឲ្យដឹងថា ធនាគារANZ និងក្រុមហ៊ុន Royal Group បានក្លាយជាដៃគូជាមួយគ្នាអស់រយៈពេល១៣ឆ្នាំ ដោយបាននាំជូននូវសេវកម្មធនាគារស្តង់ដារអន្តរជាតិមកកាន់ទីផ្សារកម្ពុជា។ ធនាគារANZ និងក្រុមហ៊ុនRoyal Group បានរួមគ្នាបង្កើតធនា​គារ ANZ Royalលំដាប់ថ្នាក់ពិភពលោកដ៏រឹងមុំា ដែលដើរតួនាទីរួមចំណែកគាំទ្រដល់កំណើនសេដ្កកិច្ចរបស់កម្ពុជា និងបានបម្រើសេវាយ៉ាងល្អដល់អតិថិជន។

សេចក្តីប្រកាសព៌តមានដដែលបានបន្តថា ធនាគារជប៉ុន JTrust មានប្រតិបត្តិការសេវាកម្មហិរញ្ញវត្ថុជាច្រើនប្រទេសនៅក្នុងពិភពលោក ដូចជា នៅប្រទេសជប៉ុន កូរ៉េខាងត្បូង ឥណ្ឌូនេស៊ី ថៃ និងកម្ពុជា។ ធនាគារជប៉ុន JTrust ផ្តល់ជូននូវហិរញ្ញវត្ថុជាច្រើនប្រភេទ ហើយមានភាពរឹងមុំានៅលើទីផ្សារ ដោ​យ​សារធនាគារ មានអតិថិជនទាំងជាក្រុមហ៊ុនសាវជីវកម្ម និងអតិថិជនជាបុគ្គល។ ធនា​គារជប៉ុន JTrust ត្រូវបានបង្កើតឡើងនៅប្រទេសជប៉ុនជាង៤០ឆ្នាំមកហើយ និងបានក្លាយជាគ្រឹះ​ស្ថានហិរញ្ញវត្ថុ ដែលកំពុងរីកចម្រើនយ៉ាងឆាប់រហ័យជាមួយនឹងកំណើនខ្ពស់នៅទាំងទាំងអាស៊ី។

ក្រុមហ៊ុន Royal Group មានជំនឿមុតមាំថា ធនាគារជប៉ុន JTrust គឺជាដៃគូដ៏ល្អបំផុត ហើយនឹងបន្តពីធនាគារ ANZ Group អូស្ត្រាលី ដើម្បីផ្តល់សេវាដល់អតិថិជន ក៏ដូចជាបន្តពង្រឹងសមត្ថភាពសេវកម្មថ្មីៗជាច្រើនទៀត។

Advertisement

សេក្តីប្រកាសពត៌មានដដែលបានបញ្ជាក់ទៀតថា សេដ្ឋកិច្ចរបស់ប្រទេសកម្ពុជាបន្ត​រីចម្រើនគួរឲ្យកត់គម្គាល់ ហើយធនាគារជប៉ុន JTrust រួមជាមួយក្រុមហ៊ុន Royal Group នឹងចូលរួមយ៉ាងសកម្មក្នុងការជួយគាំទ្រដល់កំណើននេះ ជាមួយសេវាកម្មរបស់ធនាគារដែលមានស្រាប់ ព្រមទាំងនាំជូននូវសេវាកម្មថ្មីៗបន្ថែម ដើម្បីឆ្លើយតបបំពេញតាមតម្រូវការរបស់ទីផ្សារអតិថិជន៕

- Advertisement -

Leave a Reply