ប្រទេសចិនដាក់បង្ហាញរថភ្លើងល្បឿនលឿនតភ្ជាប់ពីទីក្រុងហ្សាការតាទៅកាន់ទីក្រុងបានដុង

ដោយ:លាងហួរ

ហ្សាការតា: ក្រុមហ៊ុនChina Railway International បានរាយការណ៍ថា រថភ្លើងល្បឿនលឿន ដែលតភ្ជាប់ពីទីក្រុងហ្សាការតា និងទីក្រុងបានដុងប្រទេសឥណ្ឌូណេស៊ី ត្រូវបានដាក់បង្ហាញនៅថ្ងៃសុក្រនេះ នៅភាគខាងកើតប្រទេសចិន ដើម្បីរៀបចំសម្រាប់ការបើកដំណើរការ តាមកាលវិភាគ។

រថភ្លើងល្បឿនលឿនសរុបចំនួន១១ឈុត និងរថភ្លើងត្រួតពិនិត្យដែលសាងសង់ នៅ ប្រទេស ចិន ត្រូវ បាន ដាក់ តាំង បង្ហាញ នៅ ទីក្រុង Qingdao ខេត្ត Shandong ហើយនឹង ត្រូវ បញ្ជូន ទៅ កាន់ ប្រទេស ឥណ្ឌូនេស៊ី ក្នុង ពេល ឆាប់ៗ នេះ។

យោងតាមក្រុមហ៊ុន China Railway Internationalបានឱ្យដឹងថា រថភ្លើងដែលរចនា និងអភិវឌ្ឍដោយក្រុមហ៊ុន CRRC Qingdao Sifang Co, Ltd គឺផ្អែកលើបច្ចេកវិទ្យាដែលប្រើក្នុងរថភ្លើង Fuxing ដែលផលិតដោយប្រទេសចិន ដែលអាចបង្កើនល្បឿនដល់ ទៅ៣៥០គីឡូម៉ែត្រក្នុងមួយម៉ោង។

ខ្សែរថភ្លើងប្រវែង២៤៣គីឡូម៉ែត្រ ដែលជាផ្នែកមួយនៃគំនិតផ្តួចផ្តើមខ្សែក្រវ៉ាត់ និងផ្លូវរបស់ប្រទេសចិន បានចាប់ផ្តើមសាងសង់ក្នុងឆ្នាំ២០១៨ហើយ រំពឹងថានឹងចាប់ផ្តើមដំណើរការ ចាប់ពីខែមិថុនាឆ្នាំក្រោយ។

ជាមួយនឹង រថភ្លើង ដែល មាន ល្បឿន រហូតដល់៣៥០គីឡូម៉ែត្រ ក្នុង មួយ ម៉ោង ខ្សែ រថភ្លើង នេះ នឹង កាត់ផ្តាច់ ការធ្វើដំណើរ រវាង ទីក្រុង ហ្សាការតា និងរដ្ឋធានី នៃ ខេត្ត West Java ពី ជាង៣ម៉ោង មក នៅត្រឹមតែ៤០នាទី ប៉ុណ្ណោះ៕