ដោយវុត្ថា
ភ្នំពេញៈ ជម្ងឺវិជ្ជាជីវៈ ជាជម្ងឺដែលបណ្ដាលមកពីវិជ្ជាជីវៈ ក៏ត្រូវចាត់ទុកជាហានិភ័យការងារដែរ។
រដ្ឋមន្ដ្រីក្រសួង ដែលទទួលបន្ទុកវិស័យរបបសន្ដិសុខសង្គម និងរដ្ឋមន្ដ្រីក្រសួងសុខាភិបាល ត្រូវចេញប្រកាសរួមស្ដីពី ការកំណត់បញ្ជីជម្ងឺវិជ្ជាជីវៈ ដោយមានភ្ជាប់មកជាមួយនូវបញ្ជីរ នៃមុខរបរប្រើកម្លាំងកាយ មុខរបរដែលប៉ះពាល់ដោយជាតិពុល និងមុខរបរដែលត្រូវអនុវត្តនៅក្នុងលក្ខខណ្ឌ ឬតំបន់មានលក្ខណៈមិនប្រក្រតី ដែលនាំឲ្យអ្នកធ្វើការកើតជម្ងឺផ្សេង។
បន្ទាប់ពីការផ្ដល់យោបល់ពីក្រុមប្រឹក្សាបច្ចេកទេស។ បញ្ជីនេះត្រូវសើរើពិនិត្យឡើងវិញជាកាលិក ដើម្បីកែលម្អបច្ចេកទេសឲ្យបានជឿនលឿន និងជំរុញការយល់ដឹងខាងវេជ្ជសាស្ដ្រ សម្រាប់ជាមូលដ្ឋានក្នុងការទប់ស្កាត់គ្រោះថ្នាក់វិជ្ជាជីវៈ។
ជម្ងឺដែលគេប្រកាសថា ជាហានិភ័យការងារក្រោយពីបរិច្ឆេទ ដែលកម្មករ និយោជិតបានធ្វើការងារហើយនោះ ក៏អាចបើកសិទ្ធិឲ្យជនរងគ្រោះ ទទួលតាវកាលិកសម្រាប់ហានិភ័យការងារបានដែរ បើការប្រកាសនេះ ស្ថិតក្នុងអំឡុងពេលដែលមានបញ្ជាក់ក្នុងបញ្ជីនៃជម្ងឺវិជ្ជាជីវៈ៕
