ដោយវុត្ថា
ភ្នំពេញៈ ក្រុមហ៊ុន Wang Fu Guo Ji Proper ty Devlopment បានចាប់ផ្តើមបើករដ្ឋានសាងសង់ ខណ្ឌបឹងកេងកងរាជធានីភ្នំពេញ បើទោះបីស្ថិនៅក្នុងស្ថានភាពបច្ចុប្បន្នមានវិបត្តិសេដ្ឋកិច្ចសកលយ៉ាងណាក្តី។
លោក ឧបនាយករដ្ឋមន្ត្រី យឹម ឆៃលី ប្រធានក្រុមប្រឹក្សាស្តារ និងអភិវឌ្ឍន៍វិស័យកសិកម្ម និងជនបទ បានមានប្រសាសន៍ក្នុងពិធីបើកការដ្ឋាន សាងសង់ជាផ្លូវការកាលពីចុងសប្តាហ៍កន្លងមកនេះឱ្យដឹងថា ក្រុមហ៊ុនWang Fu Guo Ji Proper ty Devlopment នៅតែដាក់ទុនវិនិយោគសាងសង់គម្រោង អគារLe Conde KK1 បឹងកេងកង១ ខណ្ឌបឹងកេងកង រាជធានីភ្នំពេញ បើទោះក្នុងស្ថានភាព បច្ចុប្បន្នវិបត្តិសកលលោក ពិសេសជុំវិញបញ្ហាកូវីដ–១៩ មិនសូវល្អក្តី តែក្រុមហ៊ុនបានមកដាក់ ទុនវិនិយោគនៅកម្ពុជា។
លោកបន្តថា “នេះជាការស្ម័គ្រចិត្តដ៏ល្អមួយ ហើយក៏ជាការពេញចិត្តរបស់រដ្ឋាភិបាលកម្ពុជាដែល ពិតជាបានរួមចំណែកដល់ ការអភិវឌ្ឍប្រទេសកម្ពុជា”។លោកថា “គម្រោងវិនិយោគ Le Conde KK1 នេះគឺជាគម្រោងមួយលំដាប់អន្តរជាតិ ដំបូងនៅកម្ពុជា ដែលប្រើប្រាស់បច្ចេក វិទ្យា ឆ្លាតវៃដំបូងគេក្នុងការសាងសង់”។
លោកលីង ដុង នាយកប្រតិបត្តិក្រុមហ៊ុន Wangfu Guo Ji Property Develo pment Co., Ltd ឱ្យដឹងថា គម្រោងអគារម្ពស់៤៣ជាន់នេះស្ថិតនៅ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ជាការវិនិយោគដោយក្រុមហ៊ុន Wangfu Guo Ji Property Development Co., Ltd សហការជាមួយក្រុមហ៊ុន Sichuan Huashi Group ដែលជាក្រុមហ៊ុនម៉ៅការសំណង់ ដ៏ឆ្នើមមួយរបស់ប្រទេសចិន និងជាក្រុមហ៊ុនម៉ៅការគម្រោងសំណង់ល្បីៗជាច្រើននៅលើពិភពលោកផងដែរ។
លោកស៊ី យ៉ុង នាយកក្រុមហ៊ុន ស៊ី ឈួន ហួយស៊ីសានជៀន(ខេមបូឌា) ខូអិលធីឌី ឱ្យដឹងដឹងដែរថា គម្រោង Le Condé មិនគ្រាន់តែជាខុនដូ ប៉ុណ្ណោះទេ ថែមទាំងជាទស្សនៈ នៃរបៀបរស់នៅផងដែរ។ លោកបានបន្ដថា ក្រុមហ៊ុន នឹងបង្កើតនូវឧទ្យានលើ អាកាសដ៏ធំមួយ នៅលើអគារកម្ពស់១២០ម៉ែត្រ ជាទីកន្លែងដែលលោកអ្នកអាចទទួល ទានកាហ្វេ ជជែកគ្នាលេង អានសៀវភៅ ស្តាប់តន្ត្រី និងដើរកម្សាន្ត និងមានសួនកម្សាន្តសម្រាប់កុមារផងដែរ៕
