ដោយ វុត្ថា
ភ្នំពេញៈ នីតិវិធីនៃការដឹកជញ្ជូនផលិតផលសម្រេចរបស់វិនិយោគកាត់ដេរ ចេញពីរោងចក្រ ទៅកាន់ទីកន្លែងបំពេញបែបបទគយនាំចេញ មានដូចខាងក្រោម៖
ការដឹកជញ្ជូនផលិតផលសម្រេចពីរោងចក្រនានា មកកាន់កន្លែងបំពេញបែបបទគយនាំចេញ ត្រូវភ្ជាប់មកជាមួយនូវលិខិតណាមួយ របស់សាមីរោងចក្រ (វិក្កយបត្រ ប័ណ្ណបញ្ចេញពីឃ្លាំង លិខិតដឹកជញ្ជូន។ល) ដែលមានបញ្ជាក់យថាប្រភេទ និងបរិមាណទំនិញ តម្រាយផ្លូវចរាចរ កន្លែងចេញដំណើរ កន្លែងទៅដល់ និងកាលបរិច្ឆេទច្បាស់លាស់សម្រាប់បម្រើឱ្យការផ្ទៀងផ្ទាត់ជាយថាហេតុ ពីមន្ត្រីគយនិងរដ្ឋាករ មានសមត្ថកិច្ច។- សាមីក្រុមហ៊ុនពាក់ព័ន្ធត្រូវទទួលខុសត្រូវ ចំពោះមុខបទប្បញ្ញត្តិច្បាប់ជាធរមាន ប្រសិនបើរកឃើញថា មានការក្លែងបន្លំតាមរូបភាពនានា ដែលអាចបង្កប់នូវបទល្មើសគយជាយថាហេតុនាពេលដឹកជញ្ជូនទំនិញទាំងនេះ៕
