គម្រោង​សាងសង់​ផ្លូវជាតិ​លេខ១០ សម្រេចបាន​ជិត ៤០ភាគរយ​ហើយ

0

ដោយៈ​វុត្ថា

ភ្នំពេញៈ គម្រោង​សាងសង់​ផ្លូវជាតិ​លេខ១០ ត​ភ្ជាប់​ពី​ស្រុក​សំឡូត ខេត្តបាត់ដំបង ពោធិសាត់​មកកាន​ក់​ខេ​ត្កោះ​កុង សម្រេចបាន​ប្រមាណ​ជិត៤០ភាគរយ​ហើយ រហូតមកដល់​ពេលនេះ ខណៈដែល​ក្រុមហ៊ុន​កំពុងតែ​ព​ន្លឿ​ន​ការសាងសង់ និង​ដោះស្រាយ​ផលប៉ះពាល់។

លោក​សុខ សុ​ទ្ធី អ្នកនាំពាក្យ​រដ្ឋបាលខេត្ត​កោះកុង នៅ​ថ្ងៃទី ៣ ខែធ្នូ​ឆ្នាំ ២០២០នេះ ឱ្យដឹងថា បច្ចុប្បន្ននេះ អាជ្ញាធរ​ពាក់ព័ន្ធ​បាន និង​កំពុង​ដោះស្រាយ​ផល​បះ​ពាល់​ឱ្យនៅ​តិច​បំផុត ចំពោះ​គម្រោង​សាងសង់​ផ្លូវជាតិ​លេខ១០នេះ ខណៈដែល​គម្រោង​នេះ មាន​ផលប៉ះពាល់ ចំពោះ​ចំការកៅស៊ូ​របស់​ប្រជាពលរដ្ឋ​មួយចំនួន ២០ទៅ២៥ភាគ​ប៉ុណ្ណោះ ។

- Video Advertisement -

លោក​បន្តថា ផ្លូវជាតិ​លេខ១០នេះ មាន​ប្រវែង​សរុប​ជាង១៩៨ គីឡូម៉ែត្រ ដែល​នឹងត្រូវ​ចំណាយ​ថវិកា​សរុប​ប្រមាណ១៨៨លាន​ដុល្លារ​អាមេរិក ជា​ហិរញ្ញប្បទាន​ពី​រដ្ឋាភិបាល​ចិន និង​ត្រូវ​បានប្រកាស​បើក​ការដ្ឋាន​កាលពី​ថ្ងៃទី០៩ ខែមីនា ឆ្នាំ២០២០កន្លងមកនេះ។

លោក​ស៊ុន ចាន់ថុល ទេសរដ្ឋមន្ត្រី និង​រដ្ឋមន្ត្រីក្រសួង​សាធារណការ និង​ដឹកជញ្ជូន​ធ្លាប់បាន​ឱ្យដឹងថា  ផ្លូវជាតិ​លេខ១០នេះ នឹងត្រូវ​សាងសង់​ស្របទៅតាម​ស្តង់ដារ ផ្លូវថ្នល់​កម្រិត៣ នៃ​បទដ្ឋាន​បច្ចេកទេស​រប​ស់​សាធារណរដ្ឋ​ប្រជាមានិត​ចិន មាន​ទទឹង​តួ​ផ្លូវ​សរុប៩ម៉ែត្រ ក្រាល​កៅស៊ូ​ពីរ​ស្រទាប់ (DBST) ទទឹង ៨ម៉ែត្រ ដែល​នឹងត្រូវ​ប្រើ​រយៈពេល​សាងសង់៤៨ខែ គិត​ចាប់​ខែធ្នូ ឆ្នាំ២០១៩ ដល់​ខែធ្នូ ឆ្នាំ២០២៣ ។

ផ្លូវជាតិ​លេខ១០ មាន​ប្រវែង​សរុប​ចំនួន១៩៨,៧១គីឡូម៉ែត្រ គិត​ចាប់ពី​តំបន់​វាលវែង​ខេត្តពោធិ៍សាត់ ឆ្លងកាត់​ខេត្តបាត់ដំបង ស្រុក​សំឡូត និង​បន្ត​ឆ្ពោះទៅកាន់​ក្រុង​ខេមរភូមិន្ទ ខេត្តកោះកុង។

ផ្លូវជាតិ​មួយ​ខ្សែ​នេះ គឺមាន​សារៈ​សំខាន់បំផុត សម្រាប់​ការធ្វើ​ចរាចរណ៍​របស់​ប្រជាពលរដ្ឋ ជាពិសេស​បម្រើ​ដល់​វិស័យ​ដឹកជញ្ជូន​រវាង​ខេត្ត​ទាំង៣ រួមមាន ខេត្តពោធិ៍សាត់ បាត់ដំបង និង​ខេត្តកោះកុង ហើយក៏​អាស្រ័យ​ផល និង​ផ្តល់​ភាពងាយស្រួល​ដល់​ខេត្ត​ជិតខាង​មួយចំនួនទៀត​ផងដែរ។

សម្ដេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា​ធ្លាប់បាន​មានប្រសាសន៍ថា បើទោះបីជា​វិបត្តិ​សេដ្ឋកិច្ច​សាកល ដែល​បណ្តាលមកពី​ជំងឺឆ្លង Covid-19 យ៉ាងណាក៏ដោយ វា​មិនមែនជា​ឧបសគ្គ​របស់​កម្ពុជា​ក្នុង​ការកសាង និង​អភិវឌ្ឍន៍​ហេ​ដ្ឋា​រចនា​ស ម្ព័​ន្ធ​នៅ​ទូទាំងប្រទេស​នោះទេ។ ផ្ទុយទៅវិញ​នៅក្នុង​កាលៈទេសៈ​នេះ កម្ពុជា​បាន​ព្យាយាម​ជំនះ និង​ធ្វើ​ពិពិធ​កម្ម​ក្នុង​វិស័យសំខាន់ៗ មួយចំនួន​ឱ្យ​កាន់តែ​មាន​ភាព​រីកចម្រើន និង​ល្អប្រសើរ​ថែម​មួយកម្រិត​ទៀត៕

-Video Advertisement -

LEAVE A REPLY

Please enter your comment!
Please enter your name here