ដោយគង់ សូរិយា
ភ្នំពេញៈ គំរោងខុនដូ និងមជជ្ឈមណ្ឌលពាណិជ្ជកម្មតម្លៃ ៧០០លានដុល្លារ ដែលវិនិយោគដោយក្រុមហ៊ុន Morgan Group កំពុងទាក់ទាញការចាប់អារម្មណ៍ពីអ្នកវិនិយោគក្នុងស្រុក និងអន្តរជាតិ។
ជាមួយនឹងក្រុមលក់ជាង ១០០នាក់ លោកង៉ែត តារា Chairman នៃក្រុមហ៊ុនអចលនទ្រព្យ Ipin បានមានប្រសាសន៍ថា ដោយសារជាគំរោងដែលមានការវិនិយោគពីក្រុមហ៊ុនលំដាប់អន្តរជាតិ លើទុនវិនិយោគរាប់រយលានដុល្លារ ទើបធ្វើឲ្យអតិថិជនជាច្រើនងាកមក ជាវយ៉ាងច្រើន។
លោកបន្តថា “បច្ចុប្បន្នអតិថិជនជាច្រើន បានប្រើប្រាស់សេវាកម្មក្រុមហ៊ុនអចលនទ្រព្យក្នុងស្រុក ដោយឈប់ទិញពីគម្រោងផ្ទាល់ ជាពិសេសការប្រើប្រាស់សេវាកម្មប្រឹក្សាលក់គម្រោងខុនដូរបស់ក្រុមហ៊ុន អចលនទ្រព្យ អាយ ភីន” ។
លោកង៉ែត តារាបានបានបន្តថា ក្នុងនាមជាក្រុមហ៊ុនមួយ ដែលមានវិជ្ជាជីវះនិងទំនុកចិត្តខ្ពស់ យើងតែងតែប្រយ័ត្នប្រយែងបំផុតក្នុងការសិក្សា វិភាគ មុខពេលសំរេចយកនិងណែនាំគម្រោងជូនអតិថិជន។ លោកបន្ថែមថា យើងជាក្រុមហ៊ុនដែលណែនាំ តែគម្រោងណាដែលអាចជឿទុកចិត្តបាន មិនបារម្ភខ្លាចរាំងស្ទះចំពោះដំណើរការសាងសង់។
ជាមួយនឹងទីតាំងដ៏មានសក្តានុពល ក្រុមហ៊ុន Ipin បានធ្វើការណែនាំពីគម្រោងដែលមានទីតាំងប្រកប ដោយសក្តានុពលទាំងសំរាប់ការរស់នៅ និងវិនិយោគប៉ុណ្ណោះ ដែលវិធីសាស្ត្រយ៉ាងស្ទាត់ជំនាញរបស់យើង គឺជ្រើសរើសយកយូនីត ដែលមានទីតាំងល្អៗ ដើម្បីងាយស្រួលដោះដូរភ្លាមៗ ឬការរស់នៅជូនអតិថិជនផងដែរ។
លោកបន្តថា ជាមួយនឹងសមត្ថភាពជំនាញ យើងមានក្រុមហ៊ុនការងារ សមត្ថភាពខ្ពស់ក្នុងការចរចា ទិញក្នុងតំលៃល្អជូនអតិថិជន ពីព្រោះខាងគម្រោងបានចុះ MOU ជាមួយក្រុមហ៊ុនមិនអាចលក់ទាបជាងក្រុមហ៊ុនជាដាច់ខាត។ លោកបន្តថា ក្រុមហ៊ុនអាចចរចាជួយសំរួល ដោយផ្តល់លក្ខខណ្ឌទូរទាត់ ឬបង់ប្រាក់ដែលល្អឲ្យសមស្របទៅនឹងស្ថានភាពសេដ្ឋកិច្ចរបស់អតិថិជន។
ក្រុមហ៊ុនមានបណ្តាញលក់ច្រើន នឹងអាចជួយសម្រួល បើសិនជាអតិថិជនចង់លក់រឺជួលបន្តគឺមានភាពងាយស្រួល និងឆាប់រហ័សជាពិសេសទទួលបានតំលៃខ្ពស់។ អតិថិជនចំណេញពេលវេលាច្រើន ក្នុងការស្វែងរកទីតាំងអចលនទ្រព្យល្អៗ ដែលខ្លួនចង់បាន។លើសពីនេះ អតិថិជនមិនចាំបាច់ហត់និងរវល់រៀបចំឯកសារផ្សេងៗឡើយ ដែលជួយកាត់បន្ថយហានីភ័យ លើការទិញអចលនទ្រព្យ ដែលពាក់ព័ន្ធ និងមានបញ្ហាទាំងឡាយបានខ្ពស់បំផុត។
លោកង៉ែត តារាបានបន្តថា “នេះជាផ្នែកមួយនៃកាជួយមើលថែរ អចលនទ្រព្យរបស់លោកអ្នកដូចជា កាជួយគ្រប់គ្រង កាចាត់ចែង ថែរក្សារការពារផលប្រយោជន៍ កាជួយដោះស្រាយបញ្ហារផ្សេងៗ និងគ្រប់ពេលដែលម្ចាស់ត្រូវកាជំនួយ” ។ លោកបន្ថែមថា IPinជាអ្នកផ្តល់ប្រឹក្សារដ៏ល្អបំផុត លើកាវិនិយោគអចលនទ្រព្យជូនលោក អ្នក ដែលអាចណែនាំពីកាប្រើប្រាស់ចរន្តសាច់ប្រាក់ ការជ្រើសទីតាំងគម្រោងអចលនទ្រព្យ ជាពិសេសពេលណាគួរវិនិយោគប្រភេទអចលនទ្រព្យ។ ជាអ្នកផ្តល់ព៌តមាន និងមានទិន្ន័យជាច្រើន ជាពិសេសព័ត៌មាន ដែលទាក់ទងការងារវិស័យអចលនទ្រព្យ ជូនអតិថិជននៅពេលគាត់ត្រូវការ៕
