ដោយ ៖ វឌ្ឈនា
ភ្នំពេញៈ ក្រុមហ៊ុនវិនិយោគផ្នែកបដិសណ្ឋារកិច្ចRoeswood បានសម្រេចបោះទុនវិនិយោគ៤៥ ពាន់លានដុល្លារអាមេរិក សាងសង់ទីក្រុងថ្មីមួយនៅទីក្រុងដូហា ប្រទេសកាតា ដែលរួមបញ្ចូលនូវមជ្ឈមណ្ឌលពាណិជ្ជកម្ម លំនៅដ្ឋាន ពហុកីឡាដ្ឋានដែលគ្របដណ្តប់លើផ្ទៃដី៣៨គីឡូម៉ែត្រក្រឡា។
តាមការការចុះផ្សាយរបស់សារព័ត៌មានcladglobal.com បានឱ្យដឹងថា ក្រុមហ៊ុន Rosewood បានចាប់ដៃគូជាមួយក្រុមហ៊ុនអភិវឌ្ឍន៍ ដែលមានមូលដ្ឋាននៅក្នុងប្រទេស Qatar ឈ្មោះ Arka Investment ក្នុងការសាងសង់អគារនេះ ដែលនឹងដាក់ឱ្យដំណើរនៅក្នុងឆ្នាំ២០២២ ខាងមុខ។ នេះគឺការពង្រីកអាជីវកម្មរបស់ក្រុមហ៊ុន Rosewood ដ៏ធំមួយមកកាន់តំបន់មជ្ឈឹមបូព៌ា ។
គម្រោងសាងសង់ទីក្រុង និងមជ្ឈមណ្ឌលពាណិជ្ជកម្មឈ្មោះLusail City ត្រូវបានប៉ាន់ប្រមាណក្នុងការចំណាយទឹកប្រាក់រហូតដល់៤៥ពាន់លានដុល្លារអាមេរិក ដែលមានឈ្មោះថាLusail City ដែលលាតសន្ធឹងលើផ្ទៃដី៣៨ គីឡូម៉ែត្រក្រឡា និងមានកោះចំនួន៤ និងតំបន់ពហុលំនៅដ្ឋានចំនួន១៩កន្លែង អគារប្រើប្រាស់ចម្រុះ កន្លែងកម្សាន្ត និងតំបន់ពាណិជ្ជកម្ម។
មជ្ឈមណ្ឌលពាណិជ្ជកម្មលំដាប់ពិភពលោកនេះ ត្រូវបានបង្កើតឡើងដោយក្រុមការងារមកពីការិយាល័យវិស្វកម្មអារ៉ាប់ (AEB) ដឹកនាំដោយ លោក Ibrahim M Jaidah ដែលជាស្ថាបត្យករកាតាដ៏ល្បីឈ្មោះ ដែលត្រូវបានគេស្គាល់ថាជាទស្សនវិទ្យា ផ្នែករចនាប្លង់សាងសង់អគារ ដែលឆ្លើយតបទៅនឹងបរិស្ថានធម្មជាតិ ប៉ុន្តែវាក៏មានការលាយឡំងជាមួយនឹងវប្បធម៌និ ងសង្គមផងដែរ៕
