៥វិធីសាស្រ្តដើម្បីកាត់បន្ថយភាពតានតឹងពីអារម្មណ៍ទាក់ទងជំងឺកូវីដ១៩

0

ដោយៈសហការី

ភ្នំពេញៈ ភាពតានតឹងក្នុងអារម្មណ៍របស់មនុស្សទាក់ទងនឹងជំងឺកូវីដ១៩ បាននិងកំពុងធ្វើឲ្យមនុស្សជាច្រើនបាក់ទឹកចិត្ត ឬច្របូកច្របល់ក្នុងអារម្មណ៍ ហេតុនេះការរិះរកវិធី​សាស្រ្ត ដើម្បីកាត់បន្ថយភាពតានតឹងមានសារៈសំខាន់ណាស់ ដើម្បីធ្វើឲ្យសុខភាពផ្លូវចិត្ត​របស់យើងមានភាពប្រសើរឡើង។

គេហទំព័រhealth.clevelandclinicបានបង្ហាញនូវវិធីសាស្រ្តចំនួន៥ ដើម្បីលោក អ្នកអាចកាត់បន្ថយភាពតានតឹង ដោយសារជំងឺដ៏គួរឲ្យភ័យខ្លាចនេះ។

- Video Advertisement -

ទី១ អនុវត្តន៍ការហាត់ប្រាណឱ្យបានទៀងទាត់

ការហាត់ប្រាណមានសារៈសំខាន់ណាស់លើទិដ្ឋភាពទាំងអស់ មិនថាក្នុងពេលមានជំងឺកូវីដ១៩ ឬពេលណានោះទេ ប៉ុន្តែនៅពេលមានការរាតត្បាតកន្លែងហាត់ប្រាណ ត្រូវបិទ តែអ្នកនៅតែអាចជំនួសដោយការហាត់ប្រាណងាយ ដូចជា ដើររត់រត់ឡើងភ្នំឬលេងជាមួយកូន ឬសត្វចិញ្ចឹមរបស់អ្នក។

អ្វីៗទាំងអស់អាចជួយបញ្ចេញអរម៉ូន endorphins (សារធាតុធម្មជាតិដែលជួយឱ្យ​អ្នកមានអារម្មណ៍ធូរស្រាល និងរក្សាឥរិយាបថវិជ្ជមាន)។ វិធីពិសេសមួយទៀតដែលណែនាំដោយវេជ្ជបណ្ឌិតSullivan គឺការហាត់យូហ្គា។

ទី២ ការទទួលទានអាហារមានជីវជាតិគ្រប់គ្រាន់ជាទូទៅ

ជំងឺស្ត្រេស អាចជះឥទ្ធិពលអាក្រក់ទាំងទំលាប់ញ៉ាំ និងការរំលាយអាហាររបស់អ្នក។ ការទទួលទានរបបអាហារល្អ មិនប៉ះពាល់ដល់សុខភាព និងអារម្មណ៍គឺជារឿងសំខាន់បំផុត។

យោងតាមការឱ្យដឹងរបស់FOODNETWORK បានបង្ហាញអាហារមួយចំនួន ដែលអាចជួយកាត់បន្ថយស្រ្តេសបានដែលមាន ដូចជា ផ្លែប័រ ចេក តែក្ដៅ ប្រភេទត្រីដែលមានផ្ទុកជាតិខ្លាញអូមេហ្គា៣ ដូចជាត្រីសាម៉ុងត្រី សាឌីន និងត្រីធូណា គ្រប់គ្រងកម្រិតអាដូនីញ៉ូម អាចជួយឱ្យអារម្មណ៍អ្នកស្ងប់ ការ៉ុត ទឹកដោះគោនិងទឹកដោះគោជូ(គួរជៀសវាងការ៉េម) គ្រាប់ធញ្ញជាតិ សូកូឡាខ្មៅ។

ទី៣ ចំណាយពេលសម្រាក ក្នុងស្ថានភាពនៃការចម្លងនេះ

ការទទួលបានព័ត៌មានគឺឥតដែនកំណត់ទេ ហេតុនេះធ្វើឱ្យអ្នកផ្ទុកដំណឹងកាន់តែច្រើន ខ្លះអាចពិតនិងខ្លះក្លែងបន្លំថែមទៀត ធ្វើឱ្យអារម្មណ៍កាន់តែតានតឹង។ ហេតុនេះត្រូវកំណត់ការទទួលព័ត៌មានថ្មី ដោយមានប្រសិទ្ធភាព។ មួយវិញទៀតក្មេងៗក៏ត្រូវមានកម្រិតមួយផ្ដល់ដំណឹង ឱ្យគេទទួលបានព័ត៌មានដែរ កុំឱ្យលើសពេក។

លោក អ្នកក៏គួរដកឃ្លា ទៅធ្វើការកំសាន្តខ្លះដូចជា លេងល្បែងផ្គុំរូបជាមួយកូនៗ បង្ហាត់បង្រៀនកូននូវចំណេះថ្មីប្លែក ដែលពួកគេចូលចិត្តជាដើម ឬប្រើពេលទៅអភិវឌ្ឍន៍ខ្លួនបន្ថែមទៀតក៏បាន។

៤ ភ្ជាប់ទំនាក់ទំនងជាមួយមនុស្ស

ការភ័យខ្លាច និងភាពឯកោ អាចនាំឱ្យមានការធ្លាក់ទឹកចិត្ត និងថប់អារម្មណ៍។ ហេតុត្រូវបង្កើត ទំនាក់ទំនងជាមួយអ្នកដទៃ ឱ្យបានល្អកុំឱ្យមានអារម្មណ៍ថា ឃ្លាតឆ្ងាយ ឬមានភាពឯកា។ទំនាក់ទំនងនោះអាចជា គ្រួសារ មិត្តភក្តិ មិត្តរួមការងារជាដើម ត្រូវផ្ដល់ភាពកក់ក្ដៅពីចម្ងាយឱ្យគ្នា ព្រោះកាលៈទេសៈនេះកាត់បន្ថយការចេញក្រៅគឺល្អបំផុត។

៥ ទទួលដំណេកឱ្យបានគ្រប់គ្រាន់

វេជ្ជបណ្ឌិតជំនាញបានណែនាំឱ្យជៀសវាងការញុំាដូចជា ដូចជាស្រា កាហ្វេអ៊ីននិងជាតិនីកូទីនមុនពេលចូលគេង។ ជំនួយស្មារតី ជួយឱ្យអ្នកគេងបានលក់ល្អមួយទៀតនោះគឺ ការរៀបចំផែកការឱ្យរួចរាល់សម្រាប់ថ្ងៃស្អែក។ វាជាគន្លឹះមុនចូលគេង ដើម្បីឱ្យអារម្មណ៍ស្ងប់។

ក្នុងស្ថានភាពនៃការរាតត្បាតរបស់កូវីដ១៩ នេះសូមប្រជាជនយើងថែរក្សាសុខភាពឱ្យបានល្អ ទាំងកាយនិងចិត្ត ហើយទិកនិកខាងលើនេះ អ្នកអាចអនុវត្តន៍បានជាមួយគ្រួសារ ដើម្បីបង្កើនភាពស្និតស្នាលមួយកម្រិតទៀត និងជួយឱ្យសុខភាពផ្លូវចិត្ត និងរាងកាយកាន់តែរឹងមាំ៕

-Video Advertisement -

LEAVE A REPLY

Please enter your comment!
Please enter your name here