បច្ចុប្បន្នភាពៈផ្លូវល្បឿនលឿនភ្នំពេញ ព្រះសីហនុតម្លៃជិត២០០០លានដុល្លារត្រៀមចាក់អ៊ុតកៅស៊ូ

0

ដោយៈ គង់ សូរិយា

ភ្នំពេញៈ គម្រោងការសាងសង់ផ្លូវល្បឿនលឿនភ្នំពេញ-សីហនុ ដែលស្ថាបនាសម្រេចបានប្រមាណ៤០ភាគរយ ពេលនេះត្រៀមចាក់អ៊ុតកៅស៊ូហើយ ដែលគំរោងនេះ នឹងបញ្ចប់តាមផែមការគ្រោងទុក។

យោងតាមទំព័របណ្តាញទំនាក់ទំនងសង្គមផ្លូវការ របស់ផ្លូវល្បឿនលឿនភ្នំពេញ-ព្រះសីហនុ ដែលបានចេញផ្សាយកាលពីថ្ងៃទី២ ខែមីនាការចាក់ក្រាលស្រទាប់ក្រោមកៅស៊ូក្រាលថ្នល់ asphalt (ATB-25)ផ្នែកសាកល្បង នៃគម្រោងត្រូវបានបញ្ចប់ជាស្ថាពរហើយ។

- Video Advertisement -

ដូច្នេះ ក្នុងពេលឆាប់ៗនេះ វិស្វករនឹងចាប់ផ្តើមដំណើរការការក្រាលកៅស៊ូ ជារួម ដែលសឱ្យឃើញពីសមិទ្ធិផលមួយជំហានទៀត។

ប្រភពដដែលបានឱ្យដឹងថាវិបត្តិកូវីដ-១៩ មិនបានប៉ះពាល់ដំណើរការសាងសង់គម្រោងទេ ហើយគិតត្រឹមចុងឆ្នាំ២០២០ ការដ្ឋានសម្រេចបានប្រមាណ៣៩.៩៨% ហើយ។

គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ បានបើកការដ្ឋានសាងសង់ កាលពីថ្ងៃទី២២ ខែមីនា ឆ្នាំ២០១៩ ក្រោមអធិបតីរបស់សម្តេចតេជោនាយករដ្ឋមន្រ្តីនៃកម្ពុជា។

ផ្លូវនេះមានប្រវែងជាង១៩០គីឡូម៉ែត្រ សាងសង់ដោយក្រុមហ៊ុនCambodian PPSHV Expressway Co., Ltd ក្រោមថវិកាប្រមាណ២ពាន់លានដុល្លារ និងប្រើរយៈពេលសាងសង់៤៨ខែ។ វាជាផ្លូវប្រវត្តិសាស្រ្តថ្មីមួយរបស់កម្ពុជា និងចិន ដែលបង្ហាញនូវ​តម្លៃមិត្តភាព កិច្ចសហប្រតិបត្តិការ ដោយឈរលើភាពជាដៃគូយុទ្ឋសាស្រ្តគ្រប់ជ្រុងជ្រោយ នៃសហគមន៍ពីរវាសនាតែមួយ៕

-Video Advertisement -

LEAVE A REPLY

Please enter your comment!
Please enter your name here