វិបត្តកូ​វីដ១៩ បានធ្វើ​ឲ្យ​ទីក្រុង​នៅ​កម្ពុជា​ចំនួន​ពីរ​ស្ងប់ស្ងាត់​ដូច​ចោរលួច​សេះ

0

ដោយ​ស៊ីវ ម៉េង

ភ្នំពេញៈ ការរីក​រាលដាល​ជំងឺ​កូ​វីដ១៩ បាននិងកំពុង​ធ្វើ​ឲ្យ​ទីក្រុង​ចំនួន​ពីរ​ស្ងប់ស្ងាត់​ដូច​ចោរលួច​សេះ​អញ្ចឹង វា​ពិតជា​គួរ​ឲ្យ​ស្រណោះ ប៉ុន្តែ​គេហទំព័រ Propertyarea.asia សង្ឃឹម និង​ជឿជាក់​លើ​ចំណាត់ការ​របស់​រដ្ឋាភិបាល​ថា នឹង​គ្រប់គ្រង​ការរីក​រាលដាល​ជំងឺ​នេះ និង​ធ្វើ​ឲ្យ​ស្ថានការណ៍​វិល​មកកាន់​ភាពប្រក្រតី​វិញ។

ទីក្រុង​ដែលមាន​សភាព​ដូច​ទីក្រុង​ខ្មោច នា​អតីតកាល បានមក​លងបន្លាច​ជដ​ថ្មី នោះ​គឺ​ក្រុងព្រះសីហនុ ដែល​មិនមាន​អ្នកធ្វើដំណើរ​ឆ្លងកាត់ ទោះបី​ផ្លូ​រលោង​ស្អាត ទើប​បញ្ចប់​ការសាងសង់​នៅពេលថ្មីៗនេះ​ក្តី។

- Video Advertisement -

ទីក្រុង​មួយទៀត គឺ​ក្រុង​បាវិត ក៏មាន​សភាព​ស្ងប់ស្ងាត់​ផងដែរ ដែល​នៅលើ​ដងផ្លូវ​នៃ​ទីក្រុង​ទាំងពីរ​នេះ ពិតជា​មិនសូវមាន​ចរាចរណ៍​ឆ្លងកាត់ និង​ស្ងប់ស្ងាត់​មិន​ធ្លាប់មាន​ចាប់តាំងពី​កម្ពុជា​បានបញ្ចប់​សង្គ្រាម ក្នុង​រយៈពេល​ជាង៣០ឆ្នាំ​មកនេះ។

សម្តេច​តេ​ជោ ហ៊ុន សែន កាលពីដើម​សប្តាហ៍​នេះ បាន​ជម្រុញ​ឲ្យ​អាជ្ញាធរ​ក្រុងព្រះសីហនុ ត្រូវ​បិទ​មិន​ឲ្យ​ប្រជាពលរដ្ឋ​ចេញចូល​ក្រុងព្រះសីហនុ ក្នុងករណី​មិនចាំបាច់ ដោយ​មិន​ឲ្យ​ឆ្លង​ទៅកាន់​ខេត្ត​ដទៃ លើកលែងតែ​អ្នកបើករថយន្ត​ដឹកទំនិញ។

ជាមួយគ្នានេះ ប្រមុខ​រដ្ឋាភិបាល ក៏​បន្ត​ប្រកាស​ផ្អាក​សាលារៀន​នៅ​រាជធានី​ភ្នំពេញ និង​ខេត្តកណ្តាល​រយៈពេល​ពីរ​សប្តាហ៍​បន្ថែមទៀត ខណៈ​ជំងឺ​នេះ​រីក​រាលដាល និង​ទីតាំង​រ៉ុ​រក​កាន់​ត​តែ​ធំ និង​មាន​សភាព​ស្មុ​គ្រ​ស្មាញ។

លោកស្រី​តាំ ង ហួរ នាយិកា​ក្រុមហ៊ុន AMATAK Property Service Co, Ltd បាន​មានប្រសាសន៍ថា វិបត្តិ​នៃ​ព្រឹត្តិការណ៍២០កុម្ភៈ បាននិងកំពុង​ធ្វើ​ឲ្យ​ចរន្ត​ទិញ​លក់​អចលនទ្រព្យ​មាន​សភាព​ស្ងប់ស្ងាត់ ប៉ុន្តែ​លោកស្រី​បានបង្ហាញ​ជំនឿ​ចិត្ត​ថា ប្រមុខ​រដ្ឋាភិបាល​កម្ពុ​ជា​នឹង​អាច​គ្រប់គ្រង​ជំងឺ​នេះ​បានឆាប់ៗ ដើម្បី​ឲ្យ​ស្ថានភាព​វិល​មករក​ភាពប្រក្រតី​វិញ។

លោកស្រី​បន្តថា “ខ្ញុំ​ជឿ​លើ​ប្រមុខ​រដ្ឋាភិបាល ពិសេស​សម្តេច​តេ​ជោ ដែល​លោក​មាន​សមត្ថភាព​នឹង​ដោះស្រាយ​បញ្ហា​នេះ​បាន” ។

ជាមួយគ្នានេះ លោក សំ សុខ​នឿន ប្រធាន​សមាគម​អចលនទ្រព្យ​សកល បាន​មានប្រសាសន៍ថា ការរីក​រាលដាល​ជំងឺ​កូ​វីដ១៩ ក្នុង​ព្រឹត្តិការណ៍២០កុម្ភៈ ជា​រឿង​មិន​នឹង​ស្មាន​ដល់ ខណៈដែល​វា​កំពុង​រីក​រាលដាល​នេះ លោក​ជឿថា ប្រមុខ​រដ្ឋាភិបាល​នឹង​អាច​គ្រប់គ្រង​ជំងឺ​នេះ​បាន ព្រោះ​ព្រឹត្តិការណ៍៣វិច្ឆិកា និង២៨ វិច្ឆិកា​កន្លងមក រដ្ឋាភិបាល​បាន​គ្រប់គ្រង​ជំងឺ​នេះ​បានល្អ៕

-Video Advertisement -

LEAVE A REPLY

Please enter your comment!
Please enter your name here