ក្រសួងសាធារណៈការគ្រោងបើកការដ្ឋាននិងសម្ភោធដាក់ឲ្យប្រើប្រាស់ហេដ្ឋា រចនាសម្ព័ន្ឋចំនួន១៤គំរោង

0

ដោយៈគង់ សូរិយា
ភ្នំពេញៈ ក្រសួងសាធារណការ និងដឹកជញ្ជូន មានគម្រោងតៀមបើកការដ្ឋានសាងសង់និងសម្ពោធដាក់ឲ្យប្រើប្រាស់ ស្ពាន ផ្លូវ និងអភិវឌន្ឍន៍តំបន់មួយចំនួននៅតាមបណ្ដាខេត្ត-ក្រុង ចំនួន១៤គម្រោងនៅឆ្នាំនេះ។

គំរោងទាំងនោះ ជាគំរោងទទួលបានហិរញ្ញប្បទានសហប្រតិបត្តិការពីចិន កូរ៉េ និងធនាគារអភិវឌ្ឍន៍អាស៊ី(ADB)។
យោងាតាមរបាយការណ៍បូកសរុបលទ្ធផលការងារឆ្នាំ២០២០ និងទិសដៅការងារឆ្នាំ២០២១ របស់ក្រសួងសាធារណការ និងដឹកជញ្ជូនបានបញ្ជាក់ថា ខ្លួនត្រៀមរៀបចំសុំការសម្រេចពីរដ្ឋាភិបាល ដើម្បីសម្ពោធដាក់ឲ្យប្រើប្រាស់ស្ពាន ផ្លូវ និងអភិវឌន្ឍន៍តំបន់នៅខេត្ត-ក្រុង ចំនួន១៤គម្រោង។ ១៤គម្រោងនេះ មាន៥គម្រោង គ្រោងសម្ពោធបើកឲ្យប្រើប្រាស់ ហើយ៩គម្រោងទៀត គឺគម្រោងបើកការដ្ឋានសាង់សង។

គម្រោងទាំង៥ ដែលគ្រោងសម្ពោធបើកឲ្យប្រើប្រាស់នោះ រួមមាន ស្ពានឆ្លងកាត់ទន្លេមេគង្គ(ក្រូចឆ្មា-ស្ទឹងត្រង់) ផ្លូវជាតិលេខ៧(ខ្លាស្ទុះ-រមាត)ខេត្តក្រចេះ ខ្សែផ្លូវក្រវាត់ក្រុងទី២, ខ្សែផ្លូវជាតិលេខ៥១ និងខ្សែផ្លូវជាតិលេខ១១។ គម្រោងទាំង៥នេះ គឺទទួលបានហិរញ្ញប្បទានសហប្រតិបត្តិការជាមួយប្រទេសចិន។


ចំណែក៩គម្រោង ដែលគ្រោងសម្ពោធបើកការដ្ឋានសាងសង់ មាន៥គម្រោងទទួលបានបិរញ្ញប្បទានសហប្រតិបត្តិការជាមួយចិន។ គម្រោងបើកការដ្ឋានសាងសង់ទាំង៥នេះរួមមាន ផ្លូវជាតិលេខ៧១សេ (ត្បូងឃុំ-ក្រូចឆ្មា-ចំការលើ) ផ្លូវជាតិលេខ៣១ ផ្លូវជាតិលេខ៣៣ ផ្លូវជាតិលេខ៤១ និងផ្លូវជាតិថ្មីពីបាត់ដំបង់ទៅសៀមរាប។

- Video Advertisement -

ក្នុងចំណោម៩គម្រោង ដែលក្រសួងត្រៀមរៀបចំសម្ពោធបើកការដ្ឋាន មានមួយគម្រោង គឺគម្រោងលើកកម្ពស់គុណភាពផ្លូវជាតិលេខ៤៨ (EDCF Loan) ទទួលបានហិរញ្ញប្បទានសហប្រតិបត្តិការជាមួយប្រទេសកូរ៉េ។ រីឯ៣គម្រោងទៀត គឺទទួលបានហិរញ្ញប្បទានសហប្រតិបត្តិការ ជាមួយធនាគារអភិវឌ្ឍន៍អាស៊ី(ADB)។

គម្រោងទាំង៣នេះ មានគម្រោងអភិវឌ្ឍន៍ក្រុងរបៀងជំហានទី២ ដែលមានស្ថានីចម្រោះទឹកកខ្វក់ ខេត្តកំពត់ និងព្រះសីហនុ គម្រោងអភិវឌ្ឍន៍ក្រុងរបៀងជំហានទី៤ នៅក្រុងកំពង់ចាម ក្រុងក្រចេះ និងក្រុងស្ទឹងត្រែង ហើយគម្រោងកែលម្អគ្រប់គ្រងបរិស្ថានក្រុងជុំវិញបឹងទន្លេសាបជំហានទី២ ក្នុងក្រុងបាត់ដំបង ក្រុងសិរីសោភ័ណ និងក្រុងស្ទឹងសែន៕

-Video Advertisement -

LEAVE A REPLY

Please enter your comment!
Please enter your name here