អនុវត្តន៍​វិធីសាស្ត្រ​ចំនួន៥នេះ ដើម្បី​ធ្វើ​ឲ្យ​ប្រាកដថា​ម្ហូប​របស់​អ្នក​ត្រូវបាន​ចម្អិន​បានល្អ

0

ដោយៈ​គង់ សូរិយា

ភ្នំពេញ៖ ស្រប​ពេលដែល​ការយល់ដឹង​របស់​ប្រជាពលរដ្ឋ នៅមានកម្រិត ទាក់ទង​នឹង​ការប្រើប្រាស់​ចំណីអាហារ​ឲ្យ​មាន​សុវត្ថិភាព អ្នកជំនាញ​សុខាភិបាល​បាន​ណែនាំ​វិធី​ចំនួន៥ ដើម្បី​ឲ្យ​ចំណីអាហារ​ដែល​ខ្លួន​ចំអិន​ទទួលទាន​មាន​សុវត្ថិភាព។

លោក​វេជ្ជបណ្ឌិត​លី សុវណ្ណ ប្រធាន​នាយកដ្ឋាន​ជំងឺឆ្លង និង​ជា​អ្នកនាំពាក្យ​ក្រសួងសុខាភិបាល បាន​សរសេរ​សារ​បង្ហោះ​នៅលើ​គេហទំព័រ​របស់ខ្លួន កាលពីពេលថ្មីៗនេះ​ថា ដើម្បី​ឲ្យ​ចំណីអាហារ​ដែល​លោកអ្នក ទទួលទាន​មាន​សុវត្ថិភាព សូម​អនុវត្តន៍​វិធីសាស្ត្រ​ចំនួន៥ជំ​ហ៊ាន ដូចជា ទី១ ត្រូវ​លាងដៃ​របស់​អ្នក​មុន​ចាប់​កាន់​ចំណីអាហារ និង​មុនពេល​រៀបចំ​អាហារ ចូរ​លាងដៃ​របស់​អ្នក​ក្រោយពេល​ចេញពី​បង្គន់ ចូរ​លាង​សំអាត​និង​ធ្វើ​អនាម័យ​លើ​ផ្ទៃរាប​ទាំងអស់ សម្ភារៈ​និង​ឧបករណ៍ប្រើប្រាស់ សម្រាប់​រៀបចំ​ចំណីអាហារ និង​ការពារ​ផ្ទះបាយ ចំណី​អហារ​ពី​សត្វល្អិត សត្វ​កណ្តុរ និង​សត្វ​ផ្សេង។

- Video Advertisement -

ទី២ ដាក់​អាហារ​ឆៅ​និង​ឆ្អិន​ដាច់​ដោយ​ទ្បែ​ក​ពីគ្នា ដូចជា​សាច់មាន់ ទា គ្រឿង​សមុទ្រ​ពី​អាហារផ្សេងៗ ប្រើប្រាស់​ឧបករណ៍ និង​សម្ភារៈ​ផ្ទះបាយ​ដាច់​ដោយ​ទ្បែ​ក​ពីគ្នា ដូចជា​កាំបិត និង​ជ្រុ​ញ​សម្រាប់​ហាន់​អាហារ​ឆៅ ទុកដាក់​អាហារ​ក្នុង​កន្លែង​របស់​វា ដើម្បី​ជៀសវាង​ការប៉ះពាល់​គ្នា​រវាង​អាហារ​ឆៅ និង​អាហារ​ឆ្អិន ព្រោះ​អាហារ​ឆៅ ពិសេស​ពួក​សត្វ​ស្លាប ស៊ុត និង​គ្រឿង​សមុទ្រ​និង​ទឹក​របស់​វា អាចមាន​មេរោគ​បង្ក​គ្រោះថ្នាក់ ដែល​វា​អាច​ឆ្លង​ចូលក្នុង ចំណីអាហារ​ផ្សេងទៀត​នៅពេល​រៀបចំ និង​ទុកដាក់​អាហារ​ទាំងនេះ។

ទី៣ ចំអិន​អាហារ​ឲ្យ​បាន​ឆ្អិន​ល្អ ពិសេស​សាច់សត្វ​ស្លាប ស៊ុត និង​គ្រឿង​សមុទ្រ  ចូរ​យក​អាហារ​ដូចជា​ស៊ុប និង​សម្ល​ទៅ​ដាំ​ឲ្យ​ពុះ​ទ្បើង​វិញ និង​បញ្ជាក់​ឲ្យ​ច្បាស់​ថា​វា​ក្តៅ​ដល់៧០អង្សា​សេ។ចំពោះ​សាច់ និង​សត្វ​ស្លាប ត្រូវ​ប្រាកដថា​ទឹករ​សរប​ស់វា​ទ្បើង​ថ្លា មិនមែន​ព៌​ណក្រហមព្រឿងៗនោះទេ(តាមពិត​ត្រូវ​ប្រើ​ស៊ី​តុ​ណ្ហ​មាត្រ ដើម្បី​វាស់​កំដៅ​នេះ)និង​កំដៅ​អាហារ​ដែល​បាន​ឆ្អិន​រួចហើយនោះ ឲ្យ​បាន​ត្រឹមត្រូវ​ទ្បើង​វិញ។

ទី៤ ចូរ​កុំ​ទុក​អាហារ​ឆ្អិន​ស្រាប់ នៅក្នុង​សីតុណ្ហភាព​ធម្មតា​ក្នុង​បន្ទប់​លើសពីរ​ម៉ោង ដាក់​ចំណីអាហារ​ដែល​ងាយ​ស្អុយ ឬ​ខូច និង​អាហារ​ដែល​ចម្អិន​រួច​ទៅក្នុង​ធុង​ទឹកកក ឬ​ទូរ​ទឹកកក​ភ្លាម ក្នុង​កម្រិត​សីតុណ្ហភាព​តិចជាង៥អង្សា​សេ ទុក​អាហារ​ឆ្អិន​ឲ្យ​នៅ​ក្តៅ​ជានិច្ច ក្នុង​កម្រិត​សីតុណ្ហភាព​លើស៦០អង្សា​សេ និង​ចូរ​កុំ​ទុក​ចំណីអាហារ​យូរពេក ទោះបី​ដាក់​ក្នុង​ធុង​ទឹកកក​ឬ​ទូរ​ទឹកកក​ក៏ដោយ ព្រោះ​មេរោគ​អាច​បំបែក​ខ្លួន​យ៉ាង​ឆាប់រហ័ស ប្រសិនជា​អាហារ​ត្រូវបាន​រក្សាទុក​ក្នុង​សីតុណ្ហភាព​ធម្មតា។ការលូតលាស់​របស់​មេ​រោគ អាច​ថយចុះ​ឬ​ត្រូវ​ប​ញ្ឍ​ប់ នៅ​សីតុណ្ហភាព​ក្រោម៥អង្សា​សេ។ មេរោគ​គ្រោះថ្នាក់​មួយចំនួន នៅតែ​អាច​លូតលាស់​បាន​ក្រោម​សីតុណ្ហភាព​ទាប​ជាង៥អង្សា​សេ។

ទី៥ ប្រើប្រាស់​ទឹកស្អាត ឬ​កែច្នៃ​ឲ្យ​មាន​សុវត្ថិភាព​មុននឹង​ប្រើប្រាស់​វា ជ្រើសរើស​អាហារ​ដែល​នៅ​ស្រស់ និង​នៅ​ទាំងមូល ជ្រើសរើស​ចំណីអាហារ​ដែល​រៀបចំ​ដោយ​សុវត្ថិភាព ដូចជា​ទឹកដោះគោ ដែល​បានធ្វើ​ការសម្លាប់​មេរោគ​រួច លាង​បន្លែ ផ្លែឈើ​ឲ្យ​បាន​ស្អាត​ល្អ ជាពិសេស​ប្រសិនជា​ត្រូវ​រៀបចំ​ញុំ​ា​ឆៅ និង​កុំ​ប្រើប្រាស់​ចំណីអាហារ​ដែល​ហួស​ថ្ងៃ ខែ ឆ្នាំ​កំណត់ ព្រោះ​វត្ថុធាតុដើម​ឆៅ មានទឹក និង​ទឹកកក​អាច​ចម្លង​មេរោគ និង​សារ​ធាតុគីមី​គ្រោះថ្នាក់។ សារធាតុ​គីមី​ពុល អាច​កើតមាន​ក្នុង​អាហារ​ខូច​ឬ​រលួយ។ ចូរ​យកចិត្តទុកដាក់​ក្នុងការ​ជ្រើសរើស​ចំ ណី​អាហារ​ឆៅ និង​អនុវត្ត​វិធានការណ៍​អនាម័យ​សាមញ្ញ ដូចជា​ការលាង​សំអាត ការ​ចិត​សំបក អាច​កាត់បន្ថយ​ការប្រឈមមុខ​នឹង​គ្រោះថ្នាក់​បាន៕

-Video Advertisement -

LEAVE A REPLY

Please enter your comment!
Please enter your name here