ដោយៈ រ៉ាណេត
ភ្នំពេញៈ រដ្ឋបាលរាជធានីភ្នំពេញ បានសម្រេចបិទតំបន់មួយចំនួន ដែលស្ថិតនៅក្នុងខណ្ឌចំនួន៣ ជាបណ្តោះអាសន្ន ដើម្បីតាមដាន និងយកសំណាកជនពាក់ព័ន្ធពិនិត្យ និងធ្វើចត្តាឡីស័ក។
លោកឃួង ស្រេង អភិបាលរាជធានីភ្នំពេញ បានមានប្រសាសន៍នៅយប់ថ្ងៃទី៩ ខែមេសា ឆ្នាំ២០២១ថា ចាប់ពីម៉ោង០០ ឈានចូលដល់ថ្ងៃទី១០ ខែមេសា ឆ្នាំ២០២១ តំបន់មួយចំនួនស្ថិតនៅក្នុខណ្ឌចំនួន នឹងត្រូវបិទខ្ទប់ជាបណ្តោះអាសន្ន រយៈពេល១៤ថ្ងៃ ដោយមិនអនុញ្ញាតឱ្យមានការធ្វើចរាចរណ៍ ឬចេញពីលំនៅដ្ឋាននោះទេ លើកលែងករណីចាំបាច់មិនអាចខានបានតែប៉ុណ្ណោះ។
លោកបានបញ្ជាក់ថា តំបន់ដែលត្រូវបិទខ្ទប់ចំនួន១៤ថ្ងៃរួមមាន សង្កាត់ស្ទឹងមានជ័យ១ ស្ទឹងមានជ័យ២ ក្នុងខណ្ឌមានជ័យ, សង្កាត់ទ្រង់មាន់ ខណ្ឌសែនសុខ ដែលមានប្រជាជនរស់នៅប្រមាណ១ម៉ឺនគ្រួសារ និងសង្កាត់ចោមចៅ១ សង្កាត់កាកាបទី១ និងសង្កាត់កាកាប់ទី២ ដែលសរុបមានចំនួន៦ភូមិ ស្ថិតនៅក្នុងខណ្ឌពោធិ៍សែនជ័យ។
អាស្រ័យហេតុនេះ សូមប្រជាពលរដ្ឋដែលពាក់ព័ន្ធ នឹងតំបន់ហាមឃាត់ខាងលើនេះ ក៏ដូចជាមន្ត្រីកងកម្លាំងមេត្តា ជួយចូលរួមសហការឱ្យមានប្រសិទ្ធភាពខ្ពស់បំផុត៕
