ក្រោយ​ស្ងប់ស្ងាត់​កូ​វីដ១៩ តំបន់​ជុំវិញ​ភ្នំ​ប្រសិទ្ធ​នឹង​ទាក់ទាញ​ការវិនិយោគ​លំនៅដ្ឋាន កាន់តែច្រើន

0

ដោយៈ​គង់ សូរិយា

ភ្នំពេញ ស្របពេល​ការអភិវឌ្ឍ​កាន់តែ​ងាក​ចេញពី​រាជធានី​ភ្នំពេញ តំបន់​ជាច្រើន​នៅ​ជុំវិញ​ទីក្រុង​នេះ នឹង​ទទួលបាន​ការអភិវឌ្ឍ​យ៉ាង​ឆាប់រហ័ស ជាក់ស្តែង​ស្រុក​ឧ​ត្តុ​ង​និង​ស្រុក​ពញ្ញាឮ បាននិងកំពុង​ទទួល​បានការ​ចាប់អារម្មណ៍​ជាច្រើន​ពី​អ្នកវិនិយោគ​នានា។

ជាក់ស្តែង​សកម្មភាព​ពុះ​ដីឡូត៍​លក់ បាន​រីក​រាលដាល​ដូច​ពពុះ​សាប៊ូ នៅតាម​តំបន់​ផ្លូវ​លេខ៥១ ដែលជា​ផ្លូវ​ក្រវ៉ាត់​ក្រុង​នាពេល​អនាគត ហើយ​សកម្មភាព​អភិវឌ្ឍន៍​និង​ពុះ​ដីឡូត៍​លក់បាន​រីក​ទៅ​តំបន់ឆ្ងាយៗពី​ផ្លូវ​ដ៏​សំខាន់​នេះ។

- Video Advertisement -

ស្ថាបនិក និង​អគ្គនាយក​គេហទំព័រ​អចលនទ្រព្យ​ឈានមុខ​គេ Propertyarea លោក​លាង​គង់ យិន ដែលជា​អ្នកតាមដាន​សកម្មភាព​អភិវឌ្ឍន៍ និង​ដំនើរ​វិវត្តន៍​នៃ​ទីផ្សារ​អចលនទ្រព្យ​នៅ​កម្ពុជា បាន​មានប្រសាសន៍​ឲ្យ​ដឹងថា បច្ចុប្បន្ន​តំបន់ភ្នំ​ប្រ​សិ​ទ្ឋ​មាន​ភាព​ទាក់ទាញ​ការវិនិយោគ​លំនៅដ្ឋាន បុរី បណ្តើរៗហើយ ដោយសារ​វា​ជាទី​តាំង​ដែលមាន​ភូមិសាស្ត្រ​កៀក​នឹង​រាជធានី​ភ្នំពេញ​បំផុត ពិសេស​បច្ចុប្បន្ន​អាគារ​ការិយាល័យ​ក្រសួង ស្ថាប័នរដ្ឋ​ជាច្រើន​បាននិងកំពុង​សាងសង់​នៅ​តំបន់​បឹង​តា​មោឃ ដែលមាន​ទីតាំង​កៀក​គ្នា​នឹង​តំបន់​នេះ។

លោក​បន្តថា “ក្រោយពេល​ក្រសួង មន្ទីរ​និង​ស្ថាប័ន​ជាតិធំៗជាច្រើន​សាងសង់​ចប់ មន្ត្រីរាជការ​ដែល​ធ្វើការ​នៅ​តំបន់​នោះ នឹង​ស្វែងរក​លំនៅដ្ឋាន​នៅ​តំបន់ ជុំវិញ​ភ្នំ​ប្រ​សិ​ទ្ឋ​កាន់តែច្រើន ដើម្បី​ងាយស្រួល​មក​បំពេញការងា​រ​ផង និង​ងាយស្រួល​ស្នាក់នៅ​ផង” ។

ជាមួយគ្នានេះ ការតភ្ជាប់​ហេ​ដ្ឋា​រចនា​ស​ម្ព័​ន្ឋ​ផ្លូវ​លេខ៥១ និង​ផ្លូវជាតិ​លេខ៥ និង​ផ្លូវ​លេខ១៥១ (ចេញពី​ផ្លូវជាតិ​លេខ៥ ឆ្ពោះទៅ​ភ្នំ​ប្រសិទ្ធ) និង​ផ្លូវ​ខ្វាត់ខ្វែង​ជាច្រើន​ទៀត បាននិងកំពុង​ធ្វើ​ឲ្យ​ស្រុក​ទាំងពីរ​នេះ ទទួលបាន​ការចាប់អារម្មណ៍​ច្រើន ពី​អ្នកវិនិយោគ​ជាតិ អន្តរជាតិ ស្របពេល​តម្លៃ​ដីធ្លី​នៅ​តំបន់​នេះ​ស្ថិត​ក្នុងតម្លៃ​សមរម្យ​នៅឡើយ។

លោក​យិន លាង​គង់​បាន​បន្តថា “ខ្ញុំ​សង្កេតឃើញថា តម្លៃ​ដីធ្លី​មាន​ភាពសមរម្យ​នាពេល​បច្ចុប្បន្ន តែ​មិនអាច​ទិញ​បានទេ នា​រយៈពេល​បី​ឆ្នាំទៅ៥ឆ្នាំ​ខាងមុខនេះ ដោយសារ​ក្រុងភ្នំពេញ​កាន់តែ​រីក​ធំ ចំនួន​ប្រជាជន​កើនឡើង​កាន់តែច្រើន” ។ លោក​បន្តថា “ហេតុនេះ​សកម្មភាព​នៃ​ការវិនិយោគ និង​ការអភិវឌ្ឍ​មជ្ឈមណ្ឌល​ពាណិជ្ជកម្ម នឹង​ពង្រីក​ទៅ​តំបន់​នោះ​កាន់តែច្រើន​នាពេល​អនាគត” ។

លោក​បន្តថា សណ្ឋាន​ដី និង​លក្ខ​ខ័​ណ្ឌ​អាកាសធាតុ នៅ​តំបន់​នេះ​មាន​ភាពល្អប្រសើរ ពិសេស​មាន​រមណីយដ្ឋាន​សម្រាប់​លំហែរ​នៅ​ជុំវិញ បាននិងកំពុង​ធ្វើ​ឲ្យ​តំបន់​នេះ ស្ថិតក្នុង​គោលដៅ​របស់​អ្នកវិនិយោគ​នាពេល​អនាគត។

បច្ចុប្បន្ន​តម្លៃ​ដីធ្លី​នៅ​ជុំវិញ​តំបន់​នេះ ពិសេស​តំបន់ភ្នំ​ប្រ​សិ​ទ្ឋ​មាន​កើនឡើង​តម្លៃ​រួចទៅហើយ ដែល​ដី​នៅ​តំបន់​នោះ​មានតម្លៃ​ចន្លោះ​ពី១៥ ទៅ៨០ដុល្លារ​អាមេរិក​ក្នុង​មួយ​ម៉ែត្រ​អាស្រ័យ​លើ​ទីតាំង និង​លក្ខ​ខ័​ណ្ឌ​ហេ​ដ្ឋា​រចនា​ស​ម្ព័​ន្ឋ​នានា។

លោក​បណ្ឌិត​គីម ហ៊ាង ប្រធាន​សមាគម​អ្នកវាយតម្លៃ​និង​ភ្នាក់ងារ​អចលនវត្ថុ​កម្ពុជា​បាន​ថ្លែងថា តំបន់ភ្នំ​ប្រ​សិ​ទ្ឋ​ក្នុងស្រុក​ពញ្ញាឮ និង​ស្រុក​ឧ​ត្តុ​ង​មាន​សក្តានុពល​ខ្ពស់​នាពេល អនាគត ដោយសារ​ជា​តំបន់​ស្ថិតនៅ​កៀក​ទីក្រុង​ភ្នំពេញ មាន​ហេ​ដ្ឋា​រចនា​ស​ម្ព័​ន្ឋ​ត​ភ្ជាប់​ល្អប្រសើរ និង​មាន​សណ្ឋាន​ដី​ខ្ពស់ ដែល​មិន​ប្រឈមមុខ​នឹង​ការលិចលង់​នាពេល​អនាគត។

លោក​បន្តថា “ខ្ញុំ​គិតថា​តំបន់​នេះ​នឹងមាន​ការរីកចម្រើន​លឿន នៅក្នុង​រយៈពេល​បី​ទៅ៥ឆ្នាំ​ខាងមុខ ដោយសារ​លក្ខ​ខ័​ណ្ឌ​មួយចំនួន​ខាងលើ” ។

ឧបនាយករដ្ឋមន្ត្រី​ជា សុផារ៉ា រដ្ឋមន្ត្រីក្រសួង​រៀបចំ​ដែនដី នគរូបនីយកម្ម​និង​សំណង់​បានផ្តល់​អនុសាសន៍​ឲ្យ​អ្នកវិនិយោគ​នានា សាងសង់​លំនៅដ្ឋាន​តម្លៃ​មធ្យម​នៅ​តំបន់​នោះ ដោយសារ​ជា​តំបន់​ស្ថិត​នៅក្បែរ​ទីក្រុង និង​មិនមាន​ការបំពុល​បរិស្ថាន​ពី​រោងចក្រ សហគ្រាស​នោះទេ៕

-Video Advertisement -

LEAVE A REPLY

Please enter your comment!
Please enter your name here