អង្គការ​សុខភាព​ពិភពលោក​ប្រកាស​ទទួលស្គាល់​វ៉ាក់សាំង Sinopharm របស់​ចិន​ជា​ផ្លូវការ​ហើយ

0

ដោយ វ​ឌ្ឍ​នា

ពិភពលោក៖ អង្គការ​សុខភាព​ពិភពលោក (WHO) នៅ​ទីបំផុត​បានប្រកាស​ទទួល​ស្គាល់​វ៉ាក់សាំង Sinopharm របស់​ចិន​ជា​ផ្លូវការ។ នេះ​បើ​យោងតាម​ការចេញផ្សាយរ​បស់​សារព័ត៌មាន AFP នៅ​យប់​ថ្ងៃទី០៧ ខែឧសភា ឆ្នាំ២០២១ ។

វ៉ាក់សាំង​នេះ​ជា​វ៉ាក់សាំង​ដ៏​សំខាន់​មួយ ក្នុងចំណោម​វ៉ាក់សាំងសំខាន់ៗពីរ​របស់​ចិន ដែល​បាន​ផ្តល់ឱ្យ​ប្រជាជន​រាប់រយ​លាន​នាក់​រួចទៅហើយ​នៅក្នុង​ប្រទេស​ចិន និង​នៅ​បរទេស។ វា​បាន​ក្លាយជា​វ៉ាក់សាំង​បង្ការ​ជំងឺ COVID-19 ដំបូង​គេ​របស់​ប្រទេស​មិនមែន​លោកខាងលិច ដែល​ទទួលបាន​ការគាំទ្រ​ពី​អង្គការ​សុខភាព​ពិភពលោក (WHO)។ ហើយ​នេះ​ក៏​ជា​លើក​ទី១ ផងដែរ ដែល​អង្គការ​អន្តរជាតិ​មួយ​នេះ បានផ្តល់​ការអនុញ្ញាតិ​ឲ្យ​ប្រើប្រាស់​បន្ទាន់ នូវ​វ៉ាក់សាំង​ចិន​សម្រាប់​បង្ការ​ជំងឺឆ្លង​ណាមួយ។

ការចុះបញ្ជី​របស់​អង្គការ​សុខភាព​ពិភពលោក​នេះ គឺជា​ការទទួលស្គាល់​ពី​សុវត្ថិភាព និង​ប្រសិទ្ធភាព​របស់​វ៉ាក់សាំង​ចិន​មួយ​នេះ ក៏ដូចជា​ការអនុញ្ញាត​ឱ្យ​ដាក់បញ្ចូល​វ៉ាក់សាំង​នេះ ទៅក្នុង​កម្មវិធី​វ៉ាក់សាំង​ចែកចាយ​សកល ដែល​ហៅ​កាត់​ថា Covax របស់​អង្គការ​មួយ​នេះ​ផងដែរ។

គួរ​បញ្ជាក់ថា WHO បានអនុម័ត​យល់ព្រម​ឲ្យ​ប្រើប្រាស់​ក្នុងករណី​បន្ទាន់ ចំពោះ​វ៉ាក់សាំង​បង្ការ​ជំងឺ COVID-19 ចំនួន០៤ប្រភេទ​រួចមកហើយ ក្នុងនោះ​រួមមាន​ដូចជា​វ៉ាក់សាំង​ដែល​អភិវឌ្ឍន៍​ដោយ​ក្រុមហ៊ុន Pfizer-BioNTech ក្រុមហ៊ុន AstraZeneca ក្រុមហ៊ុន Johnson & Johnson និង​ក្រុមហ៊ុន Moderna៕

LEAVE A REPLY

Please enter your comment!
Please enter your name here