បញ្ហាប្រឈមអ្វីខ្លះ ដែលធ្វើឲ្យអ្នកវិនិយោគនិងភ្នាក់ងារអចលនទ្រព្យបរាជ័យក្នុងការចចារលើការទិញលក់

0

ដោយៈគង់ សូរិយា

ភ្នំពេញៈ អ្នកជំនួញផ្នែកដីធ្លី ឬភ្នាក់ងារអចលនទ្រព្យ តែងតែប្រឈមបញ្ហាជាច្រើន​ដែលធ្វើឲ្យខ្លួនបរាជ័យ ក្នុងការចចាទិញលក់ជាមួយអតិថិជន ឬរវាងម្ចាស់អចលនទ្រព្យនិងអ្នកទិញ។

អ្នកលក់ក្រឡិកក្រឡុច
បញ្ហានេះទំនងជាកើតច្រើនជាងគេ ក្នុងពិភពអចលនទ្រព្យ ដែលអ្នកទិញនិងភ្នាក់​ងារអចលនទ្រព្យជួបប្រទះញឹកញាប់ជាងគេ នោះគឺម្ចាស់ដីក្រឡាស់មិនលក់អចលនទ្រព្យ​របស់ខ្លួន ដោយសារហេតុផលជាច្រើនដូចជា ការដំឡើងថ្លៃបន្ថែម ការយកលេសពីការមិនមានប្លង់ច្បាស់លាស់ ការរារាំងពីសាច់ញាតិណាមួយរបស់ពួកគេ។
ករណីបែបនេះ បានធ្វើឲ្យភ្នាក់ងារអចលនទ្រព្យក្រពុលមុខ និងបាក់មុខច្រើនជាងគេ ក្នុងការចំណាយពេលវេលាផង ចំណាយថវិកាផង និងបាត់បង់ទំនុកចិត្តពីអតិថិជនរបស់ខ្លួនផង។

- Video Advertisement -

ការបង្កើនតម្លៃលើសពីតម្លៃដើម
មនុស្សភាគច្រើនលោភលន់ ពួកគេតែងតែចង់បានលុយច្រើន ដោយបានបង្កើនតម្លៃដី ឬអចលនទ្រពន្យនានា ដែលខ្លួនដាក់លក់ជូនអតិថិជន ហើយករណីបែបនេះនៅតែកើតមានជាហូរហែរ។

ប៉ុន្តែការបន្ថែមឬបង្កើនតម្លៃលើម្ចាស់អចលនទ្រព្យ មិនប្រាកដជាជោគជ័យនោះទេ ប៉ុន្តែពួកគេក៏ប្រឈមមុខនឹងភាពបរាជ័យ និងបាត់បង់ទំនុកចិត្តពីអតិថិជនផងដែរ។ ករ​ណីបែបនេះ ភ្នាក់ងារអចលនទ្រព្យបែបនេះ មិនសូវទទួលបានជោគជ័យក្នុងមុខអាជីព​របស់ខ្លួននោះទេ។

ការរំលោភលើកិច្ចសន្យា
ករណីបែបនេះ មានទាំងអ្នកទិញ និងអ្នកលក់ផងដែរ ប៉ុន្តែភាគច្រើនករណីបែបនេះកើតពីអ្នកលក់ច្រើនជាង ដោយសារដឹងថាតម្លៃអចលនទ្រព្យរបស់ខ្លួន នឹងឡើងថ្លៃបន្ថែមទៀត ឬមានអ្នកឲ្យតម្លៃខ្ពស់ជាង។
ការរំលោភលើកិច្ចសន្យាទិញលក់ គ្មានផលចំណេញអ្វីរវាងភាគីទាំងពីរ ក្រៅពីខាតពេលវេលា ខាតប្រាក់កាក់ និងសន្សំរឿងដាក់ខ្លួនប៉ុណ្ណោះ។

នៅមានករណីច្រើនទៀត ដែលគេហទំព័រ Propertyarea.asia នឹងដកស្រង់យកមកផ្សាយជូននាពេលបន្តបន្ទាប់ទៀតនាពេលខាងមុខនេះ៕

LEAVE A REPLY

Please enter your comment!
Please enter your name here