គម្រោងបូកគោលែនដ៏កំពុងឆ្ពោះទៅមុខជាមួយនឹងការចាប់ផ្តើមសាងសង់ផ្ទះ អាជីវកម្មនិងសួនដ៏ប្រណីត

0

ដោយៈគង់ ម៉ាលីន

ភ្នំពេញៈ ជាមួយនឹងសក្តានុពលទីតាំងអំណោយផល គំរោងបូកគោលែនដ៏ដែលស្ថិតនៅក្នុងទីក្រុងបូកគោ ដែលសាងសង់ជាទីក្រុងឆ្លាតវៃ កំពុងវិវត្តន៍ទៅមុខយ៉ាងប្រសើរ ជាមួយនឹងការសាងសង់ផ្ទះល្វែង ផ្ទះអាជីវកម្ម សួនច្បារនិងហេដ្ឋារចនាសម្ព័ន្ឋដទៃទៀត។

ស្ថិតនៅក្បែរតំបន់រដ្ឋបាលក្រុងបូកគោថ្មី គំរោងបូកគោលែនដ៏កំពុងទាក់ទាញអតិថិជនអ្នកវិនិយោគជាតិ អន្តរជាតិ ដោយសារម្ចាស់គំរោងបាននិងកំពុងធ្វើការវិនិយោគ ជាមួយនឹងទំនុកចិត្ត និងមានដើមទុនគ្រប់គ្រាន់ ដើម្បីបំពេញតម្រូវចិត្ត និងឆ្លើយតបតាមតម្រូវការរបស់អតិថិជន។

អគ្គនាយកក្រុមហ៊ុនYoungsia Real Estate លោកCoolor Tanបានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី១០ មិថុនានេះថា ជាមួយនឹងទីតាំងមានភាពអំណោយផល ដែលអាចប្រកបអាជីវកម្មបាន ពិសេសការសាងសង់ហាងកាហ្វេរូបជាផ្ទះយន្តហោះ បាននិងកំពុងធ្វើឲ្យគំរោងបូកគោលែនដ៏ ទាក់ទាញការវិនិយោគយ៉ាងច្រើន ពីអ្នកវិនិយោគក្នុងស្រុក ពិសេសអ្នកមានបំណងសាងសង់ផ្ទះលំហែរ នៅក្នុងជើងភ្នំបូកគោ ក៏ដូចជារស់នៅក្នុងទីក្រុង ដែលផ្តោតលើបរិស្ថានបៃតង និងមិនបំពុលបរិស្ថាននេះ។

- Video Advertisement -

លោកបន្តថា “ការរីកចម្រើននៃទីក្រុងបូកគោ នឹងផ្តល់ឲ្យអ្នករស់នៅតំបន់នេះទទួលបានផលចំណេញពីការវិនិយោគ និងផ្តល់នូវការរស់នៅប្រកបដោយផាសុខភាព”។

គំរោងបូកគោលែនដ៏ បានផ្តល់ឲ្យអ្នកវិនិយោគ ឬសាងសង់ផ្ទះលំហែរនូវដីឡូត៍ដែលមានស្តង់ដាអន្តរជាតិ ព្រោះមានការរៀបចំហេដ្ឋារចនាសម្ព័ន្ឋធំទូលាយ ជាមួយទំហំផ្លូវ១៨ម៉ែត្រ មានការរៀបចំប្រព័ន្ឋទឹកស្អាត អគ្គិសនី និងប្រព័ន្ឋលូធំៗ ដែលផ្តល់ឲ្យអ្នកវិនិយោគមិនចាំបាច់បារម្ភពីការរៀបចំហេដ្ឋារចនាសម្ព័ន្ឋទាំងនេះ។

លោកCoolor Tanបានបន្តថា តំបន់ស្ថិតនៅក្នុងទីក្រុងរណបបូកគោ កំពុងទាក់ទាញការវិនិយោគពីអ្នកវិនិយោគជាតិ អន្តរជាតិ ដែលចាប់អារម្មណ៍ជាមួយទស្សទានអភិវឌ្ឍន៍ជាទីក្រុងឆ្លាតវៃរបស់រដ្ឋាភិបាល ដោយបច្ចុប្បន្ននេះក្រុមការងារបច្ចេកទេសនៃរដ្ឋបាលខេត្តកំពត និងក្រុមហ៊ុនSokha Hotel Groupកំពុងរៀបចំសាងសង់អាគាររដ្ឋបាលក្រុង បន្ទាប់ពីស្ថាប័នទាំងពីរ សម្រេចជ្រើសរើសទីតាំងសំរាប់ ការសាងសង់អាគាររដ្ឋបាលខេត្ត កាលពីសប្តាហ៍មុន។

លោកជាវ តាយអភិបាលខេត្តកំពតធ្លាប់បានមានប្រសាសន៍ថា តំបន់ទីក្រុងបូកគោថ្មីកំពុងទាក់ទាញសក្តានុពល នៃគម្រោងវិនិយោគថ្មីៗជាច្រើន ពិសេសទោះបីខេត្តមានវិបត្តិជំងឺកូវីដ១៩ក្តី ប៉ុន្តែគំរោងអភិវឌ្ឍន៍នានា នៅក្នុងខេត្តមិនបានផ្អាកសកម្មភាពសាងសង់ ឬគំរោងរបស់ពួកគេនោះទេ៕

LEAVE A REPLY

Please enter your comment!
Please enter your name here