សមាជិកព្រឹទ្ឋសភាអាមេរិកព្រមានពីហានិភ័យនៃការប្រើប្រាស់រូបិយប័ណ្ណឌីជីថល

0

ដោយៈ គៀតឈូ

វ៉ាស៊ីនតោនៈ សមាជិកព្រឹទ្ធសភាអាមេរិកលោកស្រី Elizabeth Warren កាលពីម្សិលមិញ បានអំពាវនាវដល់អ្នកធ្វើគោលនយោបាយអាមេរិក ឱ្យចូលរួមដោះស្រាយបញ្ហានានា ទាក់ទងនឹងការប្រើប្រាស់រូបិយប័ណ្ណឌីជីថល (cryptocurrency) កំពុងកើនឡើង។ នេះបើយោងតាមការចេញផ្សាយរបស់សារព័ត៌មានCNA នៅថ្ងៃទី១០ ខែមិថុនា ឆ្នាំ២០២១។

លោកស្រី Warren ដែលជាអ្នកវិភាគ និងអ្នកតស៊ូមតិដ៏លេចធ្លោនៅ Wall Street ផងដែរនេះបាននិយាយថា ការរំពឹងទុកពីកំណើនរបស់cryptocurrency ដែលកំពុងជំរុញប្រជាជនអាមេរិកឱ្យវិនិយោគរាល់ថ្ងៃ ទំនងជាមិនអាចកើតឡើងជាប្រយោជន៍ ដល់ប្រជាជននោះទេ ហើយផ្ទុយទៅវិញ រដ្ឋាភិបាលត្រូវតែធ្វើសកម្មភាព ដើម្បីដោះស្រាយបញ្ហាទាំងនេះ។

លោកស្រីបាននិយាយនៅក្នុងសន្និសីទសភាមួយថា “Cryptocurrency បានបង្កើតឱកាស ដើម្បីបោកប្រាស់វិនិយោគិន ជួយឧក្រិដ្ឋជន និងធ្វើឱ្យអាកាសធាតុមានវិបត្តិកាន់តែធ្ងន់ធ្ងរឡើង។ ការគំរាមកំហែង ដោយរូបិយប័ណ្ណcrypto បង្ហាញថាសភា និងនិយតករសហព័ន្ធ មិនអាចបន្តលាក់បាំងបានទេ ដោយសង្ឃឹមថា crypto នឹងបាត់ទៅវិញ។ ប៉ុន្តែវាមិនបាត់ទៅណាទេ។ វាគឺពេលវេលាដើម្បីប្រឈមនឹងបញ្ហាទាំងអស់នេះ”។

- Video Advertisement -

លោកស្រី Warren បានគាំទ្រធនាគារកណ្តាលអាមេរិក ក្នុងការពិចារណា ក្នុងការដាក់ដំណើរប្រាក់ដុល្លារឌីជីថល ដោយនិយាយថា វាអាចជម្រុញជនជាតិអាមេរិកក្រីក្រ និងធ្វើឱ្យប្រព័ន្ធទូទាត់កាន់តែប្រសើរ ប្រសិនបើប្រាក់ដុល្លារឌីជីថល ត្រូវបានរៀបចំយ៉ាងត្រឹមត្រូវ។

ទោះយ៉ាងណា បក្សសាធារណរដ្ឋបានបញ្ចេញសំលេងខ្លាំងជាងមុន ដោយចោទសួរថា តើផលិតផលដែលគាំទ្រ ដោយធនាគារកណ្តាលមួយនេះគឺចាំបាច់ ឬអត់ ហើយតើវាអាចមានន័យយ៉ាងដូចម្តេចចំពោះប្រព័ន្ធធនាគារប្រពៃណី។

លោក Pat Toomey សមាជិកព្រឹទ្ធសភាបាននិយាយថា “យើងមិនត្រូវការធនាគារដែលឧបត្ថម្ភដោយរដ្ឋ ដើម្បីជ្រៀតជ្រែកជាមួយប្រព័ន្ធធនាគារសេរី ដែលកំពុងជោគជ័យនេះទេ”៕

LEAVE A REPLY

Please enter your comment!
Please enter your name here