អ្នកឧកញ៉ាសៀ ឬទ្ធីៈ វិស័យអចលនទ្រព្យនៅតែមានសន្ទុះទោះស្ថិតក្នុងបរិបទនៃជំងឺកូវីដ១៩

0

ដោយៈ ម៉ាណេត

ភ្នំពេញៈ អ្នកជំនួញក្នុងវិស័យអចលនទ្រព្យ ល្បីឈ្មោះមួយរូបនៅកម្ពុជាបានលើកថា ទោះស្ថិតក្នុងបរិបទនៃជំងឺកូវីដ១៩ វិស័យអចលនទ្រព្យកម្ពុជា នៅតែមានសន្ទុះ ហើយគម្រោងអភិវឌ្ឍន៍អចលនទ្រព្យ នៅតែទទួលបានការគាំទ្រពីប្រជាជន។

អ្នកឧកញ៉ាសៀ ឬទ្ធីប្រធានក្រុមប្រឹក្សាភិបាលនៃក្រុមហ៊ុន វើលដ៏ប្រ៊ីដ គ្រុប និងអ្នកជំនួញក្នុងវិស័យអចលនទ្រព្យដ៏ល្បីឈ្មោះនៅកម្ពុជា បានថ្លែងក្នុងសារមួយនៅថ្ងៃទី១០ ខែមិថុនា ឆ្នាំ២០២១នេះថា “ក្នុងនាមយើងជាអ្នកអភិវឌ្ឍន៍ ខ្ញុំតែងនិយាយថា “រាល់បញ្ហាគឺជាឱកាស”។

- Video Advertisement -

អ្នកឧកញ៉ាបានថ្លែងថា “ទោះបីជាកូវីដ១៩នេះគឺជាបញ្ហាសកល ប៉ុន្តែក្រុមហ៊ុនយើងមិនបានបញ្ឈប់ការវិនិយោគនោះទេ យើងមើលឃើញថា វិស័យអចលនទ្រព្យនៅតែមានសន្ទុះ ហើយនៅតែមានការគាំទ្រពីសំណាក់អតិថិជនរបស់យើង”។

អ្នកឧកញ៉ាបានបន្តទៀតថា តួយ៉ាងថ្មីៗនេះ យើងបានសម្ពោធនូវគម្រោងថ្មីរបស់យើងគឺ “ភូមិកីឡដ្ឋានវើលដ៏ប្រ៊ីដ” ដែលគម្រោងនេះនឹងសាងសង់ អមជាមួយស្ថាបត្យកម្មយ៉ាងវិសេសវិសាល លាតសន្ធឹងលើផ្ទៃដីជាង៦ហិកតា ជាប់នឹងពហុកីឡដ្ឋានជាតិមរតកតេជោ ដែលស្ថិតនៅក្នុងទីក្រុងនាគសម្តេចតេជោ លាតសន្ធឹងលើផ្ទៃដីចំនួន៣៥.០០០ហិកតា នៅភាគខាងជើងនៃតំបន់អភិវឌ្ឍថ្មីរបស់រាជធានីភ្នំពេញ។

គម្រោង “ភូមិកីឡដ្ឋានវើលដ៍ប្រ៊ីដ“ ធ្វើការសាងសង់សម្រាប់ការប្រកួតកីឡាប្រជាជាតិអាស៊ីអាគ្នេយ៍ និងអាស៊ានប៉ារ៉ាហ្គេមក្នុងឆ្នាំ២០២៣ ដែលនឹងប្រារព្ធធ្វើឡើងនៅព្រះរាជាណាចក្រកម្ពុជា។ ក្រុមហ៊ុនវើលប្រ៊ីដគ្រុប ដែលធ្លាប់មានបទពិសោធន៍ពេញលេញក្នុងការអភិវឌ្ឍអគារខ្ពស់ទំនើបៗ និងលំនៅឋានដ៏ប្រណិតៗនៅកម្ពុជា នឹងធ្វើការប្តេជ្ញាចិត្តក្នុងការនាំមកនូវបទពិសោធន៍ថ្មីៗ និងភាពជឿជាក់ក្នុងការរស់នៅ របស់អតិថិជន។

ស្ថិតនៅក្នុងរង្វង់នៃពហុកីឡដ្ឋានជាតិមរតកតេជោ“ភូមិកីឡដ្ឋាន វើលដ៍ប្រ៊ីដ” មានចំងាយត្រឹមតែ១៥នាទីប៉ុណ្ណោះ ពីតំបន់មជ្ឈមណ្ឌលពាណិជ្ជកម្ម ដោយសារតែមានការតភ្ជាប់នូវហេដ្ឋារចនាសម្ព័ន្ធ ដែលមានស្រាប់នាពេលបច្ចុប្បន្ន និងការពង្រីកហេដ្ឋារចនាសម្ព័ន្ធទៅកាន់តំបន់ មជ្ឈមណ្ឌលពាណិជ្ជកម្មផ្សេងៗទៀត ដែលក្នុងនោះ មានស្ពានជាង៤កន្លែង ផ្លូវគមនាគមន៍ខ្វាត់ខ្វែងទាំងចាស់ទាំងថ្មី ប្រព័ន្ធដឹកជញ្ជូនសាធារណៈ ក៏ដូចជាគម្រោងផ្លូវខ្សែរថភ្លើងលើអាកាស ដែលតភ្ជាប់ទៅកាន់តំបន់មជ្ឈមណ្ឌលពាណិជ្ជកម្ម ដែលត្រូវបានរចនាឡើង សម្រាប់ទទួលបាននូវភាពជោគជ័យយូរអង្វែង រួមជាមួយកន្លែងផ្សេងទៀត ដែលត្រូវបានសាងសង់ឡើងសម្រាប់ការប្រកួតកីឡាផងដែរ៕

LEAVE A REPLY

Please enter your comment!
Please enter your name here