ដោយៈគង់ សូរិយា
ភ្នំពេញៈ ផ្សារទំនើប Big C ដែលបានបើកដំណើរការ នៅក្រុងប៉ោយប៉ែត ខេត្តបន្ទាយមានជ័យកាលពីពីរឆ្នាំមុន បានឈានជើងមកកាន់រាជធានីភ្នំពេញហើយ។
ក្រុមហ៊ុន Big C បានប្រកាសកាលពីថ្ងៃទី ១ ខែកញ្ញាកន្លងមកអំពីការបើកដំណើរការផ្សារទំនើប Mini Big C នៅភ្នំពេញជាលើកដំបូង ដែលមានទីតាំងនៅជិតផ្សារដេប៉ូ បន្ទាប់ពីបានបើក Big C Supercenter នៅទីក្រុងប៉ោយប៉ែត ខេត្តបន្ទាយមានជ័យ កាលពីឆ្នាំ២០១៩។
ផ្សារទំនើបមីនីប៊ីកស៊ីនេះ ស្ថិតនៅក្រោមការគ្រប់គ្រងរបស់ក្រុមហ៊ុន Big C Cambodia ដែលជាក្រុមហ៊ុនបុត្រសម្ព័ន្ធ នឹងក្រុមហ៊ុនផ្សារទំនើប Big C របស់ប្រទេសថៃ។
យោងតាមព័ត៌មាននៅក្នុងទំព័រហ្វេសប៊ុក Big C ផ្សារទំនើប Mini Big C ដំបូងនេះ មានទីតាំងស្ថិតនៅលើផ្លូវ២១៥ សង្កាត់វាលវង់ ខណ្ឌ៧ មករា។
ក្រុមហ៊ុន Big C Cambodia ក៏បានបន្តប្រកាសជ្រើសរើសបុគ្គលិកដើម្បីបំពេញមុខដំណែងជាច្រើនកន្លែងសម្រាប់ផ្សារទំនើបBig C Supercenter នៅក្រុងប៉ោយប៉ែត និងផ្សារទំនើប Mini Big C នៅភ្នំពេញ៕
