ទីផ្សារអចលនទ្រព្យសិង្ហបុរីបានងើបមកវិញបណ្តើរឡើងវិញ ស្របពេលដែលអ្នកទិញជាបរទេសបានសំរុកទិញអចលនទ្រព្យនៅទីនោះ

0

ដោយ សុជាតា

ខណៈដែរគំរូអចលនទ្រព្យស៊ីវិល័យរបស់ទីក្រុងសិង្ហបុរីបានបន្តលេចរូបរាងឡើង ការលក់ត្រូវបានអះអាងថា អ្នកទិញបានត្រឡប់ទៅកាន់ទីផ្សារអចលនទ្រព្យដែលមានសក្តានុពលនេះវិញហើយ

បើយោងតាមក្រុមហ៊ុនអចលនទ្រព្យពិភពលោក knight Frank បានលើកឡើងថា ការទិញបណ្តុំអចលនទ្រព្យ Eden ដោយគ្រួសារ Tsai ពីក្រោយហាងម្ហូបអាហារ អាស៊ីដែលមានឈ្មោះ Wang បានធ្វើអោយការលក់កើនឡើង១១៩ ក្នុងទំហំទឹកប្រាក់ ១០ លានដុល្លារនៅឆមាសទីមួយ ឆ្នាំ ២០២១ ដោយច្រើនជាង ៤ ដងជាមួយនឹងគម្រោង ២៩ នៅឆមាសទីមួយ ឆ្នាំ ២០២០ ។

ជាមួយនឹងសេ្ថរភាពរូបិយបណ្ណ បទប្បញ្ញត្តិរឹងមាំ និង ពន្ធដារទាប ប្រទេសសិង្ហបុរីគឺជាទីតាំងទាក់ទាញសម្រាប់ជនបរទេសដែលតែងតែសន្សំប្រាក់លើការវិនិយោគទីផ្សារអចលនទ្រព្យ។

កាលពីឆ្នាំមុន រដ្ឋាភិបាលសិង្ហបុរី បានបង្កើតភាពលំបាកសម្រាប់កម្មករអន្តរជាតិក្នុងការទទួលវីសា។ ក្រុមហ៊ុនដែលមាននិយោគជិកបរទេស ត្រូវទទួលនិតីវិធីស្នើសុំរយៈពេលយូរ ដើម្បីបង្កើនប្រាក់បៀរវត្សអប្បបរមារហូតដល់ ១ ម៉ឺនដុល្លារសិង្ហបុរីក្នុងមួយខែផងដែរ។

ខុនដូរស៊ីវិល័យ Eden ទាំង ២០ គឺត្រូវបានទិញដោយគ្រួសារ Tsai  នៅទីក្រុងតៃវ៉ាន់ ក្នុងតម្លៃ ២១៧ លានដុល្លារ។

នៅខណៈពេលដូចគ្នានេះដែរ អ្នកតាំងទីលំនៅបរទេសដែលរស់នៅទីក្រុងសិង្ហបុរីអស់រយៈពេលជាច្រើនឆ្នាំ ត្រូវប្រឈមមុខនឹងរឹតត្បិតជាងមុន ក្នុងការចូលទីក្រុងនេះវិញ ដោយសារវិធានការរឹតបណ្តឹងធ្វើដំណើរចំពោះជនបរទេស។ 

បើយោងតាមក្រុមហ៊ុនប្រឹក្សាយោបល់អចលនទ្រព្យ orange Tee & Tie បានកើនឡើងនូវភាពមិនប្រាកដប្រជា បណ្តាអោយការទិញពីសំណាក់បរទេសនៅទីផ្សារ Apartment ប្រទេសសិង្ហបុរីបានធ្លាក់ចុះនៅកម្រិតទាបបំផុត នៅរយៈពេល ១៧ ឆ្នាំ កន្លងទៅនេះដោយឆ្នាំ ២០២០ មានការលក់អាគារជួលត្រឹម ៧៤២ ប៉ុណ្ណោះ។

បច្ចុប្បន្ននេះ ប្រទេសសិង្ហបុរីបានព្យាយាមបើកអាជីវកម្មឡើងវិញ ដោយសារតែអត្រាអ្នកចាក់វាក់សាំង បានកើនឡើងរហូតដល់ ៨០ ភាគរយ។ ស្របពេលដែល តំបន់ពាណិជ្ជកម្មអាស៊ីបានធ្លាក់ចុះនូវចំនួនអត្រាឆ្លងcovid 19 រហូតដល់ ០ ករណី ប្រទេសសិង្ហបុរីបានរៀបចំប្រទេសឡើងវិញក្នុងការរស់នៅជាមួយវីរុសនេះដោយផ្ទាល់។ វិធីសាស្រ្តនេះ បានដើរផ្ទុយទៅនឹងទីក្រុងផ្សេងៗទៀត ដូចជា ទីក្រុង ស៊ីដនី ទីក្រុងហុងកុង និង ទីក្រុងតូក្យូ ដែលនៅតែបិទសម្រាប់អ្នកធ្វើដំណើរ។

ប្រទេសសិង្ហបុរីបានប្រកាសពីការធ្វើដំណើរដោយគ្មានការចន្តាឡេស័ក ១៤ ថ្ងៃរវាងប្រទេសអាឡឺម៉ង់ និង ប៊្រុយណេ ព្រមទាំងបណ្តាប្រទេសដែលមានហានិភ័យទាប ដូចជា ប្រទេសចិន ហុងកុង និងទីក្រុងតៃវ៉ាន់ ផងដែរ។ ចំនួនប្រជាជននៅក្នុងក្រុមនេះ និង ចំនួនដែលហូបអាហារក្រៅត្រូវបានរឹតបណ្តឹងតឹងតែង ហើយការពាក់ម៉ាស គឺត្រូវបំពេញកាតព្វកិច្ច។

បើយោងតាមទិន្នន័យរបស់ knigt Frank បានលើកឡើងថា ទីផ្សារអចលនទ្រព្យសិង្ហបុរីបានចាប់ផ្តើមងើបឡើងវិញនៅឆ្នាំនេះ ដោយតម្លៃអចលនទ្រព្យជាមធ្យមចាប់ពីឆ្នាំ ២០២០ រហូតដល់ ខែមីនា ឆ្នាំ ២០២១ បានកើនឡើង៦. ១ ភាគរយនេះបើប្រៀបធៀបនឹងឆមាសទីមួយឆ្នាំ ២០២០។ បើប្រៀបធៀបនឹងតំបន់ហិរញ្ញវត្ថុអន្តរជាតិផ្សេងទៀត តួយ៉ាង តម្លៃជាមធ្យមរបស់ទីក្រុងហុងកុងបានកើនឡើងត្រឹម ២.១ភាគរយតែប៉ុណ្ណោះ។

ប្រទេសសិង្ហបុរី បានចាប់ផ្តើមកម្មវិធីចាក់វាក់សាំងនៅខែមករា  ដែលផ្តល់អោយយើងនូវជំនឿទុកចិត្ត ដែលធ្វើអោយប្រទេសនេះប្រសើរឡើងឆាប់ខាងមុខនេះ នេះបើយោងតាមលោក Nicholas Mak ប្រធានស្រាវជ្រាវ និង ទីប្រឹក្សាយោបល់របស់ក្រុមហ៊ុន ERA Realty។

បើយោងតាមទិន្នន័យដែលចងក្រងដោយ ERA បានលើកឡើងថាការលក់ផ្ទះឯកជនបានកើនឡើង ៤៥ លានដុល្លារចាប់ពីខែមករា ដល់ ខែ សីហា ឆ្នាំ២០២១ ដែលជាអត្រាខ្ពស់បំផុតនៅ   រយៈពេល ៨ ខែដំបូងឆ្នាំនេះ។ 

ជាងនេះទៀត អ្នកទិញភាគច្រើនគឺមកពីសហរដ្ឋអាមេរិច ចក្រភពអង់គ្លេស អូស្រ្តាលី និង ប្រទេសបារាំង នេះបើយោងតាមទិន្នន័យរបស់ ក្រុមប្រឹក្សាយោបល់ Orange Tee & Tie៕

LEAVE A REPLY

Please enter your comment!
Please enter your name here