ដោយៈ សុជាតា
ភ្នំពេញៈ តំបន់ផ្លូវវេងស្រេង ដែលជាតំបន់ឧស្សាហកម្មដ៏មមាញឹកកន្លងមក បានចាប់ផ្តើមផ្លាស់ប្តូរមុខមាត់ជាបណ្តើរៗ ដោយលេចេញនូវផ្សារទំនើប អាគារការិយាល័យ ខុនដូជាដើម។
បច្ចុប្បន្នអគារការិយាល័យសម្រាប់ជួលថ្មីមួយ គឺISI tower ជាអាគារទំនើប បាននិងកំពុងត្រៀមដាក់ដំណើរការជួលនៅត្រីមាសទី៤ចុងឆ្នាំនេះ។ អាគារការិយាល័យនេះ គឺស្ថិតនៅជាប់ជាមួយនឹង K Mall ដែលមានកំពស់៩ជាន់ ពោលអាគារនេះគឺត្រូវបានអភិវឌ្ឍជាប់ជនឹងបណ្តុំ ទីតាំងស្ទឹងមានជ័យ និងតំបន់ចោមចៅ ។ អគារនេះបានផ្តល់នូវចំណតខាងក្នុងអាគារ ជាមួយនឹងជម្រើសអាហារពេលល្ងាច និងផ្សារទំនើបសម្រាប់ការដើរកំសាន្តប្រចាំថ្ងៃ។
អ្នកនាងទេព សុភារិន បុគ្គលិកជាន់ខ្ពស់ខាងរដ្ឋបាល និងបំរើអតិថិជននៃក្រុមហ៊ុនUrban Land Asiaបានបញ្ជាក់ប្រាប់Property Area Asia នៅថ្ងៃ១៧ ខែកញ្ញានេះថា អាគារការិយាល័យ អាយ អេស អាយ ដែលមានកម្ពស់9ជាន់ និងមានទីធ្លាសម្រាប់ជូលលើសពី៤៥០០ម៉ែត្រការ៉េ។ មកទល់ពេលនេះ អាគារត្រូវជូលអស់៦៥ភាគរយ។ ហើយអាគារត្រូវបានសាងសង់ឡើងស្របស្តង់ដារអន្តរជាតិ ដែលរចនាឡើងដោយក្រុមហ៊ុនHKA & Partners ដោយផ្តោតលើភាពបត់បែន ទៅតាមតំរូវការរបស់អ្នកជួល។
អ្នកនាងបញ្ជាក់បន្ថែមទៀតថា ដំណាក់កាលទីមួយ នៃគម្រោងអភិវឌ្ឍ KMH Park នឹងរួមមាន អាគារ អាយ អេស អាយ ផ្សារទំនើបខេ ម៉ល ផ្ទះពាណិជ្ជកម្ម៤០តារាងបាល់ទាត់មួយ និងទីធ្លាបៃតងជាច្រើនកន្លែងផងដែរ៕
