ដោយៈស៊ីវ ម៉េង
ភ្នំពេញៈ ខុនដូប្រណីតមួយ The Sky Parkបាន និងកំពុងលេចរូបរាងនៅក្រុងសៀមរាប ដែលជាការត្រៀមស្វាគមន៍ ការមកដល់នៃភ្ញៀវទេសចរណ៍អន្តរជាតិ និងវិនិយោគិនក្នុងស្រុកសម្រាប់ការសំរាកលំហែរ។
លោកហេង ស៊ីណងអ្នកសម្របសម្រួលគំរោងអភិវឌ្ឍន៍ខុនដូ The Sky Park ដែលមានទីតាំងនៅកណ្តាល ក្រុងសៀមរាបបានមានប្រសាសន៍ឲ្យដឹង កាលពីពេលថ្មីៗនេះថា ការវិនិយោគខុនដូនេះឡើង ដោយសារសៀមរាប ជាគោលដៅទេសចរណ៍ដ៏ធំមួយរបស់ប្រទេសកម្ពុជា បើធៀបនឹងតម្រូវការខុនដូនៅមានច្រើន តែចំនួនការផ្គត់ផ្គង់នៅតិចនៅឡើយ។
លោកបន្តថា “The Sky Park ជាគំរោងដែលមានការសំរិតសំរាំង និងយកចិត្តទុកដាក់យ៉ាងខ្លាំងទៅលើគុណភាពសំណង់ និងបរិយាកាសក្នុងការរស់នៅ អោយមានភាពសំបូរបែប”។
លោកហេង ស៊ីណងបានបន្តថា មិនតែប៉ុណ្ណោះ យើងក៏ផ្ដោតលើការធានាដល់ការជួលត្រលប់ និងជ្រោមជ្រែងប្រតិបត្តិការ ការវិនិយោគរបស់អតិថិជន អោយសំរេចបាននូវប្រាក់ចំណូលតាមរយះការដាក់ជួល តាមរយះអនឡាញ ដូចជា AirBnB, Booking.com, agoda, Expedia… ជាមួយនិងក្រុមការងារ ប្រកបដោយវិជ្ជាជីវៈ។
គម្រោងខុនដូនេះ មានលក្ខណះពិសេសជាច្រើនដូចជា ទីតាំងនៅកណ្ដាលក្រុងសៀមរាប តម្លែសមរម្យ បរិយាកាសរស់នៅទំនើប និងស៊ីវិល័យ ដោយលើអាគារមានអាងហែលទឹក ក្លឹបហាត់ប្រាណ សួនច្បារលើអាកាស មីនីម៉ាត បរទេសកម្មសិទ្ធិករ កម្មសិទ្ធិអាចិន្រ្តៃយ៍ រំលស់ជាមួយគំរោងរហូតដល់១៥ឆ្នាំ គ្រឿងសង្ហារឹមពេញលេញក្នុងបន្ទប់ និងមានការបញ្ចុះតម្លៃយ៉ាងពិសេស សមស្របរាប់អតិថិជនធ្វើការបង់ផ្ដាច់១០០% ការផ្ដល់ជូននេះ សំរាប់តែការដាក់លក់បង្ហើយ១០យូនីតចុងក្រោយតែប៉ុណ្ណោះ។
ជាមួយគ្នានេះ ក្នុងឱកាសពិសេសនេះ ក្រុមហ៊ុននឹងផ្តល់ជូនតម្លៃពិសេសសម្រាប់ខុនដូនៅសល់៨យូនីតចុងក្រោយ ដែលមានការផ្តល់ជូននូវសម្ភារៈក្នុងបន្ទប់ពេញលេញមួយឈុត។
លោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជាបានមានប្រសាសន៍ឲ្យដឹងផងដែរថា ខេត្តសៀមរាប មានការរាំងស្ទះការអភិវឌ្ឍមួយចំនួន ដោយសារមានដីជាប់តំបន់ Apsara ច្រើន និងមានការកំណត់កំពស់អាគារ ប៉ុន្តែការរីកចម្រើនរបស់ខេត្តនេះភាគច្រើន ផ្តោតលើការវិនិយោគសណ្ឋាគារ សំរាប់បំរើឲ្យភ្ញៀវទេសចរណ៍ ប៉ុន្តែនាពេលអនាគតខុនដូ និងអាផាតម៉ិននឹងដើរស្របគ្នាជាមួយនឹងសណ្ឋាគារ។
លោកបន្តថា “ការស្នាក់នៅឬជួលខុនដូ មានតម្លៃទាបជាងសណ្ឋាគារ ហេតុនេះនាពេលអនាគត ខុនដូអាចនឹងមានការវិនិយោគច្រើន សំរាប់ជួលដល់ភ្ញៀវទេសចរណ៍ដែលស្នាក់នៅរយៈពេលវែង”។ លោកបន្តថា “ហេតុនេះគំរោងណាមួយ ទទួលបានជោគជ័យឬអត់ វាអាស្រ័យលើទស្សនទាននៃការអភិវឌ្ឍ និងដំណើរការគំរោងទទួលបានអត្រាប្រើប្រាស់កម្រិតណា”។
លោកច្រឹក សុខនីមបានបន្តថា ការកសាងផ្លូវ៣៨ខ្សែនៅក្រុងសៀមរាប នឹងជួយលើកកំពស់សោភ័ណភាព ធ្វើឲ្យវិស័យអចលនទ្រព្យមានភាពរីកចម្រើន ដែលនឹងទាក់ទាញលំហូរភ្ញៀវទេសចរណ៍ និងវិនិយោគិនជាតិ អន្តរជាតិជាច្រើនទៀត។
ដោយមលើឃើញកាលានុវត្តន៍ភាពនេះ អ្នកវិនិយោគគំរោងខុនដូ Sky Park បានវិនិយោគទឹកប្រាក់ជាច្រើន ដើម្បីចាប់ផ្តើមគំរោងខុនដូថ្មីមួយ ជាមួយទស្សនទាននៃការអភិវឌ្ឍន៍ថ្មី។
អតិថិជនចាប់អារម្មណ៍អាចទំនាក់ទំនង តាមរយៈលេខទូរស័ព្ទ070 200 555និងលេខមួយខ្សែទៀត077 927 555៕
