CDC​ ​អនុម័ត​គម្រោង​ចំនួន៦​ ​ដែល​មាន​ទឹកប្រាក់​ ​២២.១លាន​ដុល្លារ​អ​មេ​រិក​

0

​ដោយ​ ​នៅ​ ​ស៊ី​វុត្ថា

​ភ្នំពេញ​៖​ ​ក្រុមប្រឹក្សា​អភិវឌ្ឍន៍​កម្ពុជា​ ​(​CDC​)​ ​បាន​អនុម័ត​គម្រោង​វិនិយោគ​ចំនួន៦​ ​ដែល​មាន​ទឹកប្រាក់​ ​២២.១លាន​ដុល្លារ​អ​មេ​រិក​ក្នុង​ខែមេសា​នេះ​ ​សម្រាប់​វិនិយោគ​លើ​ការបង្កើត​រោងចក្រ​នៅក្នុង​ប្រទេស​កម្ពុជា​។​

​យោង​តាម​ក​ចុះផ្សាយ​របស់​ ​គេហទំព័រ​ហ្វេ​បុក​ក្រុមប្រឹក្សា​អភិវឌ្ឍន៍​កម្ពុជា​ ​(​CDC​)​ ​នៅ​ថ្ងៃទី១១​ ​ខែមេសា​ ​ឆ្នាំ២០១៩​ ​នេះ​បាន​ឲ្យដឹង​ថា​ ​តាម​សំណើសុំ​វិនិយោគ​របស់​ក្រុមហ៊ុន​ ​គណៈកម្មាធិការ​វិនិយោគ​កម្ពុជា​ ​នៃ​ក្រុមប្រឹក្សា​អភិវឌ្ឍន៍​កម្ពុជា​ ​បានសម្រេច​ចេញ​វិញ្ញា​បន​ប័ត្រ​ចុះបញ្ជី​ជាស្ថាពរ​ ​ជូន​ដល់​ក្រុមហ៊ុន​ដូច​ខាងក្រោម​ ​ដូចជា​ ​ទី១​“​TTHS​ ​RUBBER​ ​CO​.​,​ ​LTD​.​”​ ​គម្រោង​បង្កើត​រោងចក្រ​កែច្នៃ​ជ័រកៅស៊ូ​ ​ដែល​មាន​ទីតាំង​វិនិយោគ​ស្ថិត​នៅ​ភូមិ​ទ្ប​ ​ឃុំ​កោងកាង​ ​ស្រុក​ពញាក្រែក​ ​ខេត្ត​ត្បូងឃ្មុំ​ ​មាន​ទុន​វិនិយោគ​ប្រមាណ​ ​២,៧លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន​ ​២២៤កន្លែង​។​

​ទី២​-​“​SAI​ ​DI​ ​HANDBAG​ ​CO​.​,​ ​LTD​.​”​ ​គម្រោង​បង្កើត​រោងចក្រ​ផលិត​កាបូប​គ្រប់​ប្រភេទ​ ​ដែល​មាន​ទីតាំង​វិនិយោគ​ស្ថិតនៅ​ភូមិ​វល្លិ​សរ​ ​ឃុំ​វល្លិ​សរ​ ​ស្រុក​សំរោងទង​ ​ខេត្ត​កំពង់ស្ពឺ​ ​មាន​ទុន​វិនិយោគ​ប្រមាណ៤,៥លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន​ ​១.២៧៥កន្លែង​។​ ​ទី៣​-​“​GARCHI​ ​HUNG​ ​CO​.​,​ ​LTD​.​”​ ​គម្រោង​បង្កើត​រោងចក្រ​កាត់ដេរ​សម្លៀកបំពាក់​ ​ដែល​មាន​ទីតាំង​វិនិយោគ​ស្ថិតនៅ​ភូមិ​ដំណាក់​ត្រយឹង​ ​សង្កាត់​ចោមចៅ​ទី២​ ​ខណ្ឌ​ពោធិ៍​សែន​ជ័យ​ ​មាន​ទុន​វិនិយោគ​ប្រមាណ​ ​២,៦លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន​ ​៩២៤កន្លែង​។​ ​

​ទី៤​-​“​KAMFOR​ ​RECYCLE​ ​PULP​ ​AND​ ​PAPER​ ​CO​.​,​ ​LTD​.​”​ ​គម្រោង​បង្កើត​រោងចក្រ​កាត់ដេរ​សម្លៀកបំពាក់​ ​ដែល​មាន​ទីតាំង​វិនិយោគ​ស្ថិតនៅ​ភូមិ​បឹង​វែង​ ​ឃុំ​វាលរេញ​ ​ស្រុក​ព្រៃនប់​ ​ខេត្ត​ព្រះសីហនុ​ ​មាន​ទុន​វិនិយោគ​ប្រមាណ​ ​៥,១លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន១៨២កន្លែង​។​ ​ទី៥​ ​“​WING​ ​HUNG​ ​TU​ ​INDUSTRIAL​ ​(​CAMBODIA​)​ ​CO​.​,​ ​LTD​.​”​ ​គម្រោង​បង្កើត​រោងចក្រ​កាត់ដេរ​សម្លៀកបំពាក់​ ​ដែល​មាន​ទីតាំង​វិនិយោគ​ស្ថិតនៅ​ផ្លូវជាតិ​លេខ៤​ ​គី​ទ្បូ​ម៉ែត្រ​លេខ២៧​ ​ភូមិ​ទឹកជា​ ​ឃុំ​ពើក​ ​ស្រុក​អង្គស្នួល​ ​ខេត្តកណ្តាល​ ​មាន​ទុន​វិនិយោគ​ប្រមាណ២,២លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន​ ​៣០២កន្លែង​។​ ​

​និង​ទី៦​-​“​KIRIROM​ ​FOOD​ ​PRODUCTION​ ​(​K.F.P​)​ ​CO​.​,​ ​LTD​.​”​ ​គម្រោង​បង្កើត​រោងចក្រ​កាត់ដេរ​សម្លៀកបំពាក់​ ​ដែល​មាន​ទីតាំង​វិនិយោគ​ស្ថិតនៅ​ភូមិ​ទី១​ ​ឃុំ​ត្រែងត្រយឹង​ ​ស្រុក​ភ្នំស្រួច​ ​ខេត្ត​កំពង់ស្ពឺ​ ​មាន​ទុន​វិនិយោគ​ប្រមាណ​ ​៥លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន​ ​៣៦៧កន្លែង​៕​

LEAVE A REPLY

Please enter your comment!
Please enter your name here