ដោយវុត្ថា
ភ្នំពេញ៖ ក្រុមហ៊ុនហូឡង់ចំនួន ៤ គឺក្រុមហ៊ុន KCI The Engineers ក្រុមហ៊ុន Bosch Rexroth ក្រុមហ៊ុន HILLEBRAND និង ក្រុមហ៊ុន NorthernLight បានសហការគ្នាវិនិយោគលើការសាងសង់អគារខ្ពស់ដែលមានបរិស្ថានល្អបំផុតនៅលើពិភពលោក។
តាមការចុះផ្សាយរបស់ interestingengineering.com បានឱ្យដឹងថា អគារនេះ បំពាក់ទៅដោយជណ្តើរយោងប្រើប្រាស់អគ្គិសនីសូឡាដែលមានភាពទាក់ទាញសម្រាប់អ្នកធ្វើដំណើរឡើង-ចុះ និង មានរចនាបបទបរិស្ថាន និងធម្មជាតិដែលមានខ្យល់អាកាសចេញចូលប្រកបដោយផាសុកភាពបំផុតនៅលើពិភបលោក ។
ក្រុមវិស្វករឱ្យដឹងថា អគារនេះ ប្រើប្រាសប្រព័ន្ធសូឡាទាំងអស់ដោយបានពាក់នៅខាងលើអគារ។ រចនាសម្ព័ន្ធនេះ ត្រូវបានរួមបញ្ចូលវិស្វកម្មកម្រិតខ្ពស់ដោយប្រើប្រាស់ សំណង់ ដែក និងបច្ចេកវិទ្យាចលនាអគ្គិសនីដើម្បីបង្កើតគម្រោងនេះ។
សម្រាប់កន្ត្រក់យោងដឹកអ្នកដំណើរដែលរួមបញ្ចូលនៅក្នុងអាគារនឹងត្រូវគ្រប់គ្រងដោយប្រព័ន្ធត្រួតពិនិត្យឆ្លាតវៃដែលនឹងកាត់បន្ថយចំណាយថាមពល និងតំហែទាំតម្រូវការ។ កន្ត្រក់យោង (Cabins)នឹងបង្កើតថាមពលអគ្គីសនីពីថាមពលសក្តានុពល នៅពេលយោងចុះ យោងឡើង ដែលមើលទៅវាមានភាពអស្ចារ្យជាទីបំផុត។
អគារនេះ ត្រូវបានគេរំពឹងថានឹងសាងសង់កំពស់ចាប់ពី ៦០ ទៅ ១៥០ ម៉ែត្រ ដោយប្រើប្រាស់ជណ្តើរយោង (Cabins) ចំនួនប្រមាណ ៤ ឬច្រើនជាងនេះ ដោយក្រុមអ្នកវិស្វករបានទាញឥទ្ធិពលពី គម្រោង London Eye ប៉ុន្តែចង់ធ្វើឱ្យអ្វីមួយមាននិរន្តរភាព។
កន្ត្រកយោងនីមួយៗ នឹងអាចផ្ទុកមនុស្សប្រមាណ ១២ នាក់ ហើយរាល់ការប្រើប្រាស់នឹងអាចត្រូវប្រើរយៈពេល ៣ ទៅ ១០ នាទី តែយ៉ាងណានេះគេមិនទាន់បានកំណត់កម្ពស់នៅឡើយ។ នៅតាមបង្អួចនៃកន្ត្រក់យោងគេអាចមើលទេសភាពនៃទីក្រុងដ៏ស្រស់ស្អាតដែលកំពុងកើត និងរីកចំរើន។
អគារនេះ ត្រូវបានគេរំពឹងថា នៅពេលសាងសង់រួចរាល់នាពេលខាងមុខនេះ នឹងទាក់ទាញភ្ញៀទេសចរប្រមាណ ពីកន្លះលាន ទៅ ៣ លាននាក់ជារៀងរាល់ឆ្នាំ៕
