តើ​ទស្សនទាន​នៃ​ការអភិវឌ្ឍន៍​ក្រុង​រណប​ធំជាងគេ​នៅ​ភាគខាងត្បូង​គ្រោងរៀបចំ​តំបន់​នេះ​បែបណា?

0

ដោយ​ស៊ីវ ម៉េង

ភ្នំពេញៈ ទស្ស​ទាន​នៃ​ការអភិវឌ្ឍ​តំបន់​ភាគខាងត្បូង​រប​ស់​ទីក្រុង​រណប ING CITY បាននិងកំពុង​ដើរ​តាម​ផែនការមេ​របស់ខ្លួន ខណៈ​តម្លៃ​ដីធ្លី​នៅ​តំបន់​នេះ មាន​កំនើន​យ៉ាងខ្ពស់ ជាមួយ​គំរោង​សាងសង់​បុរី មជ្ឈមណ្ឌល​ពាណិជ្ជកម្ម​លំដាប់​អន្តរជាតិ​នានា​កំពុង​លេចចេញ​ជា​រូបរាង។

- Video Advertisement -

យោងតាម​ផែនការមេ​របស់​ក្រុមហ៊ុន ING Holding ដែល Propertyarea.asia ទទួលបាន​កាលពីពេលថ្មីៗនេះ​បាន​ឲ្យ​ដឹងថា ទីក្រុង​រណប ING CITY គ្របដណ្តប់​លើ​ផ្ទៃដី​ជាង ២០០០ហិកតា ដែលមាន​វិសាលភាព​ដ៏​ធំ​មួយ និង​ជាទី​ក្រុង​រណប​ធំជាងគេ​នៅ​រាជធានី​ភ្នំពេញ។ តាម​គំរោង​ក្រុមហ៊ុន​គ្រោង​អភិវឌ្ឍន៍​តំបន់​នេះ​ជា​តំបន់​មានការ​អភិវឌ្ឍ​បែប​បៃតង និង​គោរព​តាម​គោលការណ៍​បរិស្ថាន។

តាម​ឯកសារ​ដដែល​បាន​ឲ្យ​ដឹងថា ក្រុមហ៊ុន​គ្រោង​អភិវឌ្ឍន៍​តំបន់​នេះ​ជា​មជ្ឈមណ្ឌល​លំនៅដ្ឋាន មជ្ឈមណ្ឌល​ពាណិជ្ជកម្ម កន្លែង​ចំណត​យានយន្ត ជា​សហគមន៍​សម្រាប់​និវត្តន៍​ជនជាតិ​ចិន មជ្ឈមណ្ឌល​កីឡា​ជាដើម។

ជាមួយនឹង​ទស្សនវិស័យ​ចំពោះមុខ និង​រៀបចំ​តំបន់​ដែល​ទើប​អភិវឌ្ឍន៍​ថ្មី​នេះ សាលា​រាជធានី​ភ្នំពេញ រួមជាមួយ​សាលាក្រុង​ប៉ារីស ដើម្បី​សិក្សា​រួមគ្នា​ពី​ការអភិវឌ្ឍ និង​ដោះស្រាយ​បញ្ហា​ប្រឈម​ចំពោះមុខ ទាក់ទង​នឹង​ការកើនឡើង​នូវ​យានយន្ត ការបំពុល​ទឹក​កខ្វក់ និង​ហេ​ដ្ឋា​រចនា​ស​ម្ព័​ន្ឋ​នានា ដើម្បី​ធ្វើយ៉ាងណា​ឲ្យ​តំបន់​នេះ​សមស្រប​ជា​តំបន់​ដែលមាន​ភាព​បៃតង និង​ត្រៀម​រៀបចំ​នគរូបនីយកម្ម​ឲ្យ​មាន​ភាពល្អប្រសើរ និង​អាចឆ្លើយតប​នឹង​កំនើន​ប្រជាសាស្ត្រ​នៅ​តំបន់​នេះ។

ដោយសារ​ជា​តំបន់​ថ្មី ងាយស្រួល​ហេ​ដ្ឋា​រចនា​ស​ម្ព័​ន្ឋ និង​កំនើន​ប្រជាសាស្ត្រ​នៅ​តំបន់​នេះ ទើប​អ្នកវិនិយោគ​ជាតិ អន្តរជាតិ​បាននិងកំពុង​វិនិយោគ​គំរោង​លំនៅដ្ឋាន​ធមៗនៅ​តំបន់​នេះ ពិសេស​ផ្សារ​ទំនើប​លំដាប់​អន្តរជាតិ២កំពុង​បាន​សាងសង់ឡើង ក្នុងចំណោម​ផ្សារ​ទំនើបធំៗចំនួន​បី។ អ្វី​កាន់តែ​ពិសេស​ផ្សារ​ទំនើប AEON MALL3 នឹង​សាងសង់​នៅ​តំបន់​នេះ​នាពេល​អនាគត ខណៈ​ក្រុមហ៊ុន EAON GROUP បាន​ទិញ​ដី​នៅ​តំបន់​នេះ​ទុក​រួចទៅហើយ។

លោក​បណ្ឌិត​វណ្ណ ម៉ូលីវណ្ណ​វីរៈ​ស្ថាបត្យ្ក​ករ​ដ៏​ល្បីល្បាញ​របស់​កម្ពុជា ដែល​បានទទួល​មរណភាព​កាលពី​ប៉ុន្មាន​ឆ្នាំមុន ធ្លាប់​បានផ្តល់​អនុសាសន៍​ឲ្យ​អភិវឌ្ឍន៍​រាជធានី​ភ្នំពេញ​ឆ្ពោះទៅកាន់​ភាគខាងត្បូង ដោយសារ​តំបន់​ភាគខាងត្បូង​មាន​ដី​ទំនេរ​ច្រើន មាន​សណ្ឋាន​ដី​ខ្ពស់​មិន​ប្រឈម​នឹង​ការ​លិច​ទឹក និង​ងាយស្រួល​រៀបចំ​ហេ​ដ្ឋា​រចនា​ស​ម័​ន្ឋ​នានា ដោយសារ​ជា​តំបន់​មានការ​អភិវឌ្ឍ​ថ្មី។

នាយិកា​ប្រចាំ​ប្រទេស​នៃ​ក្រុមហ៊ុន CBRE Cambodia អ្នកនាង​អាន សុ​ធីតា​ធ្លាប់បាន​មានប្រសាសន៍​ឲ្យ​ដឹងថា តំបន់​នេះ​ជាទី​ក្រុង​ថ្មី និង​មានការ​រៀបចំ​ហេ​ដ្ឋា​រចនា​ស​ម្ព័​ន្ឋ​ថ្មី ដែល​វា​មាន​ភាពងាយស្រួល ក្នុង​ការរៀបចំ​ការអភិវឌ្ឍ​ជាង​ទីក្រុង​ចាស់ ពិសេស​មាន​ចម្ងាយ​ជិត​ជាងគេ​ចេញពី​កណ្តាល​ក្រុង បើ​ធៀប​នឹង​ទីក្រុង​រណប​ដទៃទៀត។

អ្នកនាង​បន្តថា “តំបន់​នេះ​កំពុងមាន​ការរីកចម្រើន ដោយ​រយៈពេល ៥ឆ្នាំ​ខាងមុខ​វា​នឹង​ជា​តំបន់​លំនៅដ្ឋាន ហើយ​រយៈពេល១០ឆ្នាំ​ទៀត ខ្ញុំ​គិតថា​តំបន់​នេះ​នឹង​ប្រែក្លាយជា​តំបន់​ពាណិជ្ជកម្ម” ៕

-Video Advertisement -

LEAVE A REPLY

Please enter your comment!
Please enter your name here