ដោយហ្សូលី
ភ្នំពេញៈ អ្នកវិទ្យាសាស្ត្រឥណ្ឌាម្នាក់ បានបង្កើតបច្ចេកទេសមួយ ដើម្បីធ្វើឱ្យផ្លូវថ្នល់នៅក្នុងប្រទេសឥណ្ឌាបង្កើតចេញពីប្លាស្ទិច ដែលមិនត្រឹមតែធ្វើឱ្យផ្លូវល្អប្រសើរប៉ុណ្ណោះទេ តែថែមទាំងយកចិត្តទុកដាក់លើបញ្ហាសំរាមទៀតផង។
លោក R Vasudevan គឺជាមនុស្សមានទេពកោសល្យម្នាក់ ដែលនៅពីក្រោយការបង្កើតថ្មីនេះ។ លោកបានបញ្ចប់ថ្នាក់អនុបណ្ឌិត ផ្នែកវិទ្យាសាស្ត្រពីសាកលវិទ្យាល័យ Madras ។ ដើម្បីលុបបំបាត់បញ្ហាបរិស្ថានកាកសំណល់សកលលោក លោកក៏បានកែឆ្នៃផ្លាស្ទិចឱ្យមានប្រយោជន៍ជំនួសឱ្យការចាក់សំរាមឬដុតវាចោល។
តើផ្លូវផ្លាស្ទិចត្រូវបានបង្កើតយ៉ាងដូចម្តេច?
ជាដំបូង ត្រូវច្របាច់ជ័រធម្មតា ដែលធ្លាប់បានប្រើធ្វើផ្លូវកាលពីមុន ដើម្បីសាងសង់ជាមួយប្លាស្ទិក។ បន្ទាប់មកទទួលជំនួយពីល្បាយប៉ូលីមែរ នៅក្នុងការសាងសង់ផ្លូវ។ ចំពោះដុំថ្មនីមួយៗមានទម្ងន់៥០ ក្រាមនៃប៊ីតត្រូវបានគេប្រើប្រាស់ហើយ ១/១០ នេះជាកាកសំណល់ប្លាស្ទិក។ ប្លាស្ទិចមានតម្លៃនិងគុណភាពនៃក្រាលថ្ម ដែលអាចបត់បែនបាន។
ការដាក់បញ្ចូលផ្លាស្ទិចជារូបធាតុសាងសង់ផ្លូវនេះ គឺជួយឱ្យផ្លូវថ្នល់មានភាពរឹងមាំទ្វេដងដូចផ្លូវកៅស៊ូធម្មតា។ ជាមួយនឹងផ្លាស្ទិចផ្លូវថ្នល់មិនងាយខូចខាត ដូចជាផ្លូវធម្មតាទេ។
ការអនុវត្តន៍បច្ចេកទេស
សព្វថ្ងៃនេះ បច្ចេកទេសកំពុងអនុវត្តដោយនៅពាសពេញឥណ្ឌា មិនថានៅតាមបណ្តារខេត្ត រាជធានីជាដើម។
វិធីនេះជំរុញឱ្យសំរាមប្លាស្ទិច ត្រូវបានប្រើក្នុងការសាងសង់ផ្លូវហាយវ៉េ ជាពិសេសផ្លូវជាតិក្នុងចម្ងាយ៥០គីឡូម៉ែត្រ នៃទីក្រុងដែលមានប្រជាជន៥លាននាក់ ឬច្រើនជាងនេះ។
ក្រសួងដឹកជញ្ជូន និងផ្លូវហាយវ៉េ បានចាប់ផ្តើមបេសកកម្មប្រើប្រាស់ប្លាស្ទិចកាកសំណល់សំរាមតាមរបៀបដ៏ធំមួយ។ ពួកគេបានកេណ្ឌប្រជាជនជិត២៦ម៉ឺននាក់ នៅទូទាំងប្រទេស ដើម្បីផ្សព្វផ្សាយការយល់ដឹងលើការគ្រប់គ្រងសំរាមប្លាស្ទិច។ ក្រសួងបាននិយាយនៅក្នុងសេចក្តីថ្លែងការណ៍មួយថា“ កាកសំណល់ប្លាស្ទិកនេះ បណ្តាលឱ្យមានការប្រមូលសំរាមប្លាស្ទិចជិត១៨ម៉ឺនគីឡូក្រាមនៅទូទាំងប្រទេស” ។
ប្រទេសឥណ្ឌាមានផ្លូវជាង១០០.០០០ គីឡូម៉ែត្រធ្វើពីផ្លាស្ទិចហើយតំបន់ជាច្រើនទៀតបានព័ទ្ធជុំវិញដោយផ្លូវនេះ។
មិនត្រឹមតែនៅក្នុងប្រទេសឥណ្ឌាទេបច្ចេកទេសរបស់អ្នកស្រាវជ្រាវ R Vasudevan ក៏កំពុងត្រូវបានអនុវត្តនៅប្រទេសផ្សេងៗគ្នាទូទាំងពិភពលោកផងដែរ។
ផ្លូវផ្លាស្ទិចមានបច្ចេកទេសស្រដៀងគ្នា និងកំពុងត្រូវបានសាងសង់នៅក្នុងប្រទេសឥណ្ឌូនេស៊ីដោយប្រើលាយជ័រ ផ្លាស្ទិចនៅក្នុងតំបន់ជាច្រើនរួមមាន កោះបាលី ស៊ូរ៉ាយ៉ាយ៉ា និងកន្លែងផ្សេងទៀត។
ផ្លូវផ្លាស្ទិចក៏ត្រូវបានសាងសង់ដោយក្រុមហ៊ុនហូឡង់ Volkerwessels សម្រាប់អ្នកជិះកង់នៅZwolle ភាគ–សាននៃប្រទេសហូឡង់។ រីឯចក្រភពអង់គ្លេសក៏ត្រូវបានប្រកាសផងដែរថា ខ្លួននឹងវិនិយោគទឹកប្រាក់ចំនួន១,៦ លានអឺរ៉ូ សម្រាប់ការសាកល្បងបច្ចេកវិទ្យាផ្លាស្ទិចដោយសហការជាមួយក្រុមហ៊ុន MacRebur។ ក្រុមហ៊ុនកែលម្អ asphalt នឹងអនុវត្តបច្ចេកវិទ្យាថ្មីនេះ ជាមួយសមាសធាតុសំងាត់ផ្ទាល់ខ្លួនមួយចំនួន ដើម្បីធ្វើឱ្យផ្លូវថ្នល់គង់វង្សបានយូរនៅក្នុងទីក្រុងឡុដ៍ជាដើម៕
