លោកឧបនាយករដ្ឋមន្ត្រី ជា សុផារ៉ា ស្នើជប៉ុនជួយលើបច្ចេកទេសរៀបចំផែនការវាស់វែងដែនដី

0

ដោយវុត្ថា

ភ្នំពេញ៖ លោក ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានស្នើដល់ភាគីជប៉ុនជួយលើបច្ចេកទេសរៀបចំផែនការវាស់វែង និងផែនការរៀបចំដែនដីនគររូបនីយកម្ម និងសំណង់នៅទូទាំងប្រទេសកម្ពុជា ខណៈប្រទេសជប៉ុនមានស្ថានីយវាស់វែងជឿនលឿន និងមានបទពិសោធន៍ខ្ពស់។

លោក ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់នៅក្នុងជំនួបពិភាក្សាការងារជាមួយលោក MIKAMI Masahiro អគ្គរាជទូតវិសាមញ្ញ និងពេញសមត្ថភាព នៃប្រទេសជប៉ុនប្រចាំកម្ពុជា កាលពីពេលថ្មីនេះ ថា ការស្នើសុំបច្ចេកទេសពីប្រទេសជប៉ុននេះ គឺដើម្បីឱ្យតការវាស់វែងដីធ្លីនៅក្នុងប្ដរទេសកម្ពុជាប្រកបដោយប្រសិទ្ធភាព អាចជំរុញពេលវេលា ទៅលើការធ្វើបណ្ណកម្មសិទ្ធិទៅតាមបច្ចេកទេសខ្ពស់។

លោកឧបនាយកដ្ឋមន្ត្រីបន្តថា ម្យ៉ាងទៀតនេះគឺចាត់ទុកថាជាផែនការមួយដែលមានសក្កានុពល លើការរៀបចំខេត្តក្រុង ដែលចាត់ទុកថាជាមូលដ្ឋានដើម សម្រាប់ឱ្យការអភិវឌ្ឍន៍ប្រកបទៅដោយចីរភាព ដើម្បីបង្ហាញថាកម្ពុជា មានការគាំទ្រ មានលក្ខណៈសមស្រប សម្រាប់ទាក់ទាញដល់អ្នកវិនិយោគនៅក្នុងប្រទេស ហើយរាជរដ្ឋាភិបាលរដ្ឋាភិបាលក៏យកចំណុចនេះ ទៅធ្វើជាគម្រោងការក្នុងការអភិវឌ្ឍន៍។

លោក MIKAMI Masahiro អគ្គរាជទូតវិសាមញ្ញ និងពេញសមត្ថភាព នៃប្រទេសជប៉ុនប្រចាំកម្ពុជាបានសម្តែងការកោតសរសើរនូវកិច្ចខិតខំប្រឹងប្រែងរបស់កម្ពុជានាពេលកន្លងមក ទៅលើការងារដោះស្រាយបញ្ហាក្នុងវិស័យរៀបចំដែនដី និងសំណង់ ដែលការងារនេះ គឺជាការងារសំខាន់មួយ ដែលប្រទេសជប៉ុនបន្តធ្វើកិច្ចសហប្រតិបត្តិការជាមួយនឹងកម្ពុជា តាមរយៈក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ប្រទេសជប៉ុន ដែលមានមន្រ្តីជំនាញៗ កំពុងមានវត្តមាននៅក្នុងប្រទេសស្រាប់។

តាមរយៈការស្នើបច្ចេកទេសនេះ លោកឯករាជទូតថា នឹងជម្រាបជូនទៅក្រុមប្រឹក្សាអភិវឌ្ឍន៍កម្ពុជានៅពេលក្រោយអំពីកិច្ចស្នើសុំគាំទ្រ លើវិស័យវាស់វែង ជប៉ុនទទួលសំណើនេះ ព្រោះថាការពិនិត្យមើល ការចុះបញ្ជីដីប៉ុណ្ណោះទេ ថែមទាំងធ្វើឱ្យការចុះបញ្ជីដី វាសវែងដី ដែលជាមូលដ្ឋានសម្រាប់រៀបចំរចនាសម្ព័ន្ធទាំងអស់មិនអាចខ្វះបាន ដើម្បីធ្វើការអភិវឌ្ឍន៍សេដ្ឋកិច្ចកម្ពុជា ដែល JICA មានបទពិសោធន៍ ក្នុងកិច្ចសហប្រតិបត្តិការបច្ចេកទេស នៅប្រទេសថៃ ភូមា បង់ក្លាដេស ដែលនឹងចែករំលែកបទពិសោធន៍នេះ។

លោកបន្ថែថា ជាមួយគ្នានេះ JICA ជប៉ុន និងធ្វើការជ្រើសរើសទីប្រឹក្សានៅខែមេសាខាងមុខ ដែលបញ្ហានេះ តម្រូវឱ្យមានការសហការគ្នាយ៉ាងជិតស្និតជាមួយនឹងក្រសួងរៀបចំដែនដី នគររូបនីយកម្ម និងសំណង់។ ពាក់ព័ន្ធទៅនឹងកិច្ចស្នើសុំពីការអនុវត្តច្បាប់ស្តីពីសំណង់ ស្ថានទូតជប៉ុនកំពុងពិចារណា ថាត្រូវផ្តល់ជំនួយបែបណាទើបសមរម្យ ដែលត្រូវការពេលមួយចំនួនទៀត ខណៈពេលនេះមិនទាន់ទទួលសំណើសម្រាប់សារពើពន្ធនៅឆ្នាំ២០២០នេះទេ៕

LEAVE A REPLY

Please enter your comment!
Please enter your name here