អ្នកជំនាញណែនាំដល់អ្នកមានធនធានច្រើនគួរវិនិយោគលំនៅឋាននៅតំបន់ចំនួន ៣ស្ថិតនៅជាយក្រុងភ្នំពេញ

0

ដោយវុត្ថា

ភ្នំពេញៈ ស្របពេលដែលវិស័យអចលនទ្រព្យនៅក្នុងប្រទេសកម្ពុជា បាននឹងកំពុងមានសន្ទុះរីកចំរើនស្ទើរតែគ្រប់ទីកន្លែង បានធ្វើឱ្យអ្នកដែលមានធនធានគ្រប់គ្រាន់ ពិបាកក្នុងការសម្រេចចិត្តទិញលំនៅឋាន ក្នុងការវិនិយោគក្នុងការរស់នៅប្រកបដោយសុវត្ថិភាព និងផាសុកភាពខ្ពស់។

អ្នកជំនាញក្នុងវិស័យអចលនទ្រព្យ  លោកស្រី Grace Rachny Fong នាយិកាក្រុមហ៊ុន Century21 Cambodia បានណែនាំដល់អ្នកដែលមានលុយច្រើន គួរវិនិយោគលើលំនៅឋាននៅក្នុងតំបន់សំខាន់ៗ ចំនួន៣ នៃជាយក្រុងភ្នំពេញ ខណៈដែលតំបន់ទាំងនេះ បាននឹងកំពុងមានការរីកចំរើន និងសក្តានុពលខ្ពស់របស់ទីក្រុងភ្នំពេញ។

លោកស្រីប្រាប់គេហទំព័រ propertyarea.asiaថា បើនិយាយពីតម្លៃក្នុងវិស័យអចលនទ្រព្យមាន៣ប្រភេទ រួមមានតម្លៃសមរម្យ តម្លៃមធ្យម និងតម្លៃកម្រិតខ្ពស់ ដែលអ្នកភិវឌ្ឍន៍ទាំងឡាយបាន និងកំពុងអនុវត្តស្របតាមតម្រូវការ នៃអ្នកដែលមានធនធាន ហើយក្នុងនោះ នៅក្នុងខណ្ឌទាំង១៤បាន និងកំពុងរីកដុះដាលនូវគម្រោងបុរី និង ខុនដូ ជាដើម។

លោកស្រីបន្តថា សម្រាប់គម្រោងបុរី និងវីឡាធំៗ ដែលមានតម្លៃខ្ពស់ ត្រូវបានគេអភិវឌ្ឍន៍ និងកំពុងល្បីល្បាញនៅក្នុងតំបន់ផ្លូវ៦០ម៉ែត្រ  នៅតំបន់ខណ្ឌសែនសុខ និងនៅតាមបណ្តោយផ្លូវម៉ុងឬទ្ធី ដែលអ្នកមានធនធានខ្ពស់គួរតែបង្វែរចិត្តទៅកាន់ទីនោះ។

 

លោកស្រីបន្ថែមទៀតថា មិនតែប៉ុណ្ណោះតំបន់ទាំងនេះ ក៏មានលំនៅឋានដែលអាចប្រកបមុខរបរបាន  និងមានឃ្វីនវីឡាដែលរស់នៅខាងក្នុង ប្រកដោយសុវត្ថិភាព  ហើយនៅតំបន់នេះ ក៏សំបូរទៅដោយអគារពាណិជ្ជកម្ម ព្រោះវាជាតំបន់ដែលពោពេញទៅដោយសក្តានុពល និងពាណិជ្ជកម្ម ពោលមានទាំងផ្សារ សាលារៀន និងអគារការិ​យាល័យជាដើម។

តែយ៉ាងណាក៏ដោយ បើតាមលោកស្រី Grace Rachny Fong ថា ការិនិយោគលើលំនៅឋានសម្រាប់រស់នៅកន្លែងណាក៏បានដែរ ឱ្យតែតំបន់ទំាងនោះមានផាសុកភាព សុវត្ថិភាព បរិស្ថាន ផ្សារ សាលារៀន និង ពាណិជ្ជកម្ម ដែលផ្តល់នូវគុណភាពជីវិតសុទ្ធសឹងតែល្អទាំងអស់៕

LEAVE A REPLY

Please enter your comment!
Please enter your name here