អ្នកជំនាញៈ រយៈពេល៥ឆ្នាំចុងក្រោយនេះ ការវិនិយោគអចលនទ្រព្យនៅកម្ពុជាមានកំនើនខ្ពស់

0

ដោយវុត្ថា

ភ្នំពេញៈ អ្នកជំនាញបានឱ្យដឹងថា ការវិនិយោគក្នុងវិស័យអចលនទ្រព្យ ក្នុងរយៈពេល៥ឆ្នាំចុងក្រោយនេះ មានការរីកចំរើនគួរឱ្យកត់សម្គាល់ ដោយសារលំហូចូលនៃវិនិយោគបរទេស និងស្ថេរភាពសេដ្ឋកិច្ច និងនយោបាយនៅក្នុងប្រទេស។


- Video Advertisement -

លោកស្រី តាំង ហួរ នាយិការក្រុមហ៊ុន Amatak Property Service ធ្លាប់បានប្រាប់ឱ្យដឹងកន្លងមកនេះថា វិស័យអចលនទ្រព្យនៅកម្ពុជា បានរីកចម្រើនយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ។ នៅរាជធានីភ្នំពេញ ខេត្តសៀមរាប ក្រុងព្រះសីហនុ ក្រុងប៉ោយប៉ែត បាវិត កែប និងតំបន់់ផ្សេងៗទៀត ត្រូវបានមើលឃើញពីកំណើន ឥតឈប់ឈរនៃការសាងសង់ ដែលកំពុងដំណើរការស្របពេល ដែលការវិនិយោគធំៗភាគច្រើនមកពីប្រទេសចិន ដែលបានជួយជំរុញឲ្យមានភាពរីកចំរើនយ៉ាងខ្លាំង។

លោកស្រីបន្តថា ជាក់ស្តែងនៅក្នុងទីក្រុងភ្នំពេញ មានគម្រោងអភិវឌ្ឍន៍ជាច្រើនទាំងលំនៅដ្ឋាន ពាណិជ្ជកម្ម និងគម្រោងអភិវឌ្ឍន៍ចម្រុះ ដែលបានបញ្ចប់ការសាងសង់ក្នុងពេលថ្មីៗកំពុងដំណើរ និងស្ថិតនៅក្នុងផែនការសាងសង់ជាដើម លោកស្រីបន្ថែមថា ជាលទ្ធផលការផ្គត់ផ្គង់ខុនដូ អាផាតមេន និងបុរី និងលំនៅដ្ឋានផ្សេងៗទៀតមានការកើនឡើង

ប្រជាជនកម្ពុជាកាន់តែច្រើន បានងើបចេញពីភាពក្រីក្រ ដោយសារកម្ពុជាបានក្លាយជាប្រទេស មានសេដ្ឋកិច្ចលូតលាស់លឿនបំផុតមួយ នៅក្នុងតំបន់អាស៊ីអាគ្នេយ៍ ហើយតម្រូវការអចលនទ្រព្យក៏កំពុងមានកំណើនច្រើនផងដែរ។

លោក ច្រឹក សុខនីម ប្រធានសមាគមអ្នកវាយតម្លៃ និងអចលនទ្រព្យកម្ពុជា ក៏បានឱ្យដឹងដែរថា តម្លៃអចលនទ្រព្យនៅកម្ពុជា ជាពិសេសនៅក្នុងតំបន់អភិវឌ្ឍន៍បំផុត នៅក្នុងប្រទេសមានការកើនឡើងខ្លាំង ប៉ុន្តែនៅតែមានកម្រិតទាបនៅឡើយ បើប្រៀបធៀបទៅនឹងតម្លៃអចលនទ្រព្យនៅក្នុងប្រទេសជិតខាង។

ទោះបីជាមានការព្យាករណ៍ ពីការធ្លាក់ចុះទីផ្សារអចលនទ្រព្យនាពេលអនាគតក៏ដោយ តែមានការឯកភាពជាទូទៅ ក្នុងចំណោមអ្នកជំនាញអចលនទ្រព្យក្នុងស្រុក គឺបានបង្ហាញថា វិស័យអចលនទ្រព្យនៅកម្ពុជាកំពុងដើរតាមទិសដៅត្រឹមត្រូវ។


លោកបន្តថា ក្នុងរយៈពេល៥ឆ្នាំខាងមុខ កំណើននៃវិស័យអចលនទ្រព្យនៅកម្ពុជាត្រូវបានគេរំពឹងថា នឹងមានការកើនឡើងយ៉ាងខ្លាំង ចំពោះការអភិវឌ្ឍ ខុនដូ និងបុរី ការវិនិយោគផ្ទាល់ពីបរទេសតម្លៃដីតម្រូវការនិងការផ្គត់ផ្គង់

អ្នកវិភាគសេដ្ឋកិច្ច និងអចលនទ្រព្យកម្ពុជា លោក ង៉ែត ជូ បានមានប្រសាសន៍ថា ផ្អែកតាមទិដ្ឋភាពជាក់ស្ដែងពេលនេះ កម្ពុជានៅតែរក្សាបានភាពលំនឹងនៃកំនើនប្រចាំឆ្នាំក្នុងវិស័យអចលនទ្រព្យ និងសំណង់ ប៉ុន្តសន្ទុះនៃកំណើនសេដ្ឋកិច្ច ក៏ដូចជាភាពរីកចម្រើននៅក្នុងវិស័យណាមួយវាមិនអាចចេះតែកើនឡើងរហូតបាននោះទេ គឺអាចនឹងដល់ចំណុចណាមួយធ្លាក់ចុះវិញជាមិនខាន។

លោកបានបន្តទៀតថា សម្រាប់វិស័យអចលនទ្រព្យ និងសំណង់នៅកម្ពុជានៅត្រឹមរយៈ៣ឆ្នាំចុងក្រោយនេះ មានកំណើនយ៉ាងគំហុកហួសពីក្ដីរំពឹង ដោយឡែកសម្រាប់នៅឆ្នាំបន្ទាប់ យើងមិនអាចកំណត់ថា នឹងមានកំណើនខ្ពស់ដូចនេះទៀតនោះទេ ដែលវាក៏អាស្រ័យទៅលើបរិបថ និងស្ថានភាពនៃស្ថិរភាពក្នុងសង្គមជាក់ស្ដែង

លោកបានបន្តទៀតថា បើធ្វើការប្រៀបធៀបជាមួយប្រទេសជិតខាង ដូចជាប្រទេសថៃ ប្រទេសវៀតណាម វិស័យសំណង់នៅកម្ពុជា នៅតែមានភាពល្អប្រសើរដដែល ដោយសារតែកត្តាតម្លៃនៅកម្ពុជា មានកម្រិតទាបជាង ហើយវិសាលភាព និងឱកាសវិនិយោគនៅមានភាពទូលំទូលាយច្រើន

-Video Advertisement -

LEAVE A REPLY

Please enter your comment!
Please enter your name here