អ្នកវិនិយោគអន្តរជាតិៈ ការវិនិយោគនៅភាគខាងត្បូងនៃទីក្រុងភ្នំពេញគឺជាការវិនិយោគល្អបំផុតសម្រាប់ពេលអនាគត

0

ដោយៈ ប៊ី

ភ្នំពេញៈ តំបន់ភាគខាងត្បូងនៃទីក្រុងភ្នំពេញត្រូវបានគេដឹងថា ជាតំបន់មួយដែលមានសក្តានុពលខ្លាំងជាងគេ និងសម្បូរដោយប្រជាជនជាច្រើនរស់នៅតំបន់នេះ។ ពិសេសក្នុងរយៈពេលចុងក្រោយនេះគម្រោងវិនិយោគធំៗបានបាញ់ឆ្ពោះទៅរកភាគខាងត្បូង ដូចជាគម្រោងខុនដូទំនើប Urban Village ជាដើម។

- Video Advertisement -

ម្ចាស់គម្រោង Urban Village ដែលបានបោះទុនវិនិយោគរាប់សិបលានដុល្លារបានលើកឡើងថា តំបន់ភាគត្បូងដែលតភ្ជាប់ពីទីក្រុងភ្នំពេញជាមួយទីក្រុងតាខ្មៅនឹងក្លាយជាតំបន់មួយប្រកបដោយភាពរស់រវើកជាមួយគម្រោងអភិវឌ្ឍន៍ថ្មីៗជាច្រើន។

លោក Ben Li ស្ថាបនិក និងជាអគ្គនាយកគម្រោងខុនដូ Urban Village មានប្រសាសន៍ថា “អ្នកវិនិយោគគួរតែវិនិយោគនៅភាគខាងត្បូងរាជធានីភ្នំពេញ ពីព្រោះតំបន់នេះមានចំនួនប្រជាជនរស់នៅច្រើន ហើយវាជាចំណុចតភ្ជាប់រវាងទីក្រុងតាខ្មៅដែលមានប្រជាជនជាង១.៣លាននាក់ និងទីក្រុងភ្នំពេញដែលមានប្រជាជនជាង២.៥លាននាក់។”

លោក Ben Li ក៏បានបន្ថែមទៀតថា “មានមនុស្សជាច្រើនសួរខ្ញុំថា តើគួរវិនិយោគនៅទីតាំងណាក្នុងទីក្រុងភ្នំពេញ? តាមការសម្គាល់របស់ខ្ញុំទីតាំងវិនិយោគល្អបំផុតគឺនៅតាមបណ្ដោយមហាវិថីសម្តេចតេជោ ហ៊ុន សែន ពីព្រោះមហាវិថីនេះសម្បូរដោយផ្សារទំនើបល្បីៗ និងអគារខ្ពស់ៗដូចជាគម្រោងផ្សារ ទំនើប AEON Mall 3 ជាមួយផ្ទៃក្រឡា ១៧០ ០០០ មែត្រការ៉េ និងផ្សារទំនើប Diamond Mall ជាដើម”។

លោក Ben Li បានពន្យល់ថាទៀតថាមូលហេតុតដែលគម្រោងធំៗជាច្រើនជ្រើសរើសទីតាំងនេះ ពីព្រោះនៅតាមបណ្ដោយមហាវិថីសម្តេចតេជោ ហ៊ុន សែន គឺជាផ្លូវធ្វើដំណើរដ៏សំខាន់មួយសម្រាប់ប្រជាជនរស់នៅក្នុងទីក្រុងតាខ្មៅ និងរាជធានីភ្នំពេញដែលមានចំនួនជិត៤លាននាក់។

លោក Ben Li ក៏បានបញ្ជាក់ទៀតថា ការវិនិយោគលើវិស័យអចលនទ្រព្យនៅតំបន់ភាគខាងត្បូងទីក្រុង ភ្នំពេញគឺជាការដាក់ទុនវិនិយោគដ៏ល្អបំផុតជាមួយឱកាសចំណេញប្រាក់ខ្ពស់។ កត្តាសំខាន់មួយទៀត ដែលធ្វើឲ្យតំបន់ភាគខាងត្បូងរាជធានីភ្នំពេញក្លាយទៅជាតំបន់មានសក្ដានុពលបំផុតនោះគឺការកសាងអាកាសយានដ្ឋានអន្តរជាតិភ្នំពេញថ្មី។

“ភ្ញៀវទេសចរ វិនិយោគិន និងអ្នកធ្វើដំណើរផ្សេងទៀតនឹងឈប់ធ្វើដំណើរឆ្លងកាត់តាមមហាវិថី សហព័ន្ធរុស្ស៊ី ដោយពួកគេនឹងងាកមកធ្វើដំណើរតាមមហាវិថីសម្តេចតេជោ ហ៊ុន សែន វិញទៅថ្ងៃ អនាគតនៅពេលដែលអាកាសយានដ្ឋានអន្តរជាតិភ្នំពេញថ្មីនេះដាក់ឲ្យដំណើរការ។” នេះបើតាមលោក Ben Li បានមានប្រសាសន៍។

លោក Ben Li បញ្ជាក់បន្ថែមថា “តំបន់ភាគខាងត្បូងគឺជាអនាគតនៃទីក្រុងភ្នំពេញ ហើយប្រសិនអ្នកមាន គម្រោងវិនិយោគអ្នកគួរវិនិយោគនៅតំបន់បណ្តោយមហាវិថីសម្តេចតេជោ ហ៊ុន សែន ហើយ ការវិនិយោគលើគម្រោងខុនដូគឺជាការវិនិយោគដ៏ល្អបំផុតនាពេលអនាគត ពីព្រោះការរស់នៅក្នុងខុនដូមានរួមបញ្ចូលសេវាកម្មចាំបាច់ផ្សេងៗ ដូចជាសេវាសន្តិសុខ២៤ម៉ោង ការថែទាំទូទៅ និងអនាម័យជាដើម ជាកត្តាបង្កភាពងាយស្រួលក្នុងការរស់នៅ ផ្ដល់ជូនផាសុកភាព និងឧត្តមភាពក្នុងយុគ្គសម័យថ្មី”៕

-Video Advertisement -

LEAVE A REPLY

Please enter your comment!
Please enter your name here