អ្នកឧកញ៉ាសៀ រិទ្ធី បញ្ជាក់សក្តានុពលរបស់ក្រុមហ៊ុនថ្មីគ្រប់គ្រងផ្សារទំនើប ក្នុងគម្រោងThe Peak

0

        ដោយៈប៊ី

ភ្នំពេញៈ ក្រុមហ៊ុនសម្ព័ន្ធBluebell Group បានប្រកាសឈានជើងចូលទីផ្សារកម្ពុជា ដោយទទួលបានឳកាសគ្រប់គ្រងគម្រោងផ្សារទំនើបដ៏ធំ ក្នុងគម្រោងThe Peak នៅក្រុងភ្នំពេញ បន្ទាប់ពីក្រុមហ៊ុនក្រុមហ៊ុន Oxley Gem (Cambodia) Co., Ltd  និងក្រុមហ៊ុន CapitaLand Retail បានបញ្ចប់ជាស្ថាពរតាមរយៈការព្រមព្រៀងទ្វេរភាគីនាថ្ងៃទី១០ ខែតុលា ឆ្នាំ២០២០។

អ្នកឧកញ៉ាសៀ ឫទ្ធី ប្រធានក្រុមប្រឹក្សាភិបាលក្រុមហ៊ុន WorldBridge Group និងតំណាងក្រុមហ៊ុនOxley Gem (Cambodia) Co., Ltd បានបញ្ជាក់ឲ្យដឹងនារសៀលថ្ងៃទី១២ មករានេះថា ក្រុមហ៊ុន Capital Mall គ្រាន់តែជាអ្នកផ្តល់ប្រឹក្សា លើការគ្រប់គ្រងផ្សារទំនើប ហើយឥឡូវនេះ ក្រុមហ៊ុនផុតកុងត្រា ក្នុងការផ្តល់ប្រឹក្សាដល់ការរៀបចំផ្សារទំនើប ក្នុងគម្រោង The Peak។

- Video Advertisement -

អ្នកឧកញ៉ាសៀ ឫទ្ធីបានថ្លែងបន្តទៀតថា “ក្រុមហ៊ុន BlueBell ដែលយើងទើបតែតែងតាំង គឺអ្នកគ្រប់គ្រងផ្សារទំនើប ហើយBlueBell គឺជាក្រុមហ៊ុនមួយ ដែលចាប់ផ្តើមតាំងពីអំឡុងឆ្នាំ១៩៥០ នៅប្រទេសជប៉ុន និងកូរ៉េ និងជាក្រុមហ៊ុន ដែលមានបណ្តាញក្នុងការទាក់ទាញយកក្រុមហ៊ុនម៉ាកល្បីៗពីប្រទេសក្រៅ ហើយនិងមានចំណូលដល់រាប់ពាន់លានដុល្លារ”។

Bluebell Group ជាក្រុមហ៊ុនឈានមុខគេមានភាពជោគជ័យ ក្នុងការបង្កើតម៉ាកផលិតផលមួយចំនួន នៅទ្វីបអាស៊ីចាប់តាំងពីឆ្នាំ១៩៥៤មក។ ក្នុងនាមជាជំរើសដៃគូអាជី​វកម្មនៅអាស៊ី ក្រុមហ៊ុនសម្ព័ន្ធBluebell Group បច្ចុប្បន្នមានវត្តមាននៅប្រទេសជប៉ុន កូរ៉េខាងត្បូង សាធារណៈប្រជាមានិតចិន ហុងកុង តៃវ៉ាន់ ម៉ាកាវ សិង្ហបូរី ម៉ាឡេស៊ី ឥណ្ឌូនេស៊ី និងប្រទេសថៃ។

បណ្តាញចែកចាយរបស់ក្រុមហ៊ុនសម្ព័ន្ធនេះ រួមបញ្ចូលទាំងខ្សែសង្វាក់ផ្សារទំនើបដើម្បីលើកកំពស់ប្រជាប្រិយភាពផលិតផល បណ្តាហាងទំនិញនានា បញ្ជរលក់ទំនិញនានា រចនាបទនៃបណ្តុំម៉ាកផលិតផលរបស់ខ្លួនជាដើម ក៏ដូចជា បណ្តាញបោះដុំដែលបានឆ្លងកាត់ការជ្រើសរើសកំរិតគុណភាពខ្ពស់ រួមនឹងអាជីវកម្មតាមប្រព័ន្ធអេឡិចត្រូនិច និងអាជីវកម្ម តាមទីផ្សារដោយផ្ទាល់ទាំងក្នុងស្រុក និងផ្សារទំនើបដែលបំរើការដល់ការធ្វើដំណើរផ្សេងៗ។

ក្រុមហ៊ុនសម្ព័ន្ធនេះ ក៏បានដាក់ឱ្យដំណើរការ នូវប្រភេទផលិតផលមួយចំនួនដូចជា៖ សំភារៈលម្អ ស្បែកជើង សំលៀកបំពាក់ គ្រឿងក្រអូប ផលិតផលថែរក្សាសម្រស់ ភោជនីយអាហារ គ្រឿងអលង្ការ នាឡិកា វ៉ែនតា និងថ្នាំជក់ជាដើម។

ទោះបីជាក្រុមហ៊ុនសម្ព័ន្ធ Bluebell Group ជាក្រុមហ៊ុនសម្ព័ន្ធមួយមានលក្ខណៈគ្រួសារក៏ដោយ ក៏ប៉ុន្តែក្រុមហ៊ុននេះ មានបុគ្គលិកបច្ចុប្បន្នចំនួនប្រមាណជាង៤,០០០នាក់ ដោយមានទីតាំងលក់ទំនិញចំនួន១.០០០កន្លែង និងចំណូលសរុបប្រមាណ២.៥០០លានដុល្លារអាមេរិក៕

-Video Advertisement -

LEAVE A REPLY

Please enter your comment!
Please enter your name here