ដោយវុត្ថា
ប្រទេសចិន: មហាយក្សចិនគ្រោងនឹងដាក់ឲ្យដំណើរការ នូវរថភ្លើងរត់ដោយស្វ័យប្រវត្តិជាផ្លូវការ (automatic train)នៅក្នុងឆ្នាំ២០២២ខាងមុខនេះ ដែលជារថភ្លើងគ្មានមនុស្សបើក បន្ទាប់ពីដាក់ឪ្យដំណើរការសាកល្បងទទួលបានជោគកាលពីពេលថ្មីៗនេះ។
លោក Lu Dongfu អគ្គនាយកគ្រប់គ្រងក្រុមហ៊ុនChina Railway Corp បានឲ្យ ដឹងកាលពីពេលថ្មីៗនេះថា ការដាក់ឲ្យដំណើរការរថភ្លើងល្បឿនលឿន រត់ដោយស្វ័យប្រវត្តិនាពេលខាងមុខនេះ គឺជាសករាជថ្មីរបស់ចិនក្នុងការនាំមុខពិភពលោក ជាមួយនឹងបច្ចេកវិទ្យា និងផលិតដែលបានបង្កើតនៅក្នុងស្រុក។ លោកបន្តថា ការសាកល្បងប្រព័ន្ធរត់ល្បឿនលឿនដោយស្វាយប្រវត្តិនេះ ទទួលបានជោគជ័យដោយរត់ភ្ជាប់ពីទីក្រុងប៉េកាំង និងទីក្រុងShenyang ទៅកាន់ខេត្ត Liaoningដែលមានចម្ងាយ186,000 គីឡូម៉ែត្រ។
លោកបញ្ជាក់ថា “ការដាក់ឲ្យដំណើរការរថភ្លើងរត់ដោយស្វ័យប្រវត្តិ ជំនួសការបើកដោយដៃនេះវានឹងក្លាយជាការពិត ព្រោះផ្លូវជាច្រើនត្រូវបានរៀបចំរួចរាល់ហើយ”។ លោកបន្ថែមថា “ក្រុមហ៊ុនក៏គ្រោងនឹងដាក់ប្រព័ន្ធដំណើររត់ នៅតាមទីក្រុងមួយចំនួនទៀតដូចជា ទីក្រុងDongguan-Huizhou និង ទីក្រុង Foshan-Zhaoging របស់ខេត្ត Guangdong ជាមួយនឹងល្បឿងរត់២០០គីឡូម៉ែត្រក្នុងមួយម៉ោង”។
អ្នកជំនាញរូបនេះបានបញ្ជាក់ថា ការប្រប្រាស់ប្រព័ន្ធបច្ចេកវិទ្យាទំនើនេះ រថភ្លើងអាចរត់ដោយស្វ័យប្រវត្តិ ដោយរត់ចេញពីស្ថានីយ៍ទៅកាន់ទីតាំងគោលដៅ ដែលបានកំណត់តាមតារាងចេញដំណើរ ទាំងការឈប់ និងបើកទ្វាគឺដើរដោយស្វ័យប្រវត្តិ ដើម្បីបង្កើនប្រសិទ្ធិភាព និងជៀសវៀងការកកស្ទះ ពន្យាលពេល និងគ្រោះថ្នាក់ចរាចរណ៍ជាដើម។
ប្រព័ន្ធរថភ្លើងនេះ នឹងត្រូវដាក់ឲ្យដំណើរជាផ្លូវការនៅក្នុងឆ្នាំ២០២២ ដោយរត់តាមខ្សែររថភ្លើងដែលភ្ជាប់ពីទីក្រុង Bejing និងទីក្រុងZhangjiankou ព្រមទាំងខេត្ត Hebei ព្រោះជាទីក្រុងធ្វើជាម្ចាស់ផ្ទះ រៀបចំកីឡាអូឡាំពិករដូវត្រជាក់ឆ្នាំ២០២២ (Winter Olypics 2022) ជាមួយនឹងល្បឿន៣៥០ម៉ែត្រក្នុងមួយម៉ោង៕
